ସରକାରଙ୍କ ବଡ଼ ନିଷ୍ପତ୍ତି; ବଢ଼ିଲା ସାମ୍ୱାଦିକଙ୍କ ପେନସନ୍

News18 Odia Digital

Pension Hike: ସାମ୍ବାଦିକ(Journalist)ମାନଙ୍କ ହିତକୁ ଦୃଷ୍ଟିରେ ରଖି ହରିୟାଣା ସରକାର(Harayana Govt) ଆଉ ଏକ ବଡ଼ ନିଷ୍ପତ୍ତି ନେଇଛନ୍ତି। ପେନ୍ସନ୍ ସ୍କିମ୍(Pension Scheme) ଅଧୀନରେ ୬୦ ବର୍ଷରୁ ଅଧିକ ସ୍ୱୀକୃତିପ୍ରାପ୍ତ ଗଣମାଧ୍ୟମ କର୍ମଚାରୀଙ୍କ ପାଇଁ ପେନ୍ସନ୍ ରାଶି ବୃଦ୍ଧି କରିଛନ୍ତି ସରକାର। ଏଥିପାଇଁ ମୁଖ୍ୟମନ୍ତ୍ରୀ ଶ୍ରୀ ମନୋହର ଲାଲ ଏକ ପ୍ରସ୍ତାବକୁ ଅନୁମୋଦନ କରିଛନ୍ତି।

ଅତିରିକ୍ତ ମୁଖ୍ୟ ଶାସନ ସଚିବ ତଥା ସୂଚନା, ଜନସମ୍ପର୍କ, ଭାଷା ଏବଂ ସଂସ୍କୃତି ବିଭାଗର ମହାନିର୍ଦ୍ଦେଶକ ଡକ୍ଟର ଅମିତ ଅଗ୍ରୱାଲ କହିଛନ୍ତି ଯେ ପେନ୍‌ସନ୍‌ ବାର୍ଷିକ ବୃଦ୍ଧି ପ୍ରସ୍ତାବକୁ ମଧ୍ୟ ମୁଖ୍ୟମନ୍ତ୍ରୀ ଅନୁମୋଦନ କରିଛନ୍ତି।  ବର୍ତ୍ତମାନ କେନ୍ଦ୍ର ସରକାର ସ୍ଥିର କରିଥିବା ନିୟମ ଅନୁଯାୟୀ ସାମ୍ବାଦିକଙ୍କ ପେନ୍‌ସନ୍‌ ପରିମାଣ ଡିଏ ବୃଦ୍ଧି ଅନୁପାତରେ ବୃଦ୍ଧି କରାଯିବ।

ସେ କହିଛନ୍ତି ଯେ ୨୦୧୭ ଅକ୍ଟୋବର ୨୬ ରେ ମୁଖ୍ୟମନ୍ତ୍ରୀ ମନୋହର ଲାଲ ସାମ୍ବାଦିକ ପେନ୍ସନ୍ ଯୋଜନା ଆରମ୍ଭ କରିଥିଲେ। ଏହି ଯୋଜନା ଅଧୀନରେ ୬୦ ବର୍ଷରୁ ଅଧିକ ସ୍ୱୀକୃତିପ୍ରାପ୍ତ ଗଣମାଧ୍ୟମ କର୍ମଚାରୀଙ୍କୁ ମାସିକ ପେନସନ୍ ଦିଆଯାଉଛି। ଏହି ଯୋଜନା ପାଇଁ ଯୋଗ୍ୟତା ମାନଦଣ୍ଡ ଅନୁଯାୟୀ, ସାମ୍ବାଦିକମାନଙ୍କର ୨୦ ବର୍ଷର ଅଭିଜ୍ଞତା ଥିବା ଆବଶ୍ୟକ ଏବଂ ୫ ବର୍ଷ ପାଇଁ ହରିୟାଣା ସରକାରଙ୍କ ଦ୍ୱାରା ସ୍ୱୀକୃତି ପ୍ରାପ୍ତ ହେବା ଆବଶ୍ୟକ ।

କ୍ରେଡିଟ କାର୍ଡ଼ ବ୍ୟବହାର କରୁଛନ୍ତି କି? SBI ଆଣିଲା ନୂଆ ନିୟମ

ଆହୁରି ମଧ୍ୟ ଡକ୍ଟର ଅଗ୍ରୱାଲ କହିଛନ୍ତି ଯେ ସାମ୍ବାଦିକଙ୍କ ସୁବିଧା ପାଇଁ ମୁଖ୍ୟମନ୍ତ୍ରୀ କ୍ରମାଗତ ଭାବରେ ନୂଆ ଯୋଜନା କାର୍ଯ୍ୟକାରୀ କରୁଛନ୍ତି। ସାମ୍ବାଦିକମାନଙ୍କୁ ପେନସନ୍ ଯୋଗାଇଦେବା ପାଇଁ ଦାବି ଦୀର୍ଘ ସମୟ ଧରି ବଢୁଥିଲା, ଯାହା ବର୍ତ୍ତମାନର ରାଜ୍ୟ ସରକାର ପୂରଣ କରିଛନ୍ତି। ଏହା ବ୍ୟତୀତ ସାମ୍ବାଦିକମାନଙ୍କ ପାଇଁ ବୀମା ଯୋଜନା, ହରିୟାଣା ପରିବହନ ବସରେ ମାଗଣା ଯାତ୍ରା ସୁବିଧା, ପ୍ରତ୍ୟେକ ଜିଲ୍ଲାରେ ମିଡିଆ ସେଣ୍ଟର ମଧ୍ୟ ପ୍ରତିଷ୍ଠା କରାଯାଇଛି। ଯାହା ଦ୍ୱାରା ମିଡିଆ ବ୍ୟକ୍ତିମାନେ କୌଣସି ଅସୁବିଧାର ସାମ୍ନା ନକରି ନିଜ କର୍ତ୍ତବ୍ୟ ସମ୍ପାଦନ କରିପାରିବେ।