ଗୁଜୁରାଟରେ କଂଗ୍ରେସକୁ ମିଳିଲା ବଡ଼ ଝଟକା; ଇସ୍ତଫା ଦେଲେ ରାଜ୍ୟ ସଭାପତି ହାର୍ଦ୍ଦିକ ପଟେଲ

News18 Odia Digital

ଗୁଜୁରାଟ: ଦୀର୍ଘ ଦିନ ଧରି କଂଗ୍ରେସର ହାଇ କମାଣ୍ଡଙ୍କ ଉପରେ କ୍ରୋଧିତ ଥିବା ଗୁଜରାଟ ରାଜ୍ୟ ସଭାପତି ହାର୍ଦ୍ଦିକ ପଟେଲ ଇସ୍ତଫା ଦେଇଛନ୍ତି। ଟ୍ୱିଟ୍ କରି ହାର୍ଦ୍ଦିକ ପଟେଲ ଏହି ସୂଚନା ଦେଇଛନ୍ତି।

आज मैं हिम्मत करके कांग्रेस पार्टी के पद और पार्टी की प्राथमिक सदस्यता से इस्तीफा देता हूँ। मुझे विश्वास है कि मेरे इस निर्णय का स्वागत मेरा हर साथी और गुजरात की जनता करेगी। मैं मानता हूं कि मेरे इस कदम के बाद मैं भविष्य में गुजरात के लिए सच में सकारात्मक रूप से कार्य कर पाऊँगा। pic.twitter.com/MG32gjrMiY

— Hardik Patel (@HardikPatel_) May 18, 2022

ସେ ଟ୍ବିଟରେ ଲେଖିଛନ୍ତି, ‘‘ମୁଁ କଂଗ୍ରେସ ଦଳ ଓ ଦଳର ପ୍ରାଥମିକ ସଦସ୍ୟତା ପଦରୁ ଇସ୍ତଫା ଦେଉଛି। ମୁଁ ନିଶ୍ଚିତ ଯେ ମୋର ନିଷ୍ପତ୍ତିକୁ ମୋର ସମସ୍ତ ସହକର୍ମୀ ଓ ଗୁଜୁରାଟର ଲୋକମାନେ ସ୍ୱାଗତ କରିବେ। ମୋର ବିଶ୍ୱାସ ଯେ ମୋର ଏହି ପଦକ୍ଷେପ ପରେ ମୁଁ ଭବିଷ୍ୟତରେ ଗୁଜୁରାଟ ପାଇଁ ସକାରାତ୍ମକ କାର୍ଯ୍ୟ କରିବାକୁ ସମର୍ଥ ହେବି।’’

ଚଳିତ ବର୍ଷ ଶେଷ ସୁଦ୍ଧା ଗୁଜୁରାଟରେ ନିର୍ବାଚନ ଅନୁଷ୍ଠିତ ହୋଇପାରେ। ଏଭଳି ପରିସ୍ଥିତିରେ ହାର୍ଦ୍ଦିକଙ୍କ ଇସ୍ତଫା କଂଗ୍ରେସ ପାଇଁ ବଡ଼ ଝଟକାଠୁ କମ ନୁହେଁ। ଗୁଜୁରାଟ କଂଗ୍ରେସରେ ବିବାଦ ବନ୍ଦ ହେବାର ନାଁ ନେଉନାହିଁ।

ହାର୍ଦ୍ଦିକ ପଟେଲଙ୍କ ନିକଟରେ ପ୍ରକାଶିତ ବିବୃତ୍ତି ହେତୁ ସେ ଦଳ ଉପରେ ରାଗିଛନ୍ତି ଓ ଖୁବ୍ ଶୀଘ୍ର ବିଜେପିରେ ଯୋଗ ଦେଇପାରନ୍ତି ବୋଲି କଳ୍ପନାଜଳ୍ପନା କରାଯାଉଥିଲା। ଏହା ପରେ ଖବର ଆସିଥିଲା ​​ଯେ ବର୍ତ୍ତମାନ ପାର୍ଟି ଭିତରେ ସବୁକିଛି ସମାଧାନ ହୋଇଛି ଓ ହାର୍ଦ୍ଦିକଙ୍କ ଅସନ୍ତୋଷ ହଟାଯାଇଛି। କିନ୍ତୁ ଚିନ୍ତନ ଶିବରରେ ଅଂଶଗ୍ରହଣ ନକରି ହାର୍ଦ୍ଦିକ ଦଳ ପ୍ରତି ଅସନ୍ତୋଷ ପ୍ରକାଶ କରିଥିଲେ। ଏହା ପରେ ସେ ବୁଧବାର ଦିନ ଏହି ପଦବୀ ତଥା ସଦସ୍ୟତା ପଦରୁ ଇସ୍ତଫା ଦେଇଛନ୍ତି।