Breaking: ହୃଦଘାତରେ କ୍ରୁନାଲ ଓ ହାର୍ଦ୍ଦିକ ପାଣ୍ଡ୍ୟାଙ୍କ ପିତାଙ୍କ ମୃତ୍ୟୁ ହେଲା

ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା (Hardik Pandya Father Passed Away) ଓ କ୍ରୁନାଲଙ୍କ ପିତା ହୃଦଘାତରେ ମୃତ୍ୟୁ ବରଣ କରିଛନ୍ତି ।

Breaking: ହୃଦଘାତରେ କ୍ରୁନାଲ ଓ ହାର୍ଦ୍ଦିକ ପାଣ୍ଡ୍ୟାଙ୍କ ପିତାଙ୍କ ମୃତ୍ୟୁ ହେଲା
ହୃଦଘାତରେ କ୍ରୁନାଲ ଓ ହାର୍ଦ୍ଦିକ ପାଣ୍ଡ୍ୟାଙ୍କ ପିତାଙ୍କ ମୃତ୍ୟୁ ହେଲା
  • News18 Odia
  • Last Updated: January 16, 2021, 10:32 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଟିମ୍ ଇଣ୍ଡିଆର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା (Hardik Pandya Father Passed Away) ଓ କ୍ରୁନାଲ ପାଣ୍ଡ୍ୟାଙ୍କ ପିତା ଶନିବାର ମୃତ୍ୟୁ ବରଣ କରିଛନ୍ତି । ହିମାଂଶୁ ପାଣ୍ଡ୍ୟା (Himanshu Pandya) ବଡୋଦରା ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ହୃଦଘାତ ହୋଇଥିଲା । ପିତାଙ୍କ ମୃତ୍ୟୁ ପରେ କ୍ରୁନାଲ ପାଣ୍ଡ୍ୟା ବଡୋଦରା ଦଳର ବାୟୋ ବବୁଲରୁ ବାହାରି ଆସିଛନ୍ତି । ସୟଦ ମୁଶତାକ୍ ଅଲି ଟ୍ରଫିରେ କ୍ରୁନାଲ ବଡୋଦରା ଦଳକୁ ଆଗେଇ ନେଉଥିଲେ । ଏହି ସମୟରେ ହାର୍ଦ୍ଦିକ ପାଣ୍ଡ୍ୟା ଏହି ଟୁର୍ନାମେଣ୍ଟରେ ଖେଳୁ ନଥିଲେ।

ନିଜ ପୁତ୍ରମାନଙ୍କ ସଫଳତାରେ ହିମାଂଶୁ ପାଣ୍ଡ୍ୟା ପ୍ରମୁଖ ଭୂମିକା ଗ୍ରହଣ କରିଥିଲେ । ହିମାଂଶୁ ସୁରଟରେ ଏକ ଛୋଟ କାର୍ ଫାଇନାନ୍ସ ବ୍ୟବସାୟ ଚଳାଉଥିଲେ କିନ୍ତୁ ତାଙ୍କ ପିଲାମାନଙ୍କୁ କ୍ରିକେଟର କରିବା ପାଇଁ ବଡୋଦରାଠାରେ ସ୍ଥିର କରିବାକୁ ନିଷ୍ପତ୍ତି ନେଇଥିଲେ । ବଡୋଦରାରେ ସୁରଟ ଅପେକ୍ଷା କ୍ରିକେଟର ଉନ୍ନତ ସୁବିଧା ଥିଲା । ତେଣୁ ହିମାଂଶୁ ପାଣ୍ଡ୍ୟା ମଧ୍ୟ ନିଜ ବ୍ୟବସାୟ ବନ୍ଦ କରିଦେଇଥିଲେ । ଏକ ସାକ୍ଷାତକାରରେ ହିମାଂଶୁ ପାଣ୍ଡ୍ୟା କହିଛନ୍ତି ଯେ ତାଙ୍କର ଅନେକ ସମ୍ପର୍କୀୟ ପୁଅମାନଙ୍କୁ କେବଳ କ୍ରିକେଟ୍ ଖେଳିବାକୁ ଦେବା ନିଷ୍ପତ୍ତି ଉପରେ ପ୍ରଶ୍ନ କରିଛନ୍ତି କିନ୍ତୁ ଆମେ ଆମର ବିଶ୍ୱାସ ରକ୍ଷା କରିଛୁ ।

ହାର୍ଦ୍ଦିକ ପାଣ୍ଡ୍ୟା ଏକ ଶତକ ମାରିବା ପରେ ନିଜ ପିତାଙ୍କୁ ଗିଫ୍ଟ ଦେଇଥିଲେ
ଯେତେବେଳେ ହାର୍ଦ୍ଦିକ ପାଣ୍ଡ୍ୟା ୨୦୧୭ ମସିହାରେ ଶ୍ରୀଲଙ୍କା ବିପକ୍ଷରେ ଏକ ଶତକ ମାରିଥିଲେ ସେତେବେଳେ ସେ ନିଜ ପିତାଙ୍କୁ ଏକ କାର ଉପହାର ଦେଇଥିଲେ । ନିଜ ପିତା ଜୀବନର ସମସ୍ତ ସୁଖ ପାଇବା ଉଚିତ ବୋଲି ହାର୍ଦ୍ଦିକ ପାଣ୍ଡ୍ୟା ଏକ ଟ୍ୱିଟରେ କହିଛନ୍ତି । ନିଜ ସଫଳତା ପାଇଁ ପିତାଙ୍କୁ ପାଣ୍ଡ୍ୟା ପୂରା ଶ୍ରେୟ ଦେଇଥିଲେ । ପାଣ୍ଡ୍ୟା ଲେଖିଛନ୍ତି ଯେ ତାଙ୍କ ପିତା ତାଙ୍କ ପୁଅମାନଙ୍କ କ୍ୟାରିୟର ପାଇଁ ସବୁକିଛି ତ୍ୟାଗ କରିଛନ୍ତି । ଏଥିପାଇଁ ବହୁତ ସାହସ ଦରକାର ।
Published by: Jagdish Barik
First published: January 16, 2021, 10:32 AM IST