- ହୋମ୍ »
- ଓଡ଼ିଶା ନ୍ୟୁଜ୍ »
- ଟ୍ରେଣ୍ଡିଙ୍ଗ »
- ଏପ୍ରିଲରୁ ବଦଳିବ ସୁନା ବିକ୍ରି ନିୟମ; ପୁରୁଣା ଗହଣାକୁ କିପରି କରିବେ ହଲମାର୍କିଂ
ଏପ୍ରିଲରୁ ବଦଳିବ ସୁନା ବିକ୍ରି ନିୟମ; ପୁରୁଣା ଗହଣାକୁ କିପରି କରିବେ ହଲମାର୍କିଂ
ନୂଆ ନିୟମକୁ ନେଇ ଆଦୌ ଟେନସନ ନିଅନ୍ତୁନି । ଆପଣଙ୍କ ପାଖରେ ଥିବା ପୁରୁଣା ଗହଣାକୁ ବି ଆପଣ ଏଭଳି ହଲମାର୍କିଂ କରିପାରିବେ ।
ପୁରୁଣା ଗହଣାକୁ କିପରି କରିବେ ହଲମାର୍କ
Gold Hallmarking: ଏପ୍ରିଲ ପହିଲାରୁ ବିନା ହଲମାର୍କିଂ(Hallmark Gold) ସୁନା ବିକ୍ରି ହୋଇପାରିବ ନାହିଁ । ସୁନା ବିକ୍ରି କରିବାକୁ ହେଲେ ଆପଣଙ୍କ ସୁନା ଗହଣା ଉପରେ ହଲମାର୍କ ଚିହ୍ନ ରହିବା ଦରକାର । ସେହିଭଳି ଭାବେ ଦୋକାନୀ ମଧ୍ଯ ଆପଣଙ୍କୁ ସୁନା ବିକିଲେ ସେଥିରେ ହଲମାର୍କ ଚିହ୍ନ ରହିବା ଜରୁରୀ । ଏସବୁ ସତ୍ତ୍ୱେ ବଡ଼ ପ୍ରଶ୍ନ ହେଉଛି ଯଦି ଆପଣଙ୍କ ପାଖରେ ପୁରୁଣା ସୁନା ଗହଣା ଅଛି, ଯାହାକି ହଲମାର୍କିଂ ହୋଇନାହିଁ ତେବେ ଆପଣ କଣ କରିବେ ।
ସୁନା କିଣିବାବେଳେ ଗୋଟିଏ କଥା ସବୁବେଳେ ମନକୁ ଆସେ ଯେ ଯଦି ଆମେ ଏହି ସୁନାକୁ ବିକ୍ରି କରୁ, ତେବେ ଆମେ ସମାନ ମୂଲ୍ୟ ପାଇବୁ କି ନାହିଁ, ଯେଉଁ ମୂଲ୍ଯରେ ଆମେ କିଣିଥିଲୁ। ଏହି ପ୍ରଶ୍ନ ଯୋଗୁଁ, ଆମେ ବିଶ୍ୱସ୍ତ ସୁନା କାରିଗରମାନଙ୍କଠାରୁ ଅଳଙ୍କାର କିଣିବାକୁ ପସନ୍ଦ କରୁ। ହଲମାର୍କ ବିନା ସୁନା କିଣିବାବେଳେ, ଆମେ ମଧ୍ୟ ଭୟ କରୁଛୁ ଯେ ଆମ ସହ ଠକାମୀ ହୋଇପାରେ....କାରଣ ହଲମାର୍କ ବିନା ଅଳଙ୍କାରର କୌଣସି ଗ୍ୟାରେଣ୍ଟି ନାହିଁ। କିନ୍ତୁ ଯଦି ଆପଣଙ୍କର ହଲମାର୍କ ଅଳଙ୍କାର ଅଛି ତେବେ ଆପଣଙ୍କୁ କୋୟଣସି ପ୍ରକାରେ ଚିନ୍ତା କରିବାର ଆବଶ୍ୟକତା ନାହିଁ। ଏପରି ଅଳଙ୍କାର ବିକ୍ରି କରିବାରେ କୌଣସି ଅସୁବିଧା ହେବ ନାହିଁ। କିନ୍ତୁ ଯଦି ଆପଣଙ୍କ ପାଖରେ ପୁରୁଣା ଗହଣା ଅଛି ଓ ଏପ୍ରିଲ ପହିଲାରୁ ନିୟମ ବଦଳିବା ପରେ ମଧ୍ଯ ଆପଣ ଅସୁବିଧାରେ ପଡ଼ିବେ ନାହିଁ ।
ସୁନାର ମୂଲ୍ୟ ଏହାର ଶୁଦ୍ଧତା ଆଧାରରେ ସ୍ଥିର କରାଯାଏ। ଏପରି ପରିସ୍ଥିତିରେ, ଯେତେବେଳେ ଆପଣ ସୁନା ବିକ୍ରୟ କରିବାକୁ ଯାଆନ୍ତି, ଏହାର ଶୁଦ୍ଧତା ଆଧାରରେ ମୂଲ୍ୟ ବିଚାର କରାଯିବ। ସମସ୍ତ ବଣିଆମାନେ କେବଳ ପୁରୁଣା ଅଳଙ୍କାର ତରଳାଇ ନୂଆ ଅଳଙ୍କାର ତିଆରି କରନ୍ତି। ପୁରୁଣା ସୁନା କେବଳ ସେମାନଙ୍କ ପାଇଁ କଞ୍ଚାମାଲ ଭଳି କାମ କରେ। ତେଣୁ, ନୂଆ ନିୟମ ଲାଗୁ ହେବା ପରେ ମଧ୍ୟ ଆପଣ ଆପଣଙ୍କ ସୁନାର ମୂଲ୍ୟ ପାଇପାରିବେ। ଏହି ସମୟ ମଧ୍ୟରେ ଆପଣ ନୂଆ ସୁନା ପାଇଁ ପୁରୁଣା ସୁନା ବିନିମୟ କରିପାରିବେ ଓ ଯଦି ଆପଣ ଚାହାଁନ୍ତି, ତେବେ ଆପଣ ପୁରୁଣା ଅଳଙ୍କାର ଉପରେ ହଲମାର୍କିଂ କରିପାରିବେ।
Gold Hallmarking: ଗ୍ରାହକଙ୍କୁ କଣ ମିଳିବ ଲାଭ; କେତେ ଅଧିକ ଚାର୍ଜ ଦେବାକୁ ପଡି଼ବ
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
