କ୍ରମାଗତ ୫ ବର୍ଷ ପୂରା ନହେଲେ ବି ମିଳିବ ଗ୍ରାଚ୍ୟୁଟି ; ଜାଣନ୍ତୁ ଗଣନା ସୁତ୍ର

ଗ୍ରାଚ୍ୟୁଟି ଲାଭ ଓ ନିୟମ

ଗ୍ରାଚ୍ୟୁଟି ଲାଭ ଓ ନିୟମ

  • Share this:
News 18 Odia Digital

ନୂଆଦିଲ୍ଲୀ ; କୌଣସି କମ୍ପାନୀରେ ଲଗାତାର ୫ ବର୍ଷ କାମ କରୁଥିବା କର୍ମଚାରୀମାନେ ଗ୍ରାଚ୍ୟୁଟି ପାଇଁ ଯୋଗ୍ୟ ହୁଅନ୍ତି । କିନ୍ତୁ କେତେକ କ୍ଷେତ୍ରରେ, ୫ ବର୍ଷରୁ କମ୍ ଚାକିରିରେ ବି ଗ୍ରାଚ୍ୟୁଇଟିର ଲାଭ ମିଳିଥାଏ ।
ବେସରକାରୀ ସେକ୍ଟରରେ କାର୍ଯ୍ୟ କରୁଥିବା କର୍ମଚାରୀଙ୍କ ମଧ୍ୟରେ ଗ୍ରାଚ୍ୟୁଟିକୁ ନେଇ ମନରେ ଅନେକ ପ୍ରଶ୍ନ ଆସିଥାଏ । ଗ୍ରାଚ୍ୟୁଟିରେ ପରିବର୍ତ୍ତନ ଆଣିବାନେଇ ମଧ୍ୟ ସରକାର ଚିନ୍ତା କରୁଛନ୍ତି । କିନ୍ତୁ ବର୍ତ୍ତମାନ ଏହା ଉପରେ ଚୂଡ଼ାନ୍ତ ନିଷ୍ପତ୍ତି ନିଆଯାଇ ନାହିଁ । ସର୍ବାଧିକ ବେତନ ପ୍ରାପ୍ତ ବ୍ୟକ୍ତିଙ୍କ ମଧ୍ୟରେ , ଗୋଟିଏ କଥା ବିଷୟରେ ଆଲୋଚନା ହୁଏ ଯେ, ଲଗାତାର କେତେ ଦିନ କାମ କରିବା ପରେ ଗ୍ରାଚ୍ୟୁଇଟି ମିଳିଥାଏ । ଏହିପରି ପ୍ରଶ୍ନର ସମସ୍ତ ଉତ୍ତର ଆପଣଙ୍କୁ ଏହି ସମ୍ବାଦ ମାଧ୍ୟମରେ ମିଳିଯିବ ।
ପ୍ରଶ୍ନ- ଗ୍ରାଚ୍ୟୁଟି କ’ଣ?
ଉତ୍ତର- କମ୍ପାନୀ ଏହାର କର୍ମଚାରୀମାନଙ୍କୁ କୃତଜ୍ଞତା ପ୍ରଦାନ କରେ । ଗୋଟିଏ ପ୍ରକାରେ, ନିରନ୍ତର ସେବା ପ୍ରତିବଦଳରେ, କମ୍ପାନୀ ତରଫରୁ କର୍ମଚାରୀଙ୍କ କୃତଜ୍ଞତା ଜଣାଯାଏ ।

ପ୍ରଶ୍ନ- ସମସ୍ତ ବେସରକାରୀ କର୍ମଚାରୀମାନେ ଗ୍ରାଚ୍ୟୁଟି ପାଇବାକୁ ହକଦାର କି ?
ଉତ୍ତର- ଦେଶର ସମସ୍ତ କାରଖାନା, ଖଣି, ତୈଳ କ୍ଷେତ୍ର, ବନ୍ଦର ଏବଂ ରେଳବାଇ ପାଇଁ ଗ୍ରାଚ୍ୟୁଟି ଆକ୍ଟ ଲାଗୁ ହୋଇଥାଏ । ଏହା ସହିତ ୧୦ରୁ ଅଧିକ ବ୍ୟକ୍ତିଙ୍କୁ ନିଯୁକ୍ତି କରିଥିବା ଦୋକାନ ଏବଂ କମ୍ପାନୀର କର୍ମଚାରୀଙ୍କୁ ମଧ୍ୟ ଗ୍ରାଚ୍ୟୁଟିର ଲାଭ ମିଳିଥାଏ ।
ପ୍ରଶ୍ନ- କେତେ ବର୍ଷ କାମ କରିବା ପରେ ଗ୍ରାଚ୍ୟୁଇଟି ମିଳିଥାଏ ?
ଉତ୍ତର- ଏମିତିରେ ତ କୌଣସି କମ୍ପାନୀରେ ଲଗାତାର ୫ ବର୍ଷ କାମ କରୁଥିବା କର୍ମଚାରୀମାନେ ଗ୍ରାଚ୍ୟୁଇଟି ପାଇଁ ଯୋଗ୍ୟ ହୁଅନ୍ତି । କିନ୍ତୁ କେତେକ କ୍ଷେତ୍ରରେ, ୫ ବର୍ଷରୁ କମ୍ କାମ କରିଥିବା ବ୍ୟକ୍ତିଙ୍କ କ୍ଷେତ୍ରରେ ଗ୍ରାଚ୍ୟୁଟିର ଲାଭ ମଧ୍ୟ ମିଳିଥାଏ । ଗ୍ରାଚ୍ୟୁଟି ଆକ୍ଟର ଧାରା -୨ ଏ ରେ 'ଲଗାତର କାର୍ଯ୍ୟ କରିବା' କଥା ସ୍ପଷ୍ଟ ଭାବରେ ବ୍ୟାଖ୍ୟା କରାଯାଇଛି । ଏହା ଅନୁଯାୟୀ, ଅନେକ କର୍ମଚାରୀ ୫ ବର୍ଷ ସମ୍ପୂର୍ଣ୍ଣ କାମ ନକଲେ ମଧ୍ୟ ଗ୍ରାଚ୍ୟୁଟିର ଲାଭ ପାଇପାରିବେ ।

ପ୍ରଶ୍ନ- ୫ ବର୍ଷ ପୂର୍ବରୁ ଗ୍ରାଚ୍ୟୁଟିର ଲାଭ ଉପଲବ୍ଧ କି?

ଉତ୍ତର- ଗ୍ରାଚ୍ୟୁଇଟି ଆକ୍ଟର ଧାରା - ୨ଏ ଅନୁଯାୟୀ, ଯଦି ଖଣିରେ କାର୍ଯ୍ୟ କରୁଥିବା କର୍ମଚାରୀ ସେମାନଙ୍କ ନିଯୁକ୍ତି ଦାତାଙ୍କ ସହିତ ୪ ବର୍ଷ ୧୯୦ ଦିନ ସଂପୂର୍ଣ୍ଣ କରନ୍ତି, ତେବେ ସେମାନେ ଗ୍ରାଚ୍ୟୁଇଟିର ଲାଭ ପାଇବେ । ସେହି ସମୟରେ, ଅନ୍ୟ ସଂସ୍ଥାରେ କାର୍ଯ୍ୟ କରୁଥିବା କର୍ମଚାରୀମାନେ ୪ ବର୍ଷ ୨୪୦ ଦିନ (ଅର୍ଥାତ୍ ୪ ବର୍ଷ ୮ ମାସ) କାର୍ଯ୍ୟ କରିବା ପରେ ଗ୍ରାଚ୍ୟୁଇଟି ପାଇଁ ଯୋଗ୍ୟ ହୁଅନ୍ତି ।

ପ୍ରଶ୍ନ- ନୋଟିସ ପିରିୟଡ ଗ୍ରାଚ୍ୟୁଟିରେ ଗଣନା କରାଯାଏ କି?
ଉତ୍ତର- ବିଲକୁଲ ହଁ, ଅନେକ ଲୋକ ଦ୍ୱନ୍ଦ୍ୱରେ ଥାନ୍ତି ଯେ ଗ୍ରାଚ୍ୟୁଟି ସମୟ ଗଣନାରେ ନୋଟିସ ପିରିୟଡକୁ ଗଣନା କରାଯାଏ କି ନାହିଁ ? ନିୟମଗୁଡିକ ସ୍ପଷ୍ଟ ଭାବରେ ଦର୍ଶାଉଛି ଯେ ବିଜ୍ଞପ୍ତି ଅବଧି 'ନିରନ୍ତର ସେବା'ରେ ଗଣାଯାଏ, ତେଣୁ ନୋଟିସ ଅବଧି ଗ୍ରାଚ୍ୟୁଟିରେ ଯୋଡା ଯାଇଥାଏ ।

ପ୍ରଶ୍ନ- ଗ୍ରାଚ୍ୟୁଟିରେ ପରିମାଣ କିପରି ହିସାବ କରାଯାଏ?
ଉତ୍ତର- ଏହା ଅତ୍ୟନ୍ତ ସହଜ ପ୍ରକ୍ରିୟା, ଆପଣ ନିଜେ ନିଜର ଗ୍ରାଚ୍ୟୁଟି ଗଣନା କରିପାରିବେ ।
ସମୁଦାୟ ଗ୍ରାଚ୍ୟୁଟି ରାଶି = (ଶେଷ ଦରମା) x (15/26) x (କମ୍ପାନୀରେ କେତେ ବର୍ଷ କାମ କରିଛନ୍ତି) ।
ଉଦାହରଣ ସହିତ ବୁଝନ୍ତୁ: - ଧରାଯାଉ ତୁମେ ସମାନ କମ୍ପାନୀରେ କ୍ରମାଗତ 7 ବର୍ଷ କାମ କରିଛ । ଅନ୍ତିମ ଦରମା ହେଉଛି ୩୫୦୦୦ ଟଙ୍କା (ମୂଳ ଦରମା ଏବଂ ଭତ୍ତା କୁ ମିଶାଇ) । ଗଣନା ଏହିପରି ହେବ (୩୫୦୦୦) x (୧୫/ ୨୬) x (୭) = ୧,୪୧,୩୪୬ ଟଙ୍କା । ଜଣେ କର୍ମଚାରୀ ସର୍ବାଧିକ ୨୦ ଲକ୍ଷ ଟଙ୍କା ପର୍ଯ୍ୟନ୍ତ ଗ୍ରାଚ୍ୟୁଟି ପାଇପାରିବ ।
Published by:Soubhagya Mishra
First published: