ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ମଧ୍ଯ ପ୍ରଦେଶ ସରକାରଙ୍କ ବଡ଼ ଘୋଷଣା; ରାମାୟଣ ଓ ମହାଭାରତ ପଢ଼ିବେ ଇଞ୍ଜିନିୟରିଂ ଛାତ୍ର

ମଧ୍ଯ ପ୍ରଦେଶ ସରକାରଙ୍କ ବଡ଼ ଘୋଷଣା; ରାମାୟଣ ଓ ମହାଭାରତ ପଢ଼ିବେ ଇଞ୍ଜିନିୟରିଂ ଛାତ୍ର

ମଧ୍ୟପ୍ରଦେଶ ସରକାର ଏକ ନୂଆ ପଦକ୍ଷେପ ନେଇଛନ୍ତି। ଇଞ୍ଜିନିୟରିଂ ପାଠ୍ୟକ୍ରମରେ ମହାଭାରତ ଓ ରାମାୟଣ ମହାକାବ୍ୟକୁ ସାମିଲ କରିବାକୁ ନିର୍ଣ୍ଣୟ ନିଆଯାଇଛି।

ମଧ୍ଯ ପ୍ରଦେଶ ସରକାରଙ୍କ ବଡ଼ ଘୋଷଣା; ରାମାୟଣ ଓ ମହାଭାରତ ପଢ଼ିବେ ଇଞ୍ଜିନିୟରିଂ ଛାତ୍ର
ଇଞ୍ଜିନିୟରିଂ ପାଠ୍ଯକ୍ରମରେ ସାମିଲ ହେବ ମହାଭାରତ ଓ ରାମାୟଣ (ପ୍ରତୀକାତ୍ମକ ଛବି)
  • News18 Odia
  • Last Updated: September 14, 2021, 12:40 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ : ମଧ୍ୟପ୍ରଦେଶ ସରକାର ଏକ ନୂଆ ପଦକ୍ଷେପ ନେଇଛନ୍ତି। ଇଞ୍ଜିନିୟରିଂ ପାଠ୍ୟକ୍ରମରେ ମହାଭାରତ ଓ ରାମାୟଣ ମହାକାବ୍ୟକୁ ସାମିଲ କରିବାକୁ ନିର୍ଣ୍ଣୟ ନିଆଯାଇଛି। ବୈଷୟିକ ଶିକ୍ଷାରେ ସାଂସ୍କୃତିକ ସିଦ୍ଧାନ୍ତକୁ ଯୋଡ଼ିବା ନେଇ ଏଭଳି ପ୍ରୟାସ କରାଯାଇଥିବା ସରକାର କହିଛି। ଉଚ୍ଚ ଶିକ୍ଷା ବିଭାଗ କହିଛି ଯେ ଇଞ୍ଜିନିୟରିଂ ଛାତ୍ରଙ୍କ ପାଠ୍ୟକ୍ରମରେ ରାମାୟଣ, ମହାଭାରତ ଓ ରାମଚରିତ ମାନସକୁ ସାମିଲ କରାଯାଇଛି।

ଏହି ନିଷ୍ପତ୍ତି ଉପରେ ମଧ୍ୟପ୍ରଦେଶ ଶିକ୍ଷାମନ୍ତ୍ରୀ ମୋହଦ ଯାଦବ ସୂଚନା ଦେଇ କହିଛନ୍ତି, ଇଞ୍ଜିନିୟରିଂ ସିଲାବସରେ ଏପରି ବିଷୟବସ୍ତକୁ ସାମିଲ କରାଯିବାରେ କୌଣସି ଅସୁବିଧା ନାହିଁ। ସେ ଗଣମାଧ୍ୟମକୁ କହିଛନ୍ତି ଯେ ଯେଉଁମାନେ ଭଗବାନ ରାମଙ୍କ କଥା ଓ ସେ ସମୟର କାର୍ଯ୍ୟ ବିଷୟରେ ଜାଣିବାକୁ ଚାହୁଁଛନ୍ତି, ସେମାନେ ଇଞ୍ଜିନିୟରିଂ କୋର୍ସରେ ସବୁ କିଛି ଜାଣିପାରିବେ। ଆମ ଷ୍ଟଡି ବୋର୍ଡରେ ଥିବା ଶିକ୍ଷକମାନେ ନୂଆ ଶିକ୍ଷା ନୀତି ଆଧାରରେ ଏସବୁ ବିଷୟବସ୍ତୁକୁ ସିଲାବସ୍‌ରେ ସାମିଲ କରିଛନ୍ତି। ଯଦି ଆମେ ଆମର ଗୌରବମୟ ଇତିହାସକୁ ଆଗକୁ ନେଇପାରିବା। ଭଗବାନ ଶ୍ରୀରାମଙ୍କ ଜନ୍ମସ୍ଥାନକୁ ନେଇ କଂଗ୍ରେସ ଏକ ଲମ୍ବା ବିରୋଧ କରିଛି। ଆମେ ଗଜଲ ରୂପରେ ଉର୍ଦ୍ଦୁ ବି ପଢ଼ାଇବାକୁ ଯାଉଛୁ। ଏହା ଇଛାଧୀନ ବିଷୟ ରହିବ। ତେବେ ଏନେଇ କେହି ବି ଆପତ୍ତି କରିବା ଠିକ୍ ନୁହେଁ ବୋଲି ସେ କହିଛନ୍ତି।

ଶିକ୍ଷାମନ୍ତ୍ରୀ ପଣ୍ଡିତ ଦୀନ ଦୟାଲ ଉପାଧ୍ୟାୟଙ୍କୁ ବିଶ୍ୱବିଦ୍ୟାଳୟରେ ପଢ଼ାଇବା ନେଇ ମଧ୍ୟ କଥା ଉଠେଇଛନ୍ତି। ସେ କହିଛନ୍ତି ଯେ “ତାଙ୍କ ବିଷୟରେ ଦୁନିଆର ଅନେକ ବିଶ୍ୱବିଦ୍ୟାଳୟରେ ପଢ଼ାଯାଉଛି, ଆମ ଏଠି ମଧ୍ୟ ପଢାଯିବ। ନୂଆ ରାଷ୍ଟ୍ରୀୟ ଶିକ୍ଷା ନୀତି ଆରମ୍ଭରୁ ହିଁ ପଦକ୍ଷେପ ନିଆଯାଇଛି।”ମଧ୍ୟପ୍ରଦେଶ ସରକାର ନୂଆ ଶିକ୍ଷାନୀତିକୁ ଉଭୟ ସ୍କୁଲ ଓ କଲେଜରେ କାର୍ଯ୍ୟକାରୀ କରିବାକୁ ପ୍ରୟାସ ଆରମ୍ଭ କରିଛନ୍ତି। ନୂଆ ଶିକ୍ଷା ନୀତିରେ ଇଞ୍ଜିନିୟରିଂ ବିଷୟବସ୍ତୁକୁ ଆଞ୍ଚଳିକ ଭାଷାରେ ମଧ୍ୟ ପଢ଼ାଇବାକୁ ପରାମର୍ଶ ଦିଆଯାଇଛି। ଅନ୍ୟପକ୍ଷରେ ମଧ୍ୟପ୍ରଦେଶରେ ୧୫ ସେପ୍ଟେମ୍ବରରୁ କଲେଜ ଓ ବିଶ୍ୱବିଦ୍ୟାଳୟଗୁଡ଼ିକ ଖୋଲିବାକୁ ଯାଉଛି। ଏଥିପାଇଁ ଆଜି ଶିକ୍ଷାମନ୍ତ୍ରୀ ମୋହନ ଯାଦବ ବରିଷ୍ଠ ଅଧିକାରୀମାନଙ୍କ ସହ ଉଚ୍ଚସ୍ତରୀୟ ବୈଠକ କରିଛନ୍ତି। ସମସ୍ତ ଶିକ୍ଷାନୁଷ୍ଠାନରେ କୋଭିଡ୍‌ ପ୍ରୋଟୋକଲ ଯେମିତି କଡ଼ାକଡ଼ି ପାଳନ କରାଯିବ, ତା’ ଉପରେ ଗୁରୁତ୍ୱ ଦେବାକୁ ସେ ସମସ୍ତଙ୍କୁ କହିଛନ୍ତି।
Published by: Soumya Das
First published: September 14, 2021, 12:40 PM IST