ମୁହଁରେ ତ୍ରିରଙ୍ଗା ଟାଟୁ ଆଙ୍କିଥିଲେ ଯୁବତୀ; ସ୍ୱର୍ଣ୍ଣ ମନ୍ଦିର ଭିତରକୁ ଛାଡ଼ିଲେନି ବ୍ୟକ୍ତି

News18 Odia Digital

ଚଣ୍ଡୀଗଡ଼: ମୁହଁରେ ଭାରତୀୟ ପତାକା 'ତ୍ରିରଙ୍ଗା' ଟାଟୁ(Triranga Tattoo) ଥିବାରୁ ପଞ୍ଜାବର ସ୍ୱର୍ଣ୍ଣ ମନ୍ଦିର(Swarna Temple) ଭିତରକୁ ପ୍ରବେଶ କରିପାରିନଥିଲେ ଯୁବତୀ। ତାଙ୍କୁ ରୋକିବାକୁ ଚେଷ୍ଟା କରାଯାଉଥିବା ଏକ ଭିଡିଓ ସୋସିଆଲ(Viral Video) ମିଡିଆରେ ଭାଇରାଲ ହେବାରେ ଲାଗିଛି। ଯାହା ପରେ ଧାର୍ମିକ ଏବଂ ଆଧ୍ୟାତ୍ମିକ ବ୍ୟକ୍ତିତ୍ୱ ସହିତ ଚଳଚ୍ଚିତ୍ର ଅଭିନେତାମାନେ ମଧ୍ୟ ଟ୍ୱିଟରରେ ଅସନ୍ତୋଷ ବ୍ୟକ୍ତ କରିଛନ୍ତି। ISKCONର ଉପ-ସଭାପତି ତଥା ମୁଖପାତ୍ର ରାଧାରମଣ ଦାସ ଏହି ପ୍ରସଙ୍ଗରେ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି। ଏହି ଘଟଣା ପାଇଁ ଦାୟୀ ବ୍ୟକ୍ତିଙ୍କ ବିରୋଧରେ ତୁରନ୍ତ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଦାବି କରିଛନ୍ତି। ଯଦି ଏପରି କାର୍ଯ୍ୟକଳାପ ଠିକ୍ ସମୟରେ ବନ୍ଦ ନହୁଏ ତେବେ ପରିସ୍ଥିତି ଆହୁରି ଖରାପ ହୋଇପାରେ ବୋଲି ଲୋକମାନେ ପ୍ରତିକ୍ରିୟା ଦେଉଛନ୍ତି।

ଭାଇରାଲ ଭିଡ଼ିଓରେ ଜଣେ ମହିଳାଙ୍କ ମୁହଁରେ 'ତ୍ରିରଙ୍ଗା' ଟାଟୁ ଥିବାରୁ ଦେଖା ଯାଉଛି। ସେ ସ୍ୱର୍ଣ୍ଣ ମନ୍ଦିରକୁ ପ୍ରବେଶ କରିବାକୁ ଚେଷ୍ଟା କରୁଥିବା ସମୟରେ ତାଙ୍କୁ ଜଣେ ବ୍ୟକ୍ତି ଅଟକାଇ ଥିଲେ। ଉକ୍ତ ବ୍ୟକ୍ତିଙ୍କୁ 'ଖାଲିସ୍ତାନୀ' କହି ରାଧା ରମଣ ତୁରନ୍ତ ଗିରଫ କରିବାକୁ ଦାବି କରିଛନ୍ତି। ଆହୁରି ମଧ୍ୟ ଚଳଚ୍ଚିତ୍ର ଅଭିନେତ୍ରୀ ଦେବୋଲିନା ଭଟ୍ଟାଚାର୍ଯ୍ୟ କହିଛନ୍ତି ଯେ ଏକ ସେକେଣ୍ଡ ପାଇଁ ମୁଁ ବିଶ୍ୱାସ କରିପାରୁ ନାହିଁ ଯେ ସ୍ଵର୍ଣ ମନ୍ଦିର ଭିତରେ ଏହା ଘଟୁଛି। ହଁ ଆମେ ଏହା ବିଷୟରେ ଚିନ୍ତା କରିବା ଉଚିତ୍ ନୁହେଁ।

This is shocking! Women denied entry inside Golden Temple because she has Indian flag tatoo on her face. This khalistani should be immediately arrested. Just ignoring them is not the solution because their ego is getting fatter and fatter every day. pic.twitter.com/8h2CKaG5OO

— Radharamn Das राधारमण दास (@RadharamnDas) April 17, 2023

ସୋସିଆଲ ମିଡିଆରେ ସ୍ୱର୍ଣ୍ଣ ମନ୍ଦିରର ଭାଇରାଲ ଭିଡିଓ ସହ ଜଡିତ ସମସ୍ତ ବିଷୟ ସ୍ପଷ୍ଟ କରିବାବେଳେ ଏସଜିପିସି ସାଧାରଣ ସମ୍ପାଦକ ଗୁରୁଚରନ୍ ସିଂ ଗ୍ରୁଏଲ୍ ଅମୃତସରରେ କହିଛନ୍ତି ଯେ 'ଝିଅଟିର ମୁହଁରେ ତ୍ରିରଙ୍ଗା ଟାଟୁ ଥିଲା। ଏହା ଆମ ଜାତୀୟ ପତାକା ନଥିଲା କାରଣ ଏଥିରେ ଅଶୋକ ଚକ୍ର ନଥିଲା। ଏହା କଂଗ୍ରେସ କିମ୍ବା ଅନ୍ୟ କୌଣସି ରାଜନୈତିକ ଦଳର ପତାକା ମଧ୍ୟ ହୋଇପାରେ। ମୁଁ ସେହି ବ୍ୟକ୍ତିଙ୍କ ଆଚରଣ ପାଇଁ କ୍ଷମା ମାଗୁଛି।

ଏହି ଭାଇରାଲ ଭିଡ଼ିଓ ପରେ ଧର୍ମ ଓ ଟାଟୁ ଭିତରେ କଣ ସମ୍ପର୍କ ରହିଛି ତାହା ନେଇ ଲୋକମାନେ ପ୍ରଶ୍ନ ଉଠାଇବା ଆରମ୍ଭ କରିଛନ୍ତି।