ବୈଶାଖୀ ଉତ୍ସବ ସେଲିବ୍ରେସନ ସମୟରେ ଭୁଷୁଡ଼ିଲା ବ୍ରିଜ; ୮୦ ଆହାତ

News18 Odia Digital

Bridge Collapse:  ବୈଶାଖୀ ଉତ୍ସବରେ ପାଳନ ସମୟରେ ଘଟିଲା ଅଘଟଣ । ଫୁଟ୍‌ ବ୍ରିଜ୍ ଭୁଶୁଡ଼ି ପଡ଼ିବାରୁ ଏଯାବତ ୮୦ରୁ ଅଧିକ ଲୋକ ଆହତ ହୋଇଛନ୍ତି। ଏହି ଘଟଣାଟି ଘଟିଛି ଜମ୍ମୁ-କଶ୍ମୀରର ଉଧମପୁର ଜିଲ୍ଲାର ଚେନାନିରେ।

ଚେନାନି ମ୍ଯୁନିସିପାଲଟି ମାଣିକ ଗୁପ୍ତାଙ୍କ ସୂଚନାନୁସାରେ, ୮୦ ଜଣ ଆହାତ ହୋଇଥିବା ବେଳେ ୨୦-୨୫ ଜଣ ଗୁରୁତର ହୋଇଛନ୍ତି । ୬-୭ଜଣଙ୍କୁ ଜିଲ୍ଲା ମୁଖ୍ଯାଳୟକୁ ସ୍ଥାନାନ୍ତରିତ କରାଯାଇଛି । ବାକି ସମସ୍ତେ ଚେନାନିରେ ଚିକିତ୍ସିତ ହେଉଛନ୍ତି ।

#WATCH | J&K: A footbridge collapsed during the Baisakhi celebration at Beni Sangam in Bain village in Udhampur's Chenani Block

Six people were injured during the incident. A rescue operation is underway. Police and other teams have reached the site: Dr Vinod, SSP Udhampur… pic.twitter.com/2jGn1QxLpX

— ANI (@ANI) April 14, 2023

ଆହତମାନଙ୍କୁ ଚେନାନି ସ୍ଥିତ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି। ବୈଶାଖୀ ମେଳା ଦେଖିବାକୁ ଲୋକଙ୍କର ଭିଡ଼ ଜମି ଥିଲା। ଅତ୍ୟଧିକ ଲୋକ ଯିବା ଆସିବା କରିବାରୁ ଫୁଟ୍‌ବ୍ରିଜ୍‌ଟି ଭୁଶୁଡ଼ି ପଡ଼ିଥିଲା ବୋଲି କୁହାଯାଉଛି। ସାଧାରଣ ଲୋକମାନେ ପଇସା ଜମା କରି ଏହି ବ୍ରିଜଟିକୁ ତିଆରି କରିଥିଲେ । ଏହି ଅଘଟଣ ସମୟର ଏକ ଭିଡ଼ିଓ ସାମ୍ନାକୁ ଆସିଛି । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି ବୋଲି କହିଛନ୍ତି ଉଧପୁର ଏସଏସପି ଡ଼ା.ବିନୋଦ ସୂଚନା ଦେଇଛନ୍ତି । ପୋଲିସ ସହ ଅନ୍ୟ ଦଳ ମଧ୍ଯ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ଯ ଜାରି ସହ ତଦନ୍ତ ଜାରି ରଖିଛନ୍ତି ।