Monkeypox virus: ଦିଲ୍ଲୀରେ ପଞ୍ଚମ ମଙ୍କିପକ୍ସ ମାମଲା ଚିହ୍ନଟ 

News 18 Odia Digital

ନୂଆ ଦିଲ୍ଲୀ : ଧୀରେ ଧୀରେ ମଙ୍କିପକ୍ସ ସଂକ୍ରମଣ ବୃଦ୍ଧି ପାଇବା ପରେ ସାରା ଦେ‌ଶରେ ଭୟର ବାତାବରଣ ସୃଷ୍ଟି ହେବାକୁ ଲାଗିଛି। ଶନିବାର ଦିନ ଯାହା ସରକାରୀ ତଥ୍ୟରୁ ପ୍ରକାଶ ଯେ ଜଣେ ୨୨ ବର୍ଷୀୟା  ଆଫ୍ରିକୀୟ ଯୁବତୀ ମଙ୍କିପକ୍ସରେ ଆକ୍ରାନ୍ତ ହୋଇଛନ୍ତି । ଦିଲ୍ଲୀରେ ଏହା ହେଉଛି ପଞ୍ଚମ ମଙ୍କିପକ୍ସ ମାମଲା । ଯୁବତୀ ଜଣକ ଗୋଟେ ମାସ ପୂର୍ବରୁ ନାଇଜେରିଆ ଯାଇଥିଲେ ବୋଲି ସୂଚନା ମିଳିଛି ।

ତାଙ୍କୁ ଦୁଇ ଦିନ ପୂର୍ବରୁ ଏଲ୍ଏନଜେପି ହସ୍ପିଟାଲରେ ଭର୍ତ୍ତି କରାଯାଇଥିଲା ଓ ଶୁକ୍ରବାର ଦିନ ସକାଳେ ତାଙ୍କ ରିପୋର୍ଟ ପଜିଟିଭ୍  ଆସିଥିଲା । ଦିଲ୍ଲୀରେ ମଙ୍କିପକ୍ସ ସଂକ୍ରମଣରେ  ଏ ହେଉଛନ୍ତି ଦ୍ୱିତୀୟ ମହିଳା ।

ଦୁଇ ଜଣ ମହିଳାଙ୍କ ସମେତ ଚାରି ଜଣଙ୍କୁ ମଙ୍କିପକ୍ସ ସଂକ୍ରମଣରେ ଏଲ୍ଏନଜେପି ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଜଣେ ସୁସ୍ଥ ହୋଇ ଡିସଚାର୍ଜ  ହାେଇଛନ୍ତି ।

ଏହା ପୂର୍ବରୁ ଜୁଲାଇ ୩୦ ରେ କେରଳରେ  ମଙ୍କିପକ୍ସ ସଂକ୍ରମିତ ହୋଇ ୨୨ ବର୍ଷର ଯୁବକ ପ୍ରଥମେ ମୃତ୍ୟୁ ବରଣ କରିଥିଲେ । ସେ ନିକଟରେ ୟୁଏଇରୁ ଫେରିଥିଲେ।