ହେଲମେଟ ପିନ୍ଧିବା ପରେ ବି କଟୁଛି ୧ହଜାର ଟଙ୍କା ଚାଲାଣ: ଆପଣ ମଧ୍ୟ କରୁଛନ୍ତି କି ଏହି ଭୁଲ?

News 18 Odia Digital

Motor Vehicle Rules: ଟ୍ରାଫିକ ନିୟମକୁ ଉନ୍ନତ କରିବା ପାଇଁ ସମୟ ସମୟରେ ପରିବର୍ତ୍ତନ କରାଯାଇଥାଏ । ଯଦି ଦେଖାଯାଏ, ଗତ କିଛି ବର୍ଷ ମଧ୍ୟରେ ଅନେକ ନୂତନ ନିୟମ ଯୋଡ଼ା ଯାଇଛି । ଏହା ସହିତ ନିୟମକୁ ଅଧିକ କଠୋର କରିବା ପାଇଁ ଜରିମାନା ମଧ୍ୟ ବୃଦ୍ଧି କରାଯାଇଛି । ପରିସ୍ଥିତି ଏପରି ଯେ ପୂର୍ବରୁ ଯେଉଁଠାରେ ଟ୍ରାଫିକ ପୋଲିସ କେବଳ ହେଲମେଟ ନ ପିନ୍ଧିବା ପାଇଁ ଚାଲାଣ କାଟୁଥିଲେ, ଏବେ ସେମାନେ ହେଲମେଟ ପିନ୍ଧିବା ପରେ ମଧ୍ୟ ଚାଲାଣ କାଟିବା ଆରମ୍ଭ କଲେଣି।

ବାସ୍ତବରେ, ମୋଟର ଯାନ ଅଧିନିୟମ, ୧୯୮୮ରେ ଏକ ନୂତନ ନିୟମ ଯୋଡା ଯାଇଛି, ଯାହା ପରେ ହେଲମେଟ ପିନ୍ଧିନଥିବା ବ୍ୟକ୍ତିଙ୍କ ଉପରେ ଟ୍ରାଫିକ ପୋଲିସ ଜରିମାନା ଲାଗୁ କରୁଛି। କିନ୍ତୁ ଆପଣ ହେଲମେଟ ପିନ୍ଧୁଥିଲେ ମଧ୍ୟ ଏହାକୁ ପିନ୍ଧିବାର ଉପାୟ ଭୁଲ ଥିଲେ, ଆପଣଙ୍କ ନାଁରେ ମଧ୍ୟ ବାଇକ୍ ଚାଲାଣ କଟାଯାଇପାରିବ । ତେବେ ଟ୍ରାଫିକ୍ ଆଇନରେ ଏଭଳି ପରିବର୍ତ୍ତନ କ’ଣ ହୋଇଛି ଆସନ୍ତୁ ଜାଣିବା…

ଆପଣ ହେଲମେଟ ପିନ୍ଧିବାରେ ମଧ୍ୟ ଏହି ଭୁଲ କରୁଛନ୍ତି କି?

ଅନେକ ଲୋକ ହେଲମେଟ ପିନ୍ଧନ୍ତି କିନ୍ତୁ କେବଳ ଔପଚାରିକତା ପାଇଁ । ତାହା ହେଉଛି, ଆପଣ ହେଲମେଟ ପିନ୍ଧିଛନ୍ତି କିନ୍ତୁ ଏହା ଆପଣଙ୍କ ମୁଣ୍ଡର ଅଧା ଉପରେ ରହିଛି କିମ୍ବା ଏହାର ଷ୍ଟ୍ରେପ ଲଗାଇନଥିବେ, ଏପରି ଭାବରେ ହେଲମେଟ ପିନ୍ଧିବା ବ୍ୟର୍ଥ । ଏହାର କାରଣ ହେଉଛି ଦୁର୍ଘଟଣା ସମୟରେ ସେହି ହେଲମେଟ ସହଜରେ ଆପଣଙ୍କ ମୁଣ୍ଡରୁ ସହଜରେ ବାହାରିପାରେ କିମ୍ବା ରାସ୍ତାରେ ଯାଉଥିବା ଅନ୍ୟ କାହାକୁ ମଧ୍ୟ ଆଘାତ ଦେଇପାରେ ।

୧ ହଜାର ଜୋରିମାନା ଲାଗୁ କରାଯିବ

ଏହିପରି ଘଟଣାକୁ ରୋକିବା ପାଇଁ ସଡ଼କ ଓ ପରିବହନ ମନ୍ତ୍ରଣାଳୟର ନିର୍ଦ୍ଦେଶ ଅନୁଯାୟୀ ମୋଟର ଯାନ ଅଧିନିୟମ (୧୯୮୮) ରେ ଏକ ନୂତନ ନିୟମ ଯୋଡା ଯାଇଛି। ଯେଉଁଥିରେ ଦୁଇ ଚକିଆ ଡ୍ରାଇଭରଙ୍କ ଉପରେ ୧୦୦୦ ହଜାର ଜୋରିମାନା ଲଗାଯାଇପାରିବ। ଅନ୍ୟ ପଟେ, ଯଦି ଆପଣ ହେଲମେଟ ପିନ୍ଧୁଛନ୍ତି କିନ୍ତୁ ଏହା ନକଲି କିମ୍ବା ଏଥିରେ ISI ମାର୍କ ରହିନଥିବା, ତେବେ ଧରାପଡିଲେ ଆପଣଙ୍କୁ ୧୦୦୦ ଟଙ୍କା ଜରିମାନା କରାଯାଇପାରେ । ଆପଣଙ୍କୁ କହିବାକୁ ଚାହିଁବୁ ଯେ, ହେଲମେଟ ନ ପିନ୍ଧିଲେ ୨୦୦୦ ଟଙ୍କା ଜୋରିମାନାର ବ୍ୟବସ୍ଥା ରହିଛି।

ଏହିପରି ହେଲମେଟ ପିନ୍ଧନ୍ତୁ

ଯେକୌଣସି ଦୁଇ ଚକିଆ ଯାନ ବ୍ୟବହାର କରିବା ସମୟରେ ହେଲମେଟ ପିନ୍ଧିବା ଆବଶ୍ୟକ । ଯଦି ଆପଣଙ୍କ ସହିତ ଏକ ଛୋଟ ପିଲା ଅଛନ୍ତି, ତେବେ ଏଥିପାଇଁ ହେଲମେଟ ମଧ୍ୟ ବାଧ୍ୟତାମୂଳକ । ମନ୍ତ୍ରଣାଳୟର ପରିସଂଖ୍ୟାନ ଅନୁଯାୟୀ ସଡ଼କ ଦୁର୍ଘଟଣାରେ ଦୁଇ ଚକିଆ ଡ୍ରାଇଭରଙ୍କ ମୃତ୍ୟୁ ହାର ସର୍ବାଧିକ। ଆପଣଙ୍କ ମୁଣ୍ଡରେ ଖାପ ଖାଉଥିବା ହେଲମେଟ ପିନ୍ଧନ୍ତୁ । ଆପଣଙ୍କ ମୁଣ୍ଡର ଆକାରଠାରୁ ବଡ଼ କିମ୍ବା ଛୋଟ ହେଲମେଟ କିଣନ୍ତୁ ନାହିଁ । ହେଲମେଟ ପିନ୍ଧିବା ପରେ, ଏହାର ଫିତାକୁ ଭଲ ଭାବେ ଲକ୍ କରନ୍ତୁ, ମନେରଖନ୍ତୁ ଯେ ଆପଣଙ୍କର ହେଲମେଟ କୌଣସି ସ୍ଥାନରୁ ଭଙ୍ଗା ହୋଇନଥିବା ଦରକାର ।

ଏହି ଖବର ପଢ଼ନ୍ତୁ - ଅମିତାଭଙ୍କ ଏହି କଥାରେ ବରବାଦ ହେଲା 'ଶକ୍ତିମାନ'ଙ୍କ କ୍ୟାରିଅର: ଶେଷରେ ନେଲେ ବିଦାୟ !