West Bengal: ଟିକାକରଣ ମାମଲାରେ EDର ବଡ଼ ଆକ୍ସନ; ୧୦ଟି ସ୍ଥାନରେ ଏକାକାଳୀନ କଲା ଚଢ଼ାଉ

ଦକ୍ଷିଣ କୋଲକାତାର କସାବା ଅଞ୍ଚଳରେ ୨୮ ବର୍ଷୀୟ ଦେବଞ୍ଜାନ ଦେବଙ୍କ ଦ୍ୱାରା ଆୟୋଜିତ ଏକ ନକଲି କୋଭିଡ୧୯ ଟିକାକରଣ ଶିବିରରେ ତୃଣମୂଳ କଂଗ୍ରେସ ସାଂସଦ ତଥା ଅଭିନେତ୍ରୀ ମିମି ଚକ୍ରବର୍ତ୍ତୀଙ୍କ ସମେତ ଶହ ଶହ ଲୋକଙ୍କୁ ନକଲି ଟିକା ଦିଆଯାଇଥିଲା।

 ଟିକାକରଣ ମାମଲାରେ EDର ବଡ଼ ଆକ୍ସନ

ଟିକାକରଣ ମାମଲାରେ EDର ବଡ଼ ଆକ୍ସନ

  • News18 Odia
  • Last Updated :
  • Share this:
News18 Odia Digital

କୋଲକାତା: ନକଲି ଭ୍ୟାକ୍ସିନ ସ୍କାମ ମାମଲାରେ ଏକ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରି ଇନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଏକା ସାଙ୍ଗରେ କୋଲକାତାର ୧୦ଟି ସ୍ଥାନରେ ଚଢ଼ାଉ କରିଛି । ଜଣେ ମୁଖ୍ୟ ଅଧିକାରୀ କହିଛନ୍ତି ଯେ ମୁଖ୍ୟ ଅଭିଯୁକ୍ତ ଦେବଞ୍ଜାନ ଦେବଙ୍କ ସହ ଜଡ଼ିତ ମାମଲାରେ କୋଲକାତାରେ ଇଡି ଚଢ଼ାଉ କରିଛି ।

କୋଲକାତା ହାଇକୋର୍ଟ କିଛି ଦିନ ପୂର୍ବରୁ ଏହି ମାମଲାର ଶୁଣାଣି କରି ପଶ୍ଚିମ ବଙ୍ଗ ସରକାରଙ୍କୁ ଅଭିଯୁକ୍ତ ଦେବଞ୍ଜାନ ଦେବଙ୍କ ଦ୍ବାରା ଆୟୋଜିତ ନକଲି କୋଭିଡ ଟିକାକରଣ ଶିବିର ମାମଲାର ତଦନ୍ତର ଅଗ୍ରଗତି ସମ୍ପର୍କରେ ଏକ ରିପୋର୍ଟ ଦାଖଲ କରିବା ପାଇଁ ନିର୍ଦ୍ଦେଶ ଦେଇଥିଲା ।

ପଶ୍ଚିମ ବଙ୍ଗରେ ନକଲି ଟିକାକରଣ ମାମଲା ସାମ୍ନାକୁ ଆସିବା ପରେ ମୁଖ୍ୟ ମନ୍ତ୍ରୀ ମମତା ବାନାର୍ଜୀଙ୍କୁ ଟାର୍ଗେଟ କରିଛି ବିଜେପି । କୋଲକାତା ମ୍ୟୁନିସିପାଲିଟି କର୍ପୋରେସନର ନାକ ତଳେ ଟିକା ଠକେଇ କିପରି ଘଟିଲା ବୋଲି ବିଜେପି ପ୍ରଶ୍ନ କରିଛି ।

ମ୍ୟୁନିସିପାଲିଟି ଡକ୍ୟୁମେଣ୍ଟ ବ୍ୟବହାର କରି ଏଭଳି କ୍ୟାମ୍ପ ଚାଲିଥିଲା ​​ବୋଲି ବିଜେପି ଅଭିଯୋଗ କରିଛି । ଦକ୍ଷିଣ କୋଲକାତାର କସାବା ଅଞ୍ଚଳରେ ଦେବ ଦ୍ୱାରା ଆୟୋଜିତ ଏକ ନକଲି କୋଭିଡ୧୯ ଟିକାକରଣ ଶିବିରରେ ତୃଣମୂଳ କଂଗ୍ରେସ ସାଂସଦ ତଥା ଅଭିନେତ୍ରୀ ମିମି ଚକ୍ରବର୍ତ୍ତୀଙ୍କ ସମେତ ଶହ ଶହ ଲୋକଙ୍କୁ ନକଲି ଟିକା ଦିଆଯାଇଥିଲା।

ଆସନ୍ତୁ ଜାଣିବା ଯେ ଏହି ମାମଲାରେ, ବର୍ତ୍ତମାନ କୋଲକାତାର ୧୦ଟି ସ୍ଥାନରେ ଇନଫୋର୍ସମେଣ୍ଟ ନିର୍ଦ୍ଦେଶାଳୟ ଏକକାଳୀନ ଚଢ଼ାଉ କରିଛି । ଖବର ଅନୁଯାୟୀ ଏ ପର୍ଯ୍ୟନ୍ତ ଇନଫୋର୍ସମେଣ୍ଟ ନିର୍ଦ୍ଦେଶାଳୟର ଅଧିକାରୀମାନେ ଅନେକ ସ୍ଥାନରୁ ଅନେକ ଗୁରୁତ୍ୱପୂର୍ଣ୍ଣ ଦସ୍ତାବିଜ ଜବତ କରିସାରିଛନ୍ତି ।

୨୮ ବର୍ଷୀୟ ଦେବଙ୍କୁ ଏକ ନକଲି ଟିକାକରଣ ଶିବିର ଚଳାଇବା ପାଇଁ ଜୁନ୍ ୨୩ରେ ଗିରଫ କରାଯାଇଥିଲା ।
Published by:Lipina Das
First published: