ମେକ୍ସିକୋ ପରେ ଜାପାନରେ ୪.୦ ତୀବ୍ରତାର ଭୂକମ୍ପ ଅନୁଭୂତ

Japan Earthquake: ଜାପାନରେ ଭୂକମ୍ପ ଅନୁଭୂତ ହୋଇଛି। ରିଚ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୦ ରେକର୍ଡ କରାଯାଇଛି।

ଜାପାନରେ ୪.୦ ତୀବ୍ରତାର ଭୂକମ୍ପ ଅନୁଭୂତ

ଜାପାନରେ ୪.୦ ତୀବ୍ରତାର ଭୂକମ୍ପ ଅନୁଭୂତ

  • News18 Odia
  • Last Updated :
  • Cuttack, India
  • Share this:
News18 Odia Digital

ଜାପାନ: ଆଜିକାଲି ପୃଥିବୀର ଅନେକ ଦେଶରେ କ୍ରମାଗତ ଭୂକମ୍ପ ଅନୁଭୂତ ହେଉଛି। ତାଇୱାନ, କାବୁଲ ଓ ମେକ୍ସିକୋ ପରେ ଆଜି ସକାଳେ ଜାପାନରେ ଭୂକମ୍ପ ଅନୁଭୂତ ହୋଇଛି।

ସ୍ଥାନୀୟ ସମୟ ପ୍ରାୟ ୯.୬ରେ ଆମୋରି ଅଞ୍ଚଳରେ ଏହି କମ୍ପନ ଅନୁଭୂତ ହୋଇଥିଲା। ରିଚ୍ଟର ସ୍କେଲରେ ଭୂମିକମ୍ପର ତୀବ୍ରତା ୪.୦ ରେକର୍ଡ କରାଯାଇଛି। ଭୂକମ୍ପର କେନ୍ଦ୍ରସ୍ଥଳ ଇୱାଟେ ପ୍ରିଫେକ୍ଟରର ଉପକୂଳ ବୋଲି କୁହାଯାଉଛି। ହାଶିକାମି-ଚୋ ଓ ଆମୋରି ଚାରିପାଖରେ କମ୍ପନ ଅନୁଭୂତ ହୋଇଥିଲା।

ଭୂକମ୍ପର କମ୍ପନ ଅନୁଭବ କରି ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା ଓ ସମସ୍ତେ ନିଜ ଘରୁ ବାହାରି ଆସିଥିଲେ। ବର୍ତ୍ତମାନ ଭୂକମ୍ପ ଯୋଗୁଁ ମୃତ୍ୟୁ ହେବାର ଖବର ନାହିଁ।

ପ୍ରକାଶ ଥାଉକି ସୋମବାର ରାତିରେ ମେକ୍ସିକୋରେ ଏକ ଭୟଙ୍କର ଭୂକମ୍ପ ହୋଇଥିଲା। ରିଚ୍ଟର ସ୍କେଲରେ ଭୂକମ୍ପର ତୀବ୍ରତା ୭.୬ ରେକର୍ଡ କରାଯାଇଥିଲା। ଭୂକମ୍ପର କମ୍ପନ ଏତେ ଶକ୍ତିଶାଳୀ ଥିଲା ଯେ ଲୋକ ଦୀର୍ଘ ସମୟ ଧରି କମ୍ପନ ଅନୁଭବ କରିଥିଲେ। ଏହି ଭୂକମ୍ପ ପରେ ମେକ୍ସିକୋରେ ସୁନାମି ଚେତାବନୀ ଦିଆଯାଇଛି।
Published by:Lipina Das
First published: