ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଭାରତୀୟ ଦଳକୁ ଲାଗିଲା ବଡ଼ ଝଟକା: ଶିଖର ଧାବନ ଟି-ଟ୍ବେଣ୍ଟି ଏବଂ ଏକଦିବସୀୟରୁ ବାଦ ପଡ଼ିଲେ

ଭାରତ ଓ ଅଷ୍ଟ୍ରେଲିଆ ମଧ୍ୟରେ ସଦ୍ୟ ସମାପ୍ତ ସିରିଜରେ ଆଘାତପ୍ରାପ୍ତ ହେବା ଯୋଗୁଁ ଧାବନ ତୃତୀୟ ଏକଦିବସୀୟରେ ବ୍ୟାଟିଂ ପାଇଁ ଆସିପାରିନଥିଲେ ।

ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଭାରତୀୟ ଦଳକୁ ଲାଗିଲା ବଡ଼ ଝଟକା: ଶିଖର ଧାବନ ଟି-ଟ୍ବେଣ୍ଟି ଏବଂ ଏକଦିବସୀୟରୁ ବାଦ ପଡ଼ିଲେ
ଶିଖର ଧାବନ
  • News18 Odia
  • Last Updated: January 21, 2020, 2:43 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଆଗାମୀ ନ୍ୟୁଜିଲାଣ୍ଡ ଗସ୍ତ ପୂର୍ବରୁ ଭାରତୀୟ ଦଳକୁ ଏକ ବଡ଼ ଝଟକା ଲାଗିବା ସହ କାନ୍ଧରେ ଆଘାତ କାରଣରୁ ଓପନର ଶିଖର ଧାବନ ନ୍ୟୁଜିଲାଣ୍ଡ ସହ ଟି-ଟ୍ବେଣ୍ଟି ଏବଂ ଏକଦିବସୀୟ ସିରିଜରୁ ବାଦ୍ ପଡ଼ିଛନ୍ତି । ଧାବନ ଅଷ୍ଟ୍ରେଲିଆ ବିରୋଧରେ ବେଙ୍ଗାଲୁରର ଚିନ୍ନାସ୍ବାମୀ ଷ୍ଟାଡିୟମରେ ଅନୁଷ୍ଠିତ ତୃତୀୟ ଦିନିକିଆରେ ଫିଲଡିଂ କରୁଥିବାବେଳେ ଆଘାତ ପ୍ରାପ୍ତ ହୋଇଥିଲେ । ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ତେବେ ତାଙ୍କ ସ୍କାନ ରିପୋର୍ଟ ଭଲ ଆସିନଥିବା ଖବର ମିଳିଥିବାରୁ ତାଙ୍କୁ ଟି-ଟ୍ବେଣ୍ଟି ଏବଂ ଏକଦିବସୀୟ ସିରିଜରୁ ବାହାର ରଖାଯାଇଛି ।

ଓପନର ଧାବନ ସିରିଜରୁ ବାଦ ପଡ଼ିଥିବାବେଳେ ତାଙ୍କ ନାମକୁ ନ୍ୟୁଜିଲାଣ୍ଡ ଯିବାକୁ ଥିବା ଖେଳାଳିଙ୍କ ସୂଚୀରୁ ହଟାଇଦିଆଯାଇଛି । ତେବେ ତାଙ୍କ ବଦଳରେ କେଉଁ ଖେଳାଳି ଟିମରେ ସାମିଲ ହେବେ ସେନେଇ ସ୍ପଷ୍ଟ ଭାବେ କିଛି ଜଣାପଡ଼ିନଥିବାବେଳେ ନ୍ୟୁଜିଲାଣ୍ଡ ଗସ୍ତରେ ଯାଇଥିବା ଏ-ଟିମରୁ କୌଣସି ଖେଳାଳିଙ୍କୁ ବିକଳ୍ପ ଭାବେ ସାମିଲ କରାଯାଇପାରେ । ରିପୋର୍ଟ ଅନୁସାରେ ଧାବନଙ୍କ ସମ୍ପର୍କରେ ଖବର ଆସିବା ପରେ ବିସିସିଆଇର ଅଧିକାରୀ ଏବଂ ଟିମ୍ ମ୍ୟାନେଜମ୍ୟାଣ୍ଟ ଚୟନ ସମିତି ସହିତ କନଫରେନ୍ସ କଲରେ କଥା ହୋଇଥିଲା । ଭାରତୀୟ ଦଳ ନ୍ୟୁଜିଲାଣ୍ଡ ସହିତ ପ୍ରଥମ ମ୍ୟାଚ ୨୨ ଜାନୁଆରୀରେ ଖେଳିବାକୁ ଥିବାବେଳେ ତାଙ୍କ ବିକଳ୍ପ ଘୋଷଣାରେ ଟିକେ ଡେରି ହୋଇପାରେ ।

ଶିଖରଙ୍କ ବିକଳ୍ପ ଭାବରେ ମୟଙ୍କ ଅଗ୍ରଓ୍ବାଲଙ୍କୁ ସାମିଲ କରାଯାଇପାରେ ଯିଏ ଆଇସିସି ବିଶ୍ବକପରେ ଭାରତୀୟ ଦଳରେ ସାମିଲ ଥିଲେ । ସେହିପରି ସୂର୍ଯ୍ୟକୁମାର ଯାଦବ ଏବଂ ପୃଥ୍ବୀ ଶଙ୍କ ଭଳି ଖେଳାଳିଙ୍କୁ ଅଣଦେଖା କରାଯିବା ସମ୍ଭବ ନୁହେଁ କାହିଁକି ନା ସେମାନେ ଲଗାତାର ଶ୍ରେଷ୍ଠ ପ୍ରଦର୍ଶନ କରିଆସୁଛନ୍ତି । ଟିମ୍ ଇଣ୍ଡିଆର ମୁଖ୍ୟ କୋଚ ରବି ଶାସ୍ତ୍ରୀ ନ୍ୟୁଜିଲାଣ୍ଡ ଗସ୍ତ ପୂର୍ବରୁ ବିସିସିଆଇ ସମ୍ପାଦକ ଜୟ ଶାହାଙ୍କ ସହ ଲମ୍ବା କଥାବାର୍ତ୍ତା ହୋଇଛନ୍ତି । ଅଷ୍ଟ୍ରେଲିଆ ବିରୋଧରେ ଚିନ୍ନାସ୍ବାମୀ ଷ୍ଟାଡିୟମରେ ଅନୁଷ୍ଠିତ ମ୍ୟାଚ  ସମୟରେ ଏହି ଦୁଇଜଣ ବିସିସିଆଇ ସଭାପତି ସୌରଭ ଗାଙ୍ଗୁଲିଙ୍କୁ ଭେଟିଥିଲେ
First published: January 21, 2020, 2:43 PM IST
corona virus btn
corona virus btn
Loading