Dragon fruit; ଏହି ବିଦେଶୀ ଫଳ ଚାଷ କରି ମାଲେମାଲ ହେଉଛନ୍ତି କୃଷକ, ରୋଜଗାର କରୁଛନ୍ତି ଲକ୍ଷ ଲକ୍ଷ ଟଙ୍କା

ମିର୍ଜାପୁରର କିଛି କୃଷକ ଡ୍ରାଗନ୍ ଫଳ ଉତ୍ପାଦନ କରୁଛନ୍ତି ଯାହା କେବଳ ବିଦେଶୀ ଜମିରେ ଫଳୁଥିଲା । ପ୍ରାୟ ୮୫ ଏକର ଜମିରେ ଡ୍ରାଗନ୍ ଫଳ ଚାଷ କରାଯାଉଛି ।

Dragon fruit; ଏହି ବିଦେଶୀ ଫଳ ଚାଷ କରି ମାଲେମାଲ ହେଉଛନ୍ତି କୃଷକ, ରୋଜଗାର କରୁଛନ୍ତି ଲକ୍ଷ ଲକ୍ଷ ଟଙ୍କା

Dragon fruit; ଏହି ବିଦେଶୀ ଫଳ ଚାଷ କରି ମାଲେମାଲ ହେଉଛନ୍ତି କୃଷକ, ରୋଜଗାର କରୁଛନ୍ତି ଲକ୍ଷ ଲକ୍ଷ ଟଙ୍କା

  • News18 Odia
  • Last Updated :
  • Other, India
  • Share this:
News 18 Odia Digital

Dragon fruit farming: ପାରମ୍ପାରିକ ଚାଷ ବ୍ୟତୀତ ମିର୍ଜାପୁରର କୃଷକମାନେ ଆଧୁନିକ ଚାଷ ଉପରେ ବିଶେଷ ଗୁରୁତ୍ବ ଦେଉଛନ୍ତି । ଏଥିରୁ ସେମାନେ ଲକ୍ଷ ଲକ୍ଷ ଟଙ୍କା ଲାଭ ମଧ୍ୟ କରୁଛନ୍ତି । ବର୍ତ୍ତମାନ ଉତ୍ତରପ୍ରଦେଶର ମିର୍ଜାପୁର ଜିଲ୍ଲାର କିଛି କୃଷକ ଡ୍ରାଗନ୍ ଫଳ ଉତ୍ପାଦନ କରୁଛନ୍ତି ଯାହା କେବଳ ବିଦେଶୀ ଜମିରେ ଫଳୁଥିଲା । ପ୍ରାୟ ୮୫ ଏକର ଜମିରେ ଡ୍ରାଗନ୍ ଫଳ ଚାଷ କରାଯାଉଛି । ଏହି ଫଳ ଚାଷ ସମ୍ବନ୍ଧରେ ୧୫ ଜଣ କୃଷକଙ୍କୁ ନେଇ ମଧ୍ୟରେ ବଡ ପଦକ୍ଷେପ ନିଆଯାଇଥିଲା ।

ଏଠାରେ ହେଉଥିବା ଫଳ ବାରାଣାସୀ, ଲକ୍ଷ୍ନୌ ଏବଂ କାନପୁର ଜିଲ୍ଲାକୁ ପଠାଯାଉଛି । ଆପଣଙ୍କୁ କହିରଖୁଛୁ ଯେ ପ୍ରଥମ ବର୍ଷରେ ଏହି ଫଳରେ ପ୍ରାୟ  ଲକ୍ଷେ ଟଙ୍କା ଲାଭ ହୋଇଥିଲା ଏବଂ ତୃତୀୟ ବର୍ଷ ସୁଦ୍ଧା କୃଷକମାନେ ୫ ଲକ୍ଷ ଟଙ୍କା ଲାଭ କରିଛନ୍ତି । ୨୦୨୨ ମସିହାରେ, ପ୍ରାୟ ୨୦ ଟନ୍ ଡ୍ରାଗନ୍ ଫଳ ଚାଷ କରାଯାଇଛି । ଏଥି ସହିତ, ଆସନ୍ତା ୨୦୨୩ ମସିହାରେ ପ୍ରାୟ ୧୦୦ ଟନ ପହଞ୍ଚାଇବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି।

ଡ୍ରାଗନ୍ ଫଳ ଏକ ଭାରତୀୟ ଫଳ ନୁହେଁ । ଏହା ମୁଖ୍ୟତ ବାହାର ଦେଶରେ ଉତ୍ପାଦିତ ହୁଏ । ଭିଏତନାମ, ଥାଇଲ୍ୟାଣ୍ଡ, ମେକ୍ସିକୋ, ଇସ୍ରାଏଲ୍, ଶ୍ରୀଲଙ୍କା, ମାଲେସିଆ ଏବଂ ଇଣ୍ଡୋନେସିଆ ସମେତ ଏସିଆର କିଛି ଅଂଶରେ ଏହା ଚାଷ କରାଯାଏ । ମିର୍ଜାପୁରରେ ଭିଏତନାମରୁ ୩୨୦୦ ଚାରା ଅଣାଯାଇଥିଲା । ଡ୍ରାଗନ୍ ଫଳର ସର୍ବାଧିକ ଉତ୍ପାଦନ ଥାଇଲ୍ୟାଣ୍ଡରେ ହୁଏ । ଡ୍ରାଗନ୍ ଫଳର ଲାଭ ଦେଖି ଭାରତୀୟ ବଜାରରେ ମଧ୍ୟ ଏହାର ଚାହିଦା ବୃଦ୍ଧି ପାଉଛି । ଏହା ଅନେକ ରୋଗ ନିରାକରଣ ପାଇଁ ବେଶ ଉପଯୋଗୀ ।

ଡ୍ରାଗନ୍ ଫଳର ଲାଭ

ଡ୍ରାଗନ୍ ଫଳ ଶରୀରରେ ରୋଗ ପ୍ରତିରୋଧକ ଶକ୍ତି ବଢ଼ାଇବାରେ ବହୁତ ସହାୟକ ହୁଏ । ଡେଙ୍ଗୁ ରୋଗୀଙ୍କ ପାଇଁ ଏହା କୌଣସି ବରଦାନ ଠାରୁ କମ୍ ନୁହେଁ । ଡେଙ୍ଗୁ ସମୟରେ ଏହା ଶରୀରର ପ୍ଲେଟଲେଟ୍ ବଢାଇବାରେ ସାହାଯ୍ୟ କରିଥାଏ । ଏହା ବ୍ୟତୀତ ଏହା ଋତୁକାଳୀନ ରୋଗ ବିରୁଦ୍ଧରେ ମଧ୍ୟ ପ୍ରଭାବ ଦେଖାଏ । ଏହି ଫଳର ସେବନ ଦ୍ୱାରା ମଧୁମେହ ହେବାର ଆଶଙ୍କା କମ ହୋଇଯାଏ ।
Published by:Soubhagya Mishra
First published: