କେଦାରନାଥ ମନ୍ଦିରକୁ ୨୩୦ କେଜି ସୁନା ଦାନ; ମୁମ୍ୱାଇର ବ୍ୟବସାୟୀଙ୍କୁ ଚାରିଆଡୁ ଶୁଭେଚ୍ଛା

News 18 Odia Digital

ନୂଆଦିଲ୍ଲୀ: ଜଣେ ବ୍ୟବସାୟୀ ବାବା କେଦାରନାଥଙ୍କ ମନ୍ଦିରକୁ ଆହୁରି ଆକର୍ଷଣୀୟ କରିବା ପାଇଁ ୨୩୦ କିଲୋଗ୍ରାମ ସୁନା ଦାନ କରିଛନ୍ତି । ଉକ୍ତ ସୁନାରେ ପ୍ରଭୁ କେଦାରନାଥଙ୍କ ମନ୍ଦିରର ଗର୍ଭ ଗୃହ କାନ୍ଥକୁ ସଜ୍ଜିତ କରାଯାଇଛି । ଶୁଭ ଦୀପାବଳିର ପବିତ୍ର ଦିନରେ ମନ୍ଦିରକୁ ସୁନାରେ ଛାଉଣୀ କରାଯାଇଛି ।

ସୁନା ଅକ୍ଷରରେ ମନ୍ଦିରରେ ଲେଖାଯାଇଛି ଜୟ କେଦାରନାଥ ଧାମ । ଏଥିସହ ହର ହର ମହାଦେବ ମଧ୍ୟ ଲେଖାଯାଇଛି । କେବଳ ସେତିକି ନୁହେଁ ପ୍ରଭୁଙ୍କ ଶଙ୍ଖ, ଡମ୍ୱରୁ, ତ୍ରିଶୁଳ, ସାପ ସହ ଆହୁରୀ ଅନେକ କଳାକୃତି ଦେଖିବାକୁ ମିଳିଛି । ତେବେ ମନ୍ଦିରକୁ ୨୩୦ କିଲୋ ସୁନା ଦାନ କରିଥିବା ବ୍ୟକ୍ତି ଜଣକ ମୁମ୍ୱାଇରେ ରୁହନ୍ତି । ତାଙ୍କ କହିବାନୁସାରେ, ସେ ବ୍ୟକ୍ତି ଜଣକ ଯେତେବେଳେ ମନ୍ଦିରକୁ ଭ୍ରମଣ କରିବାକୁ ଯାଆନ୍ତି ସେ ଭାବନ୍ତି ଯେ, ପ୍ରଭୁଙ୍କ ମନ୍ଦିରର ରୁପା ଜିନିଷ ସୁନାରେ ପରିବର୍ତ୍ତନ ହୋଇଯାଆନ୍ତା କି । ତେଣୁ ସେ ଏପରି ପଦକ୍ଷପ ନେଇଥିବା କଥା କହିଛନ୍ତି । ବ୍ୟକ୍ତି ଜଣକ ନିଜେ ମନ୍ଦିରରକୁ ସୁନା ଦାନ କରି ନିଜ ସ୍ୱପ୍ନକୁ ଶାକାର କରିଛନ୍ତି ।

କିଛି ବ୍ୟକ୍ତି କହିଛନ୍ତି ଯେ, ମନ୍ଦିରର ନବକଳେବର ହେବା ପରି ଲାଗୁଛି । ମନ୍ଦିରର ପୂଜା କମିଟି ବ୍ୟବସାୟୀଙ୍କୁ କୃତଜ୍ଞତା ଜ୍ଞାପନ କରିବା ସହ ତାଙ୍କ ବ୍ୟବସାୟରେ ଉନ୍ନତୀ ହେଉ ବୋଲି ପ୍ରଭୁଙ୍କ ନିକଟରେ ପ୍ରାର୍ଥନା କରିଛନ୍ତି । ବିଭିନ୍ନ ସ୍ଥାନରୁ ଆସୁଥିବା ଶ୍ରଦ୍ଧାଳୁମାନେ ଏ ଖବର ଶୁଣି ବ୍ୟବସାୟୀଙ୍କ ଉପରେ ଖୁସି ପ୍ରକଟ କରିଛନ୍ତି ।