ଭୁଲରେ ମଧ୍ୟ ପିନ୍ଧନ୍ତୁ ନାହିଁ ଏହି ରଙ୍ଗର ଜୋତା କି ଚପଲ; ଭାଗ୍ୟ ଖରାପ ହୋଇପାରେ ଆପଣଙ୍କର

ଜାଣନ୍ତୁ ଆପଣ କେଉଁ ରଙ୍ଗର ଜୋତା ପିନ୍ଧିବା ଉଚିତ୍?

ଜାଣନ୍ତୁ ଆପଣ କେଉଁ ରଙ୍ଗର ଜୋତା ପିନ୍ଧିବା ଉଚିତ୍?

  • Share this:
News 18 Odia Digital

ଭୁବନେଶ୍ୱର; ଫ୍ୟାଶନର ନୂଆ ଯୁଗରେ ଲୋକଙ୍କ ଜୋତା ଓ ଚପଲର ରଙ୍ଗ ବି ନିତିଦିନ ବଦଳୁଛି । ସାଧାରଣତଃ ଯୁବପିଢ଼ି ପୋଷାକ ଅନୁଯାୟୀ ଜୋତା ଓ ଚପଲର ରଙ୍ଗ ସ୍ଥିର କରୁଥିବା ଆମେ ଦେଖିଛେ । କିନ୍ତୁ ଆପଣ ଜାଣନ୍ତି କି ରଙ୍ଗୀନ ଜୋତା ଏବଂ ଚପଲ ବାଛିବାବେଳେ ଆମେ ପ୍ରାୟତଃ ଏକ ବଡ଼ ଭୁଲ କରିଥାଉ । ଏହି ଗୋଟିଏ ଭୁଲ ଜଣେ ବ୍ୟକ୍ତିଙ୍କୁ ଦାରିଦ୍ର୍ୟ ପଥରେ ଠେଲି ଦେଇପାରେ ।

ଜ୍ୟୋତିଷ ଶୈଲେନ୍ଦ୍ର ପାଣ୍ଡେଙ୍କ ଅନୁଯାୟୀ, ଜୋତା ବା ଚପଲ କିଣିବାବେଳେ ଅଧିକାଂଶ ଲୋକ କେବଳ ଷ୍ଟାଇଲ ପ୍ରତି ଧ୍ୟାନ ଦିଅନ୍ତି କିମ୍ବା ଏହା ଦେଖନ୍ତି ଯେ କେଉଁ ଜୋତା ଓ ଚପଲ ସେମାନଙ୍କ ପାଦରେ ଅଧିକ ସୁନ୍ଦର ଦେଖାଯାଉଛି । ଏହି ସମୟରେ, ସେମାନେ ଏପରି ଏକ ଭୁଲ କରନ୍ତି ଯାହା ବୃହସ୍ପତି ଗ୍ରହକୁ କ୍ରୋଧିତ କରିପାରେ । ଯାହାର ପ୍ରଭାବ ସୁଖ, ସମୃଦ୍ଧି, ଧନ, ବୈବାହିକ ଜୀବନ, ସନ୍ତାନ ଏବଂ ବିବାହ ଉପରେ ଗଭୀର ପ୍ରଭାବ ପକାଇ ପାରେ ।

ଜ୍ୟୋତିଷ ଶାସ୍ତ୍ର ଅନୁଯାୟୀ, ଭୁଲରେ ମଧ୍ୟ ଆମେ ହଳଦିଆ ରଙ୍ଗର ଜୋତା କିମ୍ବା ଚପଲ ପିନ୍ଧିବା ଉଚିତ୍ ନୁହେଁ । ବାସ୍ତବରେ ହଳଦିଆ ରଙ୍ଗ ବୃହସ୍ପତିଙ୍କର ରଙ୍ଗ ଭାବରେ ବିବେଚନା କରାଯାଏ । ଜ୍ୟୋତିଷ କହିଛନ୍ତି ଯେ ହଳଦିଆ ରଙ୍ଗର ଜୋତା କି ଚପଲ ପିନ୍ଧିବା ଦ୍ୱାରା ବୃହସ୍ପତିଙ୍କ ସ୍ଥିତି ଦୁର୍ବଳ ହୋଇଯାଇଥାଏ । ଏହା ଆପଣଙ୍କ ପାରିବାରିକ ଜୀବନକୁ ବିଚଳିତ କରିପାରେ । ଏହା ଘରର ସୁଖ ଏବଂ ସମୃଦ୍ଧତା ଉପରେ ଏକ ଖରାପ ପ୍ରଭାବ ପକାଇପାରେ ।

ଆପଣ କେଉଁ ରଙ୍ଗର ଜୋତା ପିନ୍ଧିବା ଉଚିତ୍?
ଜ୍ୟୋତିଷ କହିଛନ୍ତି ଯେ ଆପଣ କଳା, ନୀଳ, ବାଦାମୀ କିମ୍ବା ଧଳା ରଙ୍ଗର ଜୋତା ପିନ୍ଧିପାରିବେ । ଯଦି ଆପଣ ଷ୍ଟାଇଲ କିମ୍ବା ଫ୍ୟାଶନରେ ପରିବର୍ତ୍ତନ କରିବାକୁ ଚାହୁଁନାହାଁନ୍ତି, ତେବେ ଆପଣ ନାଲି ରଙ୍ଗର ଜୋତା ମଧ୍ୟ ପିନ୍ଧିପାରିବେ । କିନ୍ତୁ ହଳଦିଆ ରଙ୍ଗର ଜୋତା କିମ୍ବା ଚପଲ ପିନ୍ଧିବା ଯଥା ସମ୍ଭବ ଏଡ଼ାଇବା ଉଚିତ୍ ।
Published by:Soubhagya Mishra
First published: