ଟ୍ରେନ ଆସିବା ସମୟ ବଦଳରେ ବାଜିଲା 'ଡ଼ିମ୍ପଲ ଜିନ୍ଦାବାଦ' ନାରା; ଜଣେ କର୍ମଚାରୀ ନିଲମ୍ବିତ

ଇଟାବା ରେଳ ଷ୍ଟେସନରେ ଲାଗିଥିବା ମାଇକରେ 'ଡିମ୍ପଲ୍ ଯାଦବ ଜିନ୍ଦବାଦ'ର ସ୍ଲୋଗାନ ବାଜି ଥିଲା। ଯାହାକୁ ନେଇ ସାଧାରଣରେ ହଇଚଇ ସୃଷ୍ଟି ହୋଇଛି।

ବାଜିଲା 'ଡ଼ିମ୍ପଲ ଜିନ୍ଦାବାଦ' ନାରା (ଫଟୋ ସୌଜନ୍ଯ: ଇଣ୍ଡିଆ.କମ)

ବାଜିଲା 'ଡ଼ିମ୍ପଲ ଜିନ୍ଦାବାଦ' ନାରା (ଫଟୋ ସୌଜନ୍ଯ: ଇଣ୍ଡିଆ.କମ)

  • News18 Odia
  • Last Updated :
  • Other, India
  • Share this:
News18 Odia Digital

ଇଟାବା: ନିର୍ବାଚନୀ ପାଇଁ ଦଳମାନେ ବିଭିନ୍ନ ଉପାୟ ପ୍ରଚାର କରୁଛନ୍ତି। ନିକଟରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ଇଟାବା ରେଳ ଷ୍ଟେସନରେ ଲାଗିଥିବା ମାଇକରେ 'ଡିମ୍ପଲ୍ ଯାଦବ ଜିନ୍ଦବାଦ'ର ସ୍ଲୋଗାନ ବାଜି ଥିଲା। ଯାହାକୁ ନେଇ ସାଧାରଣରେ ହଇଚଇ ସୃଷ୍ଟି ହୋଇଛି।

ଟ୍ରେନର ଆଗମନ ଓ ପ୍ରସ୍ଥାନ ବିଷୟରେ ସୂଚନା ପ୍ରଦାନ କରୁଥିବା ମାଇକରେ ଜିନ୍ଦାବାଦ ନାରା ଶୁଣା ଯାଇଥିଲା। କେବଳ ଏତିକି ନୁହେଁ, ଡ଼ିମ୍ପଲ ଯାଦବଙ୍କୁ ମେନପୁରୀ ଲୋକସଭା ଉପ-ନିର୍ବାଚନରେ ​​ଜିତିବା ପାଇଁ ଆବେଦନ କରାଯାଇଥିଲା। ସମସ୍ତେ ଏଥିରେ ଆଶ୍ଚର୍ଯ୍ୟ ହୋଇଯାଇଥିଲେ। ଏହି ମାମଲାରେ ଜଣେ କର୍ମଚାରୀଙ୍କୁ ନିଲମ୍ବିତ କରାଯାଇଥିବାବେଳେ ୧୦ ଜଣ ଅଜ୍ଞାତ ବ୍ୟକ୍ତିଙ୍କ ବିରୋଧରେ ମାମଲା ରୁଜୁ ହୋଇଛି।

ସରକାରୀ ରେଳ ପୋଲିସ (GRP) ଷ୍ଟେସନର ଇନ୍ସପେକ୍ଟର ଏସ.କେ ମିଶ୍ର କହିଛନ୍ତି ଯେ ଶନିବାର ରାତି ୧୧ ଟା ସମୟରେ ରେଳ ଷ୍ଟେସନରେ ରେଳ ଅନୁସନ୍ଧାନ କାର୍ଯ୍ୟାଳୟ ଲାଉଡ ସ୍ପିକରରେ ମେନପୁରୀ ଲୋକସଭା ଉପ-ନିର୍ବାଚନ ପାଇଁ ଏସପି ପ୍ରାର୍ଥୀଙ୍କ ସପକ୍ଷରେ ଡିମ୍ପଲ୍ ଯାଦବ ଜିନ୍ଦାବାଦ ସ୍ଲୋଗାନ ଦିଆଯାଇଥିଲା ଓ ଏହା ସହିତ ତାଙ୍କୁ ବିପୁଳ ଭୋଟ୍ ଦେଇ ବିଜୟୀ କରାଇବାକୁ ଏକ ଆବେଦନ କରାଯାଇଥିଲା।  ଷ୍ଟେସନରେ ଉପସ୍ଥିତ ଯାତ୍ରୀମାନେ ରେଳ ଅଧିକାରୀ, GRP ପୋଲିସ ଷ୍ଟେସନ ଏବଂ ରେଲୱେ ପ୍ରୋଟେକସନ ଫୋର୍ସ (ରେସବ) କାର୍ଯ୍ୟାଳୟ ସହିତ ଆପତ୍ତି ଉଠାଇଥିଲେ। ଘଟଣାଟି ଜାଣିବା ମାତ୍ରେ ଏହାର ସୂଚନା ରେଳ ବିଭାଗର ବରିଷ୍ଠ ଅଧିକାରୀମାନଙ୍କୁ ଦିଆଯାଇଥିଲା। ଏହା ଉପରେ ଅଧିକାରୀମାନେ ଘଟଣାର ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲେ ଓ ଅପରାଧୀଙ୍କ ବିରୋଧରେ ଅଭିଯୋଗ ପଞ୍ଜିକରଣ କରିବାକୁ ନିର୍ଦ୍ଦେଶ ଦେଇଥିଲେ।

ଉକ୍ତ ମାମଲାରେ ଷ୍ଟେସନରେ ଉପସ୍ଥିତ ଯାତ୍ରୀଙ୍କ ଅନୁସନ୍ଧାନରୁ ଓ ଅନ୍ୟାନ୍ୟ ସୂତ୍ରରୁ ଜାଣିବାକୁ ମିଳିଛି ଯେ ଇଟାବା ଠାରୁ ରେଳ ୟୁନିଅନର ସମ୍ମିଳନୀରେ ଭାଗ ନେବାକୁ ଯାଉଥିବା ରେଳ ୟୁନିଅନର ଲୋକମାନେ ଡିମ୍ପଲ ଯାଦବଙ୍କ ସପକ୍ଷରେ ସ୍ଲୋଗାନ ଦେଇଛନ୍ତି। ଉତ୍ତର କେନ୍ଦ୍ରୀୟ ରେଳବାଇର ମୁଖ୍ୟ ଜନସମ୍ପର୍କ ଅଧିକାରୀ ହିମାଂଶୁ ଶେଖର ଉପାଧ୍ୟାୟ କହିଛନ୍ତି ଯେ ଇଟାବା ଜଙ୍କସନରେ ପୋଷ୍ଟ ହୋଇଥିବା ବାଣିଜ୍ୟ ବିଭାଗର କର୍ମଚାରୀ ତଥା ବରିଷ୍ଠ ଟିକେଟ୍ ପରୀକ୍ଷକ ମନସା ମୁଣ୍ଡାଙ୍କୁ ଏହି ମାମଲାରେ ନିଲମ୍ବିତ କରାଯାଇଛି। ସେ କହିଛନ୍ତି ଯେ ଏହି ଘଟଣାରେ ଦଶ ଜଣ ଅଜ୍ଞାତ ବ୍ୟକ୍ତିଙ୍କ ବିରୋଧରେ ଏକ ମାମଲା ରୁଜୁ ହୋଇଛି।
Published by:Soumya Das
First published: