କ'ଣ ଇରାନ କରିଛି ଇସ୍ରାଏଲ୍ ଦୂତାବାସ ନିକଟରେ ବିସ୍ଫୋରଣ? ଲଫାପାରେ ମିଳିଲା କାସିମ ସୁଲେମାନୀଙ୍କ ନାମ

Embassy of Israel Blast: ଦିଲ୍ଲୀ ପୋଲିସ୍ କମିଶନର ଏସ୍.ଏନ୍ ଶ୍ରୀବାସ୍ତବ ଇସ୍ରାଏଲ୍ ଦୂତାବାସ ନିକଟରେ ଥିବା ବିସ୍ଫୋରଣ ସ୍ଥାନ ପରିଦର୍ଶନ କରିଛନ୍ତି । ଇସ୍ରାଏଲ ଏହି ବିସ୍ଫୋରଣକୁ ଆତଙ୍କବାଦୀ ଆକ୍ରମଣ ବୋଲି ବର୍ଣ୍ଣନା କରିଛି ।

କ'ଣ ଇରାନ କରିଛି ଇସ୍ରାଏଲ୍ ଦୂତାବାସ ନିକଟରେ ବିସ୍ଫୋରଣ? ଲଫାପାରେ ମିଳିଲା କାସିମ ସୁଲେମାନୀଙ୍କ ନାମ
ଇରାନ କରିଛି ଇସ୍ରାଏଲ୍ ଦୂତାବାସ ନିକଟରେ ବିସ୍ଫୋରଣ!
  • News18 Odia
  • Last Updated: January 30, 2021, 9:36 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ରାଜଧାନୀ ଦିଲ୍ଲୀରେ ଶୁକ୍ରବାର ଦିନ ଇସ୍ରାଏଲର ଦୂତାବାସ (Embassy of Israel) ନିକଟରେ ଘଟିଥିବା ବିସ୍ଫୋରଣର ତଦନ୍ତ ଜାରି ରହିଛି । ପୋଲିସର ସୂଚନାନୁସାରେ ଏହା ଏକ ସାମାନ୍ୟ ବିସ୍ଫୋରଣ ଯେଉଁଥିରେ ସେଠାରେ ପାର୍କିଂ ଥିବା ତିନିଟି କାରର ଗ୍ଲାସ ଭାଙ୍ଗି ଯାଇଛି । ଆଶ୍ବସ୍ତିର ବିଷୟ ଏହା ଯେ ଏହି ଘଟଣାରେ କେହି ଆହତ ହୋଇ ନାହାନ୍ତି । ସେପଟେ ଦିଲ୍ଲୀ ପୋଲିସ ଘଟଣାସ୍ଥଳରୁ ଏକ ଲଫାପା ପାଇଛି । ଏହି ଚିଠି ଇସ୍ରାଏଲ୍ ଦୂତାବାସ ନାମରେ ଅଛି । ଏଥିରେ ଏହା ଲେଖାଯାଇଛି ଯେ ଏହା କେବଳ ଏକ ଟ୍ରେଲର । ଆଗକୁ ଆହୁରି ବି ଆକ୍ରମଣ ହୋଇପାରେ ।

ଇଂରାଜୀ ଖବରକାଗଜ ଇଣ୍ଡିଆନ ଏକ୍ସପ୍ରେସ ସୂତ୍ରରୁ ପ୍ରକାଶ ଯେ ଏହି ଧମକପୂର୍ଣ୍ଣ ଚିଠିରେ ଇରାନର କୁଡ୍ସ ଫୋର୍ସର କମାଣ୍ଡର ମେଜର ଜେନେରାଲ କାସୀମ ସୁଲେମାନୀଙ୍କ ନାମ ଲେଖାଯାଇଛି । ସୁଲେମାନୀ ଇରାନର ସବୁଠାରୁ ଶକ୍ତିଶାଳୀ କମାଣ୍ଡର ଥିଲେ । ଗତ ବର୍ଷ ଜାନୁଆରୀରେ ଆମେରିକା ଡ୍ରୋନ୍ ଆକ୍ରମଣରେ ବାଗଦାଦରେ ଜେନେରାଲ କାସୀମ ସୁଲେମାନିଙ୍କୁ ହତ୍ୟା କରିଥିଲା । ସୂଚନାନୁସାରେ ଏହି ଚିଠିରେ ସୁଲେମାନୀଙ୍କ ବ୍ୟତୀତ ଅନ୍ୟ ଜଣେ ବ୍ୟକ୍ତିଙ୍କ ନାମ ଲେଖାଯାଇଛି । ଯାହାକୁ ଇରାନ ଶହୀଦ ମାନ୍ୟତା ଦେଇଛି ।

ଦ୍ୱିତୀୟ ଥର ପାଇଁ ଟାର୍ଗେଟ ହେଲା ଇସ୍ରାଏଲ୍ ଦୂତାବାସ
ଏହା ହେଉଛି ଦ୍ୱିତୀୟ ଥର ଯେତେବେଳେ ଦିଲ୍ଲୀରେ ଥିବା ଇସ୍ରାଏଲ୍ ଦୂତାବାସକୁ ଟାର୍ଗେଟ କରିବାକୁ ଚେଷ୍ଟା କରାଯାଇଛି । ଏହାପୂର୍ବରୁ ୨୦୧୨ ମସିହାରେ ଇସ୍ରାଏଲର କୂଟନୀତିଜ୍ଞ ତେଲ ୟେହୋଶୁଆ ଓ ଭାରତର ଡ୍ରାଇଭର ଏକ ବିସ୍ଫୋରଣରେ ଆହତ ହୋଇଥିଲେ । ଏହା ଏକ ଚୁମ୍ବକୀୟ ବିସ୍ଫୋରଣ ଥିଲା । ଏହି ଦୁର୍ଘଟଣାରେ ସମୁଦାୟ 4ଜଣ ଆହତ ହୋଇଥିଲେ । ସେହି ସମୟରେ ଇସ୍ରାଏଲ ଏହି ଆକ୍ରମଣ ପାଇଁ ଇରାନକୁ ଦାୟୀ କରିଥିଲା ।

ଇସ୍ରାଏଲ ଏହାକୁ ଆତଙ୍କବାଦୀ ଆକ୍ରମଣ ବୋଲି କହିଛି
ଦିଲ୍ଲୀ ପୋଲିସ କମିଶନର ଏସ.ଏନ୍ ଶ୍ରୀବାସ୍ତବ ଇସ୍ରାଏଲ୍ ଦୂତାବାସ ନିକଟରେ ଥିବା ବିସ୍ଫୋରଣ ସ୍ଥାନ ପରିଦର୍ଶନ କରିଛନ୍ତି । ଏହାକୁ ଇସ୍ରାଏଲ ଦ୍ୱାରା ଆତଙ୍କବାଦୀ ଆକ୍ରମଣ ବୋଲି କୁହାଯାଇଛି । ଏହି ଘଟଣାକୁ ନେଇ ଭାରତ ସରକାର ଅତ୍ୟନ୍ତ କଠୋର । ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ତାଙ୍କ ଇସ୍ରାଏଲ ପ୍ରତିପକ୍ଷଙ୍କ ସହ କଥା ହୋଇଛନ୍ତି । ଗୃହ ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ ବିସ୍ଫୋରଣ ପରେ ଗୃହ ମନ୍ତ୍ରୀ ଅମିତ ଶାହା କୋଟାଜାଙ୍କୁ ପରିସ୍ଥିତି ସମ୍ପର୍କରେ ଅବଗତ କରାଯାଇଛି ।
Published by: Jagdish Barik
First published: January 30, 2021, 9:36 AM IST