ଦିଲ୍ଲୀ ପୋଲିସ ମୋ ଡ୍ରେସ ଚିରି ଦେଲେ; ମହିଳା ସାଂସଦଙ୍କ ଭିଡିଓ ପୋଷ୍ଟ କଲେ ଶଶି ଥରୁର

କଂଗ୍ରେସ ସାଂସଦ ଶଶି ଥରୁର ବୁଧବାର ବିଳମ୍ବିତ ରାତିରେ ଦଳର ସହକର୍ମୀ ଜ୍ୟୋତିମଣିଙ୍କ ଏକ ଭିଡିଓ ଟ୍ୱିଟ୍ କରିଛନ୍ତି। ଯେଉଁଥିରେ ସେ ଦିଲ୍ଲୀ ପୋଲିସର ର୍ଦୁବ୍ୟବହାର ବିଷୟରେ କହୁଥିବାର ନଜର ଆସୁଛନ୍ତି

ମହିଳା ସାଂସଦଙ୍କ ଭିଡିଓ ପୋଷ୍ଟ କଲେ ଶଶି ଥରୁର

ମହିଳା ସାଂସଦଙ୍କ ଭିଡିଓ ପୋଷ୍ଟ କଲେ ଶଶି ଥରୁର

  • Share this:
News18 Odia Digital

ନୂଆ ଦିଲ୍ଲୀ: କଂଗ୍ରେସ ସାଂସଦ ଶଶି ଥରୁର ବୁଧବାର ବିଳମ୍ବିତ ରାତିରେ ଦଳର ସହକର୍ମୀ ଜ୍ୟୋତିମଣିଙ୍କ ଏକ ଭିଡିଓ ଟ୍ୱିଟ୍ କରିଥିଲେ। ଯେଉଁଥିରେ ରାହୁଲ ଗାନ୍ଧିଙ୍କୁ ନ୍ୟାସନାଲ ହେରାଲ୍ଡ ମାମଲାରେ ଡାକିବାକୁ ନେଇ ଜାତୀୟ ରାଜଧାନୀରେ ଜିଓପି ନେତା ତଥା କର୍ମୀ ବିରୋଧ ପ୍ରଦର୍ଶନ କରୁଥିବା ସମୟରେ ଦିଲ୍ଲୀ ପୋଲିସର ନିର୍ଯାତନା ବିଷୟରେ କୁହାଯାଇଛି।

ନ୍ୟାସନାଲ ହେରାଲ୍ଡ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ଦ୍ୱାରା କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଡକାଯାଉଛି। ଏହି କ୍ରମରେ ଜାତୀୟ ରାଜଧାନୀରେ ଜିଓପି ନେତା ତଥା କାର୍ଯ୍ୟକର୍ତ୍ତାଙ୍କ ଦ୍ବାରା ବିରୋଧ ପ୍ରଦର୍ଶନ ଅନୁଷ୍ଠିତ ହେଉଛି ଯେଉଁଠାରେ ଦିଲ୍ଲୀ ପୋଲିସ ସେମାନଙ୍କୁ ନିର୍ଯାତନା ଦେଇ ଆକ୍ରମଣ କରିଥିବା ଅଭିଯୋଗ ହୋଇଛି।

କଂଗ୍ରେସ ସାଂସଦ ଶଶି ଥରୁର ବୁଧବାର ବିଳମ୍ବିତ ରାତିରେ ଦଳର ସହକର୍ମୀ ଜ୍ୟୋତିମଣିଙ୍କ ଏକ ଭିଡିଓ ଟ୍ୱିଟ୍ କରିଛନ୍ତି। ଭିଡିଓରେ ତାମିଲନାଡୁର ସାଂସଦ ଜୋଥମଣି ଲୋକସଭା ବାଚସ୍ପତି ଓମ ବିର୍ଲାଙ୍କ ନିକଟରେ ଅଭିଯୋଗ କରି କହିଛନ୍ତି ଯେ ପୋଲିସ ତାଙ୍କ ପୋଷାକ ଚିରି ଦେଇଛି, ଜୋତା କାଢ଼ି ତାଙ୍କୁ ଅପରାଧୀ ଭଳି ଟାଣି ନେଇଥିଲା।

କେରଳର ଥିରୁବନନ୍ତପୁରମର କଂଗ୍ରେସ ସାଂସଦ ଏହି ଅପମାନଜନକ ଆକ୍ରମଣକୁ ନିନ୍ଦା କରିବା ସହ ଏହା କହିଛନ୍ତି, ‘‘ଏହା ପ୍ରତ୍ୟେକ ଭାରତୀୟ ସଭ୍ୟତାର ମାନ୍ୟତା। କୌଣସି ଗଣତନ୍ତ୍ରରେ ଏହା ଅପମାନଜନକ। ଜଣେ ମହିଳା ବିରୋଧକାରୀଙ୍କୁ ଏହିପରି ବ୍ୟବହାର କରିବା ପ୍ରତ୍ୟେକ ଭାରତୀୟ ମାନ୍ୟତାକୁ ଉଲ୍ଲଂଘନ କରେ, କିନ୍ତୁ ଲୋକସଭା ସାଂସଦଙ୍କ ସହ ଏହା କରିବା ଏକ ନୂଆ ନିମ୍ନ। ମୁଁ ଦିଲ୍ଲୀ ପୋଲିସର ଆଚରଣକୁ ନିନ୍ଦା କରୁଛି ଓ ଉତ୍ତରଦାୟିତ୍ୱ ଦାବି କରୁଛି। ବାଚସ୍ପତି ଓମ୍ ବିର୍ଲା, ଦୟାକରି ପଦକ୍ଷେପ ନିଅ।’’ ଭିଡିଓ ସହିତ ଥରୁର ଏହା ଟ୍ବିଟ କରିଛନ୍ତି।



୬୬ ସେକେଣ୍ଡର ଭିଡିଓରେ ସାଂସଦ ଜ୍ୟୋତିମଣି ପୋଲିସ ବସରେ ବସିଥିବାର ନଜର ଆସୁଛନ୍ତି। ଆଉ ଲୋକସଭା ବାଚସ୍ପତିଙ୍କ ସହ କଥାବାର୍ତ୍ତା କରି ତାଙ୍କୁ ଆକ୍ରମଣ କରିଥିବା ପୋଲିସର କଠୋର ବ୍ୟବହାର ଜଣାଉଥିବାର ନଜର ଆସୁଛନ୍ତି।

ଭିଡିଓ ସମୟରେ ଜ୍ୟୋତିମଣି ତାଙ୍କ ଚିରିଯାଇଥିବା ପୋଷାକ ମଧ୍ୟ ଦେଖାଉଛନ୍ତି। ଆଉ କହୁଛନ୍ତି ଯେ ବସରେ ବହୁତ ଲୋକ ଅଛନ୍ତି ଓ ସେମାନେ ପାଣି ମାଗୁଛନ୍ତି, କିନ୍ତୁ ପୋଲିସ ସେମାନଙ୍କୁ ପାଣି ମଧ୍ୟ ଦେଉନାହିଁ।

ପ୍ରକାଶ ଥାଉକି କ୍ରମାଗତ ତୃତୀୟ ଦିନ ପାଇଁ ରାହୁଲ ଗାନ୍ଧିଙ୍କୁ ପଚରାଉଚରା ଇଡି ଡାକିବାକୁ ନେଇ ବୁଧବାର ଦିନ ଦିଲ୍ଲୀରେ ବିରୋଧ କରିଥିଲେ କଂଗ୍ରେସ କର୍ମୀ। ରାଜସ୍ଥାନର ପୂର୍ବତନ ଉପ-ମୁଖ୍ୟମନ୍ତ୍ରୀ ସଚିନ ପାଇଲଟଙ୍କ ସମେତ ଅନେକଙ୍କୁ ଅଟକ ରଖାଯାଇଥିଲା।
Published by:Lipina Das
First published: