ବହୁତ ଯତ୍ନବାନ ଥିଲା ଅଫତାବ…ହତ୍ଯା ବାବଦରେ ଜାଣିବା ପରେ ସକ୍ ରେ ନୂଆ ମହିଳା ବନ୍ଧୁ

ଶ୍ରଦ୍ଧାଙ୍କ ହତ୍ଯା ଖବର ବାବଦରେ ଜାଣି ପୂରା ଦେଶ ଆଶ୍ଚର୍ଯ୍ଯ ହୋଇଯାଇଛି । କଳ୍ପନା କରନ୍ତୁ ଯେ ଏହି ଯନ୍ତ୍ରଣାଦାୟକ ହତ୍ୟାକାଣ୍ଡର କିଛି ସମୟ ପରେ ଅଫତାବଙ୍କ ସହ ସମ୍ପର୍କ ସ୍ଥାପନ କରିଥିବା ମହିଳା ବନ୍ଧୁଙ୍କ ପରିସ୍ଥିତି ବର୍ତ୍ତମାନ କିପରି ଥିବ।

ହତ୍ଯା ବାବଦରେ ଜାଣିବା ପରେ ସକ୍ ରେ ନୂଆ ମହିଳା ବନ୍ଧୁ

ହତ୍ଯା ବାବଦରେ ଜାଣିବା ପରେ ସକ୍ ରେ ନୂଆ ମହିଳା ବନ୍ଧୁ

  • News18 Odia
  • Last Updated :
  • Other, India
  • Share this:
News18 Odia Digital

ନୂଆ ଦିଲ୍ଲୀ: ଯେଉଁଭଳି ଭାବରେ ଅଫତାବ ଶ୍ରଦ୍ଧାଙ୍କୁ ହତ୍ୟା କରି ତାଙ୍କ ଶରୀରକୁ ଜଙ୍ଗଲରେ ଫିଙ୍ଗି ଦେଇଥିଲେ, ଆଜି ଏହି ଖବର ଶୁଣି ଦେଶର ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। କଳ୍ପନା କରନ୍ତୁ ଯେ ଏହି ଯନ୍ତ୍ରଣାଦାୟକ ହତ୍ୟାକାଣ୍ଡର କିଛି ସମୟ ପରେ ଅଫତାବଙ୍କ ସମ୍ପର୍କ ସ୍ଥାପନ କରିଥିବା ମହିଳା ବନ୍ଧୁଙ୍କ ପରିସ୍ଥିତି ବର୍ତ୍ତମାନ କିପରି ଥିବ। ହତ୍ୟା ପରେ ସେ ସମାନ ଫ୍ଲାଟରେ ଅଫତାବଙ୍କୁ ଭେଟିବାକୁ ଆସିଥିଲେ। ଅଫତାବ କେବଳ ଏହି ଫ୍ଲାଟରେ ଶ୍ରଦ୍ଧାଙ୍କୁ ହତ୍ୟା କରିନଥିଲେ, ଶ୍ରଦ୍ଧାଙ୍କ ଶରୀରର କିଛି ଅଂଶକୁ ଏହି ଫ୍ଲାଟରେ ଲୁଚାଇ ରଖିଥିଲେ ଯେତେବେଳେ ସେ ଆଫଫାବଙ୍କୁ ଭେଟିବାକୁ ଆସୁଥିଲେ, ଯାହା ବାବଦରେ ମହିଳା ବନ୍ଧୁ ଜଣଙ୍କ ଜାଣି ନ ଥିଲେ। ଏସବୁ ଜାଣିବା ପରେ ଆଶ୍ଚର୍ଯ୍ୟ ହୋଇଯାଇଛନ୍ତି ଅଫତାବଙ୍କ ନୂଆ ମହିଳା!

ଶ୍ରଦ୍ଧାଙ୍କ ହତ୍ୟା ହେବାର ପ୍ରାୟ ୧୨ ଦିନ ପରେ ମେ ୩୦ ରେ ବମ୍ବଲ ଆପ୍ ମାଧ୍ୟମରେ ଅଫତାବଙ୍କ ସହ ଯୋଗାଯୋଗ କରିଥିବା ଜଣେ ଝିଅ ବିଷୟରେ ପୋଲିସ ସୂଚନା ପାଇଥିଲା।

ପରେ ଉକ୍ତ ମହିଳା ବନ୍ଧୁଙ୍କୁ ସହ ଯୋଗାଯୋଗ କରି ପୋଲିସ ସୂଚନା ପାଇଥିଲା ଯେ ଅଫତାବଙ୍କ ପ୍ରକୃତି ସଂପୂର୍ଣ୍ଣ ସ୍ୱାଭାବିକ ଓ ବହୁତ ଯତ୍ନବାନ। ଅଫତାବଙ୍କ ନିକଟରେ ବିଭିନ୍ନ ପ୍ରକାରର ଡିଓଡ୍ରାଣ୍ଟ କଲେକ୍ସନ ରହିଥିଲା ​​ଓ ଅନେକ ସମୟରେ ତାଙ୍କୁ  (ମହିଳା ବନ୍ଧୁ) ସୁଗନ୍ଧ ସେଣ୍ଟ ଉପହାର କରୁଥିଲେ। ଅଫତାବଙ୍କ ଏହି ମହିଳା ବନ୍ଧୁ କହିଥିଲେ ଯେ ଅଫତାବ ବହୁତ ଧୂମପାନ କରୁଥିଲେ। ସେ ମଧ୍ୟ ସିଗାରେଟ୍ ତିଆରି କରୁଥିଲେ, କିନ୍ତୁ ପ୍ରାୟତଃ ଶୀଘ୍ର ସିଗାରେଟ୍ ଛାଡିବା ବିଷୟରେ କଥାବାର୍ତ୍ତା କରୁଥିଲେ ଓ ବହୁତ ଖୁସି ଥିଲେ।

ପୋଲିସକୁ ଦେଇଥିବା ବିବୃତ୍ତିରେ ମହିଳା ବନ୍ଧୁ ଜଣଙ୍କ କହିଛନ୍ତି ଯେ ସେ ଅକ୍ଟୋବର ମାସରେ ଦୁଇଥର ଅଫତାବଙ୍କ ଫ୍ଲାଟକୁ ଆସିଥିଲେ, କିନ୍ତୁ ଘରେ ଶ୍ରଦ୍ଧାଙ୍କ ହତ୍ୟା କିମ୍ବା ଶରୀରର ଖଣ୍ଡବିଖଣ୍ଡତ ଅଙ୍ଗପ୍ରତ୍ୟଙ୍ଗ ବାବଦରେ ସାମାନ୍ୟତମ କୌଣସି ସୂଚନା ମିଳି ନଥିଲା। ଅଫତାବ କେବେ ଭୟଭୀତ ନଥିଲେ। ସେ ପ୍ରାୟତଃ ତାଙ୍କ ମୁମ୍ବାଇ ଘର ବିଷୟରେ କହୁଥିଲେ। ସେପ୍ଟେମ୍ବରରେ ଯେତେବେଳେ ସେ ମୁମ୍ବାଇ ଯାଇଥିଲେ, ସେଠାକାର କଥା ମଧ୍ୟ କହିଥଲେ।

ମହିଳା ବନ୍ଧୁଙ୍କ କହିବାନୁସାରେ, ଅଫତାବ ବିଭିନ୍ନ ପ୍ରକାରର ଖାଦ୍ୟକୁ ବହୁତ ଭଲ ପାଉଥିଲା। ପ୍ରାୟତଃ ବିଭିନ୍ନ ରେଷ୍ଟୁରାଣ୍ଟରେ ଆମିଷ- ଆଇଟମ୍ ଅର୍ଡର କରୁଥିଲା। ରେସ୍ତୋରାଁରେ ରୋଷେୟା ଖାଦ୍ୟକୁ କିପରି ସଜାନ୍ତି ସେ ବିଷୟରେ ସେ ନିଜ ହବି ମଧ୍ୟ କହିଥଲେ। ଅଫତାବ ତାଙ୍କୁ (ମହିଳା ବନ୍ଧୁ) ଏକ ସୁସଜ୍ଜିତ ରିଙ୍ଗ ଉପହାର ଦେଇଥିଲା, ଯାହା ସୁନା ନୁହେଁ, କିନ୍ତୁ କୃତ୍ରିମ ଥିଲା। ୧୨ ଅକ୍ଟୋବରରେ ଅଫତାବ ମହିଳା ବନ୍ଧୁଙ୍କୁ ଉପହାର ସ୍ୱରୂପ ଏହି ରିଙ୍ଗ ଦେଇଥିଲେ। ଏହି ରିଙ୍ଗ ଶ୍ରଦ୍ଧାଙ୍କର ଥିଲା।

ଶ୍ରଦ୍ଧାଙ୍କୁ ହତ୍ୟା କରିବା ପରେ ତାଙ୍କ ଶରୀରକୁ ଫ୍ରିଜରେ ରଖିଥିବା କଥା ପୋଲିସଠୁ ଶୁଣିବା ପରେ ବ୍ୟସ୍ତ ହୋଇଯାଇଥିଲେ ନୂଆ ମହିଳା ବନ୍ଧୁ। ଯେଉଁଭଳି ଭାବେ ଅଫତାବ ମହିଳା ବନ୍ଧୁଙ୍କର ଯତ୍ନ ନେଉଥିଲେ କେବେ ବି ଲାଗୁ ନଥିଲା ଯେ ସେ କାହାକୁ ହତ୍ୟା କରିପାରିବେ।
Published by:Soumya Das
First published: