Ludhiana: ଦୀପ ସିଦ୍ଧୁଙ୍କ ପ୍ରାର୍ଥିବ ଶରୀର ପହଞ୍ଚିବା ମାତ୍ରେ ଖାଲିସ୍ତାନ ଜିନ୍ଦାବାଦର ନାରା ଲଗାଇଲେ ଲୋକେ

News18 Odia Digital

ଚଣ୍ଡିଗଡ: ଦୀପ ସିଦ୍ଧୁଙ୍କ ମୃତ ଦେହ ପୋଷ୍ଟମର୍ଟମ ପରେ ଲୁଧିଆନାକୁ ଅଣାଯାଇଥିଲା। ଦୀପ ସିଦ୍ଧୁଙ୍କ ଘର ବାହାରେ ଲୋକଙ୍କ ଭିଡ଼ ଜମିଥିଲା। ଜନତା ଏହି ସମୟରେ ଖାଲିସ୍ତାନ ଜିନ୍ଦାବାଦର ସ୍ଲୋଗାନ ମଧ୍ୟ ଦେଇଥିଲେ।

ବୁଧବାର ଦିନ ଦୀପ ସିଦ୍ଧୁଙ୍କ ମୃତ ଦେହ ଲୁଧିଆନାକୁ ଅଣାଯାଇଥିଲା। ଶ୍ରଦ୍ଧାଞ୍ଜଳି ଦେବା ପାଇଁ ତାଙ୍କ ଘର ବାହାରେ ଶହ ଶହ ପ୍ରଶଂସକ ଓ ସମର୍ଥକ ଏକତ୍ରିତ ହୋଇଥିଲେ। ପ୍ରକାଶ ଥାଉକି, ଜନତାଙ୍କ ମଧ୍ୟରୁ ଅନେକ ଲୋକ ଖାଲିସ୍ତାନ ଜିନ୍ଦାବାଦର ସ୍ଲୋଗାନ ମଧ୍ୟ ଦେଇଥିଲେ।

ଦୀପ ସିଦ୍ଧୁଙ୍କ ପ୍ରଶଂସକମାନେ ମଧ୍ୟ ତାଙ୍କ ସପକ୍ଷରେ ସ୍ଲୋଗାନ ଦେଇଥିଲେ। ଲୋକେ ଅଭିନେତା-କାର୍ଯ୍ୟକର୍ତ୍ତାଙ୍କ ପ୍ଲାକାର୍ଡ ଧରି 'ଦୀପ ସିଦ୍ଧୁ ଅମର ରାହେ' ଜପ କରୁଥିବା ଦେଖିବାକୁ ମିଳିଥିଲା। ଦୀପ ସିଦ୍ଧୁଙ୍କର ଶେଷ ଝଲକ ପାଇବା ପାଇଁ ଲୋକେ ମଧ୍ୟ ଭିଡ଼ ଜମାଇଥିବାର ଦେଖିବାକୁ ମିଳିଥିଲେ। ତାଙ୍କ ପରିବାର ଓ ସାଙ୍ଗସାଥୀମାନେ ଏହି ଘଟଣାକୁ ଏକ ଷଡ଼ଯନ୍ତ୍ର ବୋଲି କହିଛନ୍ତି।

In Hindustan, our men are being killed, our women are being raped and our youth is being corrupted. Genocide, oppression, hate. How much more will our Panth tolerate? #KhalistanZindabad pic.twitter.com/z28hoHL7jH

— tk (@tamankaur_) February 16, 2022

ଦୀପ ସିଦ୍ଧୁ ମଙ୍ଗଳବାର ରାତିରେ ଏକ ସଡ଼କ ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି। ହରିୟାଣାର କୁଣ୍ଡଲି ପୋଲିସ ଷ୍ଟେସନ ପରିସରରେ ରାତି ପ୍ରାୟ ୯.୩୦ ସମୟରେ ଏହି ଘଟଣା ଘଟିଥିଲା। ଏହି ଦୁର୍ଘଟଣା ଘଟିବା ସମୟରେ ମହିଳା ବନ୍ଧୁ ରେନା ରାୟ ମଧ୍ୟ ତାଙ୍କ ସହିତ ଥିଲେ। ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ଓ ସେ ବିପଦରେ ଅଛନ୍ତି।

ପ୍ରକାଶ ଥାଉକି ଗଣତନ୍ତ୍ର ଦିବସରେ ଦିଲ୍ଲୀର କୃଷକମାନଙ୍କ ଦ୍ୱାରା ଆୟୋଜିତ ଟ୍ରାକ୍ଟର ପରେଡରେ ଲାଲ କିଲାରେ ହିଂସା ହୋଇଥିଲା। ଏହି ମାମଲାରେ ସିଦ୍ଧୁଙ୍କୁ ଗତ ବର୍ଷ ଫେବୃଆରୀ ୯ରେ ଗିରଫ କରାଯାଇଥିଲା। ଜାମିନରେ ମୁକ୍ତ ହେବା ପୂର୍ବରୁ ସିଦ୍ଧୁ ପ୍ରାୟ ଦୁଇ ମାସ ଜେଲରେ ଥିଲେ।