‘ଦଙ୍ଗଲ୍ ଗର୍ଲ’ ଫାତିମା ସନା ଶେଖଙ୍କ ଖୁଲାସା: ‘ମୋତେ କୁହାଗଲା ସେକ୍ସ ହିଁ କାମ ପାଇବାର ଉପାୟ’

‘‘ତୁମେ ଦୀପିକା ପାଦୁକୋନ କିମ୍ବା ଐଶ୍ୱର୍ଯ୍ୟା ରାୟଙ୍କ ପରି ଦେଖାଯାଉ ନାହଁ । ତୁମେ କେମିତି ହିରୋଇନ୍ ହେବ?’’ ଏମିତି କହି ଅନେକ ଲୋକ ତାଙ୍କ ମନୋବଳ ଭାଙ୍ଗିବାକୁ ଚେଷ୍ଟା କରିଥିଲେ ବୋଲି କହିଛନ୍ତି ଫାତିମା ସନା ଶେଖ୍ ।

‘ଦଙ୍ଗଲ୍ ଗର୍ଲ’ ଫାତିମା ସନା ଶେଖଙ୍କ ଖୁଲାସା: ‘ମୋତେ କୁହାଗଲା ସେକ୍ସ ହିଁ କାମ ପାଇବାର ଉପାୟ’
ଫାତିମା ସନା ଶେଖ୍
  • News18 Odia
  • Last Updated: January 7, 2021, 12:38 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ଆମୀର ଖାନଙ୍କ ସୁପରହିଟ୍ ଫିଲ୍ମ ‘ଦଙ୍ଗଲ୍‌’ରେ ସିନେମା ଜଗତରେ ପାଦ ଥାପିଥିବା ଫାତିମା ସନା ଶେଖ୍‌ (Fatima Sana Shaikh) ନିଜ ପ୍ରତିଭା ବଳରେ ବଲିଉଡ୍‌ (Bollywood) ଇଣ୍ଡଷ୍ଟ୍ରିରେ ନିଜ ପାଇଁ ସ୍ଥାନ ବନାଇଥିଲେ । ତାଙ୍କର ପ୍ରଥମ ଫିମ ବଲିଉଡର ସବୁ ଠାରୁ ସଫଳ ଫିଲ୍ମ ପ୍ରମାଣିତ ହୋଇଛି । ହେଲେ ଫାତିମା ସନା ଶେଖ୍‌ ନିଜ କରିୟରରେ ଅନେକ ପ୍ରତ୍ୟାଖ୍ୟାନର (rejection) ସମ୍ମୁଖୀନ ହୋଇଥିଲେ । ନିକଟରେ ସେ ଏକ ସାକ୍ଷାତକାରରେ କହିଥିଲେ ଯେ ତାଙ୍କୁ ଫିଲ୍ମରେ କାମ ଦେବାରୁ ନିର୍ମାତାମାନେ ମନା କରୁଥିଲେ ।

ନିର୍ମାତାମାନେ କହୁଥିଲେ ଯେ ଫାତିମା ଅଭିନେତ୍ରୀ ହେବାର ଯୋଗ୍ୟ ନୁହଁନ୍ତି କାରଣ ସେ ଦୀପିକା ପାଦୁକୋନ ଓ ଐଶ୍ୱର୍ଯ୍ୟା ରାୟଙ୍କ ପରି ଦିଶୁନାହାନ୍ତି । ତାଙ୍କୁ କାଷ୍ଟିଂ କାଉଚର (Casting Couch) ସାମ୍ନା ବି କରିବାକୁ ପଡ଼ିଥିଲା, ଯେଉଁଥି ପାଇଁ ତାଙ୍କ ହାତରୁ ଅନେକ ଥର ଫିଲ୍ମ ପ୍ରଜେକ୍ଟ ଚାଲିଯାଇଥିଲା ।

ଏହା ବି ପଢ଼ନ୍ତୁ | ମାହାଙ୍ଗା ଡବଲ୍ ମର୍ଡ଼ର: ‘‘ତାଙ୍କ ଦି ପୁଅ ମୋତେ ନଙ୍ଗଳା କରି ମାଇଲେ ବୋଲି ମୁଁ ତାଙ୍କୁ ମାରିଦେଲି’’

ନିକଟରେ ଏକ ସାକ୍ଷାତକାରରେ ଫାତିମା ସନା ଶେଖ୍‌ ନିଜ ବ୍ୟକ୍ତିଗତ ଜୀବନରୁ ନିଜ କରିୟର ବିଷୟରେ ଖୋଲାଖୋଲି ଭାବେ କହିଛନ୍ତି। ସେ ‘ପିଙ୍କଭିଲ୍ଲା’ ସହ ଏକ ସାକ୍ଷାତକାରରେ କହିଛନ୍ତି ଯେ ତାଙ୍କୁ ଅନେକ ଥର କୁହାଯାଇଥିଲା ଯେ ସେ କେବେ ବି ହିରୋଇନ୍ ହୋଇପାରିବେ ନାହିଁ । ‘‘ତୁମେ ଦୀପିକା ପାଦୁକୋନ କିମ୍ବା ଐଶ୍ୱର୍ଯ୍ୟା ରାୟଙ୍କ ପରି ଦେଖାଯାଉ ନାହଁ । ତୁମେ କେମିତି ହିରୋଇନ୍ ହେବ? ଅନେକ ଲୋକ ମୋ’ ମନୋବଳକୁ ଭାଙ୍ଗିବାକୁ ଚେଷ୍ଟା କରିଥିଲେ । କିନ୍ତୁ ଆଜି ଯେତେବେଳେ ମୁଁ ପଛକୁ ଚାହିଁ ଦେଖୁଛି ମୁଁ ଭାବୁଛି ଯେ ଏହି ଲୋକମାନେ ସୌନ୍ଦର୍ଯ୍ୟକୁ ଏମିତି ସଙ୍କୁଚିତ ଢଙ୍ଗରେ ଦେଖନ୍ତି ଯେ କେବଳ ଗୌଟିଏ ପ୍ରକାର ଦେଖାଯାଉଥିବା ଝିଅ ହିରୋଇନ୍ ହୋଇପାରିବ ବୋଲି ସେମାନେ ଭାବନ୍ତି । ମୁଁ ତାଙ୍କ ଛାଞ୍ଚରେ ଫିଟ୍ ନୁହେଁ, ମୁଁ ଅନ୍ୟ ଛାଞ୍ଚ ପାଇଁ ତିଆରି ହୋଇଛି,’’ କହିଛନ୍ତି ଫାତିମା ।

ଏହା ବି ପଢ଼ନ୍ତୁ | ୨୭ ବର୍ଷୀୟା ଅଭିନେତ୍ରୀ ମିଷ୍ଟି ମୁଖାର୍ଜୀଙ୍କ ମୃତ୍ୟୁ ହେଲା; ଡାଏଟିଂ କରୁଥିଲେ, କିଡନୀ ଫେଲ୍ ହେଲା

‘‘କିନ୍ତୁ ବର୍ତ୍ତମାନ ମୋ’ ପାଇଁ ଅନେକ ସୁଯୋଗ ଅଛି । ମୋ’ ପରି ଝିଅମାନଙ୍କ ପାଇଁ ମଧ୍ୟ ଚଳଚ୍ଚିତ୍ର ନିର୍ମିତ ହେଉଛି ଯେଉଁମାନେ ସୁପରମଡେଲ୍‌ ପରି ଦେଖାଯାଆନ୍ତି ନାହିଁ, ବରଂ ସାଧାରଣ ଓ ହାରାହାରି ରୂପର ଝିଅ ସେମାନେ,’’ କହିଛନ୍ତି ଫାତିମା ।

ଏହା ବି ପଢ଼ନ୍ତୁ ଦେଶର ପ୍ରଥମ ମାମଲା: କରୋନାରେ ଜଣେ ବ୍ୟକ୍ତିଙ୍କ ମୃତ୍ୟୁ ହେବା ପରେ ତାଙ୍କ ପତ୍ନୀଙ୍କ ବିରୋଧରେ FIR ହେଲା

ନିଜ କରିୟରର ଆରମ୍ଭରେ ସେ କେମିତି ଯୌନ ଆଗ୍ରହର (sexism) ସମ୍ମୁଖୀନ ହୋଇଥିଲେ ସେ ବିଷୟରେ ବି କହିଛନ୍ତି ଫାତିମା । ସେ କହିଛନ୍ତି, ‘‘ମୁଁ କାଷ୍ଟିଂ କାଉଚ୍ ମଧ୍ୟ ସାମ୍ନା କରିଛି । ମୋତେ କୁହାଯାଇଥିଲା ଯେ କାମ ପାଇବା ପାଇଁ ସେକ୍ସ ସମ୍ପର୍କ ହେଉଛି ଏକ ମାତ୍ର ଉପାୟ… ତେଣୁ ଏହା ମଧ୍ୟ ମୋ’ ସହିତ ଘଟିଛି । ମୋତେ ବି କାମ ହରାଇବାକୁ ପଡ଼ିଛି ।’’



ସେ ଆହୁରି କହିଛନ୍ତି, ‘‘ମୁଁ ଭାବୁଛି ଯେ ଏହି ଶିଳ୍ପ ବ୍ୟତୀତ ଅନ୍ୟ ସ୍ଥାନରେ ବି ଲୋକେ ସେକ୍ସିଜ୍ମ ଯୋଗୁଁ ଅନେକ ପ୍ରକାରର ସମସ୍ୟାର ସମ୍ମୁଖୀନ ହେଉଛନ୍ତି । ଯେତେବେଳେ ମୁଁ ତିନି ବର୍ଷର ଥିଲି ସେତେବେଳେ ମୁଁ ଯୌନ ନିର୍ଯାତନାର ସାମ୍ନା କରିଥିଲି । ଆପଣ ବୁ ଝିପାରୁଥିବେ ଯେ ସେକ୍ସ ଆଗ୍ରହ ସମାଜରେ କେତେ ଗଭୀର ସ୍ଥାନକୁ ଚାଲିଯାଇଛି ।’’
Published by: Anand Shankar Thankur Das
First published: October 30, 2020, 10:01 PM IST