ଅଡିସନ୍ ବାହାନାରେ ନୃତ୍ୟଶିଳ୍ପୀଙ୍କ ସହ ଦୁଷ୍କର୍ମ; ବନ୍ଧୁଙ୍କ ବିରୋଧରେ FIR ଦାୟର

News 18 Odia Digital

ଗୁରୁଗ୍ରାମ : ହରିୟାଣାର ଗୁରୁଗ୍ରାମରୁ ଏକ ବଡ଼ ଖବର ଆସିଛି । ଏଠାରେ ଜଣେ ୩୭ ବର୍ଷୀୟ ବୃତ୍ତିଗତ ନୃତ୍ୟଶିଳ୍ପୀ ତାଙ୍କ ବନ୍ଧୁଙ୍କ ନାଁରେ ଦୁଷ୍କର୍ମ ଅଭିଯୋଗ ଆଣିଛନ୍ତି । ସେ ପୋଲିସ ନିକଟରେ ଦେଇଥିବା ଅଭିଯୋଗରେ ଦର୍ଶାଯାଇଛି ଯେ ଡ୍ୟାନ୍ସ ଅଡିସନ ନେବା ବାହାନାରେ ତାଙ୍କ ବନ୍ଧୁ ତାଙ୍କ ସହ ଦୁଷ୍କର୍ମ କରିଥିଲେ । ଚଳଚ୍ଚିତ୍ର ଏବଂ ଟିଭି ସିରିଏଲରେ କାମ କରିବାକୁ ପ୍ରତିଶ୍ରୁତି ଦେଇ ପ୍ରତାରଣା ତାଙ୍କୁ କରାଯାଇଥିଲା ।

ପୋଲିସର ସୂଚନାନୁସାରେ, ମହିଳା ଅଭିଯୋଗରେ କହିଛନ୍ତି ଯେ ୨୦୨୧ ମସିହାରେ ଏକ ନୃତ୍ୟ ପରିବେଷଣ ବେଳେ ସେ ବିହାରର ମୂଳ ନିବାସୀ ଆଶିଷଙ୍କ ସହ ଯୋଗାଯୋଗ କରିଥିଲେ । ଅଭିଯୋଗ ଅନୁଯାୟୀ, ଅଭିଯୁକ୍ତ ତାଙ୍କୁ ଫିଲ୍ମ ଏବଂ ସିରିଏଲରେ ସୁଯୋଗ ଦେବାକୁ ପ୍ରତିଶୃତି ଦେଇଥିଲେ । ମହିଳା ଅଭିଯୋଗରେ ଦର୍ଶାଇଛନ୍ତି ଯେ 'ଡିସେମ୍ବର ୨୦୨୧ ରେ ଆଶିଷ ମୋତେ ଡ୍ୟାନ୍ସ ଅଡିସନ ଦେବା ବାହାନାରେ ସେକ୍ଟର -29 ର ଏକ ହୋଟେଲକୁ ଡାକି ମୋ ସହ ଦୁଷ୍କର୍ମ କରିଥିଲେ । ସେ ଏହି ଅଭିନୟର ସୁଟିଂ କରିଥିଲେ ଏବଂ ମୋ ସହିତ ଅନେକ ଥର ଶାରୀରିକ ସମ୍ପର୍କ ରଖିଥିଲେ ।

ବିରୋଧ କଲେ, ମୃତ୍ୟୁ ଧମକ ଦେଉଥିଲେ ବୋଲି ପୀଡିତା ଅଭିଯୋଗ କରିଛନ୍ତି । ଯଦି ସେ ଏହାକୁ ବିରୋଧ କରନ୍ତି ତେବେ ତାଙ୍କୁ ହତ୍ୟା କରାଯିବ ବୋଲି ଧମକ ଦେଇଥିଲା ଅଭିଯୁକ୍ତ । ଏହା ତାଙ୍କୁ ଭୟଭୀତ କରିଥିଲା, କିନ୍ତୁ ଦୀର୍ଘ ସମୟ ପରେ ପୀଡିତା ପୋଲିସ ପାଖକୁ ଯିବାକୁ ନିଷ୍ପତ୍ତି ନେଇଥିଲେ ।

ସେକ୍ଟର ୨୯ ପୋଲିସ ଷ୍ଟେସନରେ ପଞ୍ଜୀକୃତ ହୋଇଛି ଜିରୋ ଏଫଆଇଆର, ପୋଲିସ ଆରମ୍ଭ କରିଛି ତଦନ୍ତ

ଏହି ପ୍ରସଙ୍ଗରେ ସେକ୍ଟର ୨୯ ପୋଲିସ ଷ୍ଟେସନର ଅତିରିକ୍ତ ଦାୟିତ୍ୱରେ ଥିବା ରାକେଶ କୁମାର କହିଛନ୍ତି ଯେ ଶୂନ ଏଫଆଇଆର ପରେ ଏହି ମାମଲାରେ ଏକ କେସ ରୁଜୁ ହୋଇଛି । ଏ ବିଷୟରେ ଯାଞ୍ଚ କରାଯାଉଛି । ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।