CNG Rate Hike: ପେଟ୍ରୋଲ-ଡିଜେଲ ପରେ ପୁଣି ବଢ଼ିଲା CNGର ମୂଲ୍ୟ

CNG Price Increased: ପେଟ୍ରୋଲ ଓ ଡିଜେଲର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଥିବାବେଳେ ଆଜି ଯେଉଁମାନେ ସିଏନଜି ଗାଡ଼ି ଚଳାଉଛନ୍ତି ସେମାନଙ୍କୁ ମଧ୍ୟ ଏକ ବଡ଼ ଝଟକା ପାଇଛନ୍ତି। ସିଏନଜିର ମୂଲ୍ୟ ବୃଦ୍ଧି ହୋଇଛି।

ପେଟ୍ରୋଲ-ଡିଜେଲ ପରେ ପୁଣି ବଢ଼ିଲା CNGର ମୂଲ୍ୟ

ପେଟ୍ରୋଲ-ଡିଜେଲ ପରେ ପୁଣି ବଢ଼ିଲା CNGର ମୂଲ୍ୟ

  • Share this:
News18 Odia Digital

ନୂଆ ଦିଲ୍ଲୀ: ଦେଶରେ ବର୍ତ୍ତମାନର ମୁଦ୍ରାସ୍ଫୀତି କ୍ରମାଗତ ଭାବରେ ଲୋକଙ୍କୁ ଚକିତ କରୁଛି। ଆଜି ଦିଲ୍ଲୀର ଲୋକଙ୍କ ପାଇଁ ସିଏନଜିର ମୂଲ୍ୟ ପୁଣି ବୃଦ୍ଧି ପାଇଛି ଓ ଏହା ୨.୫ ଟଙ୍କା ବୃଦ୍ଧି ପାଇଛି। ଏହାପରେ ଆଜି ଦିଲ୍ଲୀରେ ସିଏନଜିର ମୂଲ୍ୟ ୬୪.୧୧ ଟଙ୍କା ରହିଛି।

ପେଟ୍ରୋଲ ଡିଜେଲର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି

ଆଜି ପେଟ୍ରୋଲ ଓ ଡିଜେଲର ମୂଲ୍ୟ ଲିଟର ପିଛା ୪୦ ପଇସା ବୃଦ୍ଧି ପାଇବା ପରେ ରାଜଧାନୀ ଦିଲ୍ଲୀରେ ପେଟ୍ରୋଲର ମୂଲ୍ୟ ଲିଟର ପିଛା ୧୦୩.୮୧ ଟଙ୍କା ଓ ଡିଜେଲ ପିଛା ୯୫.୦୭ ଟଙ୍କା ବୃଦ୍ଧି ପାଇଛି। ୧୪ ଦିନରେ ଏହା ହେଉଛି ଦ୍ୱାଦଶ ଥର ଇନ୍ଧନ ମୂଲ୍ୟ ବୃଦ୍ଧି କରାଯାଇଛି। ମୁମ୍ବାଇରେ ଡିଜେଲ ଦର ୧୦୩ ଟଙ୍କା ହାର ମଧ୍ୟ ଅତିକ୍ରମ କରିଛି।

ଆପଣଙ୍କ ସହରରେ CNGର ନୂଆ ହାର କ’ଣ ଜାଣନ୍ତୁ

୧. ଦିଲ୍ଲୀରେ କିଲୋଗ୍ରାମ ପାଇଁ ୬୪.୧୧ ଟଙ୍କା।

୨. ନୋଏଡା, ଗ୍ରେଟର ନୋଏଡା ଓ ଗାଜିଆବାଦରେ କିଲୋଗ୍ରାମ ପାଇଁ ୬୬.୬୮ ଟଙ୍କା।

୩. ମୁଜାଫରନଗର, ମେରଟ ଓ ଶାମଲିରେ କିଲୋଗ୍ରାମ ପାଇଁ ୭୧.୩୬ ଟଙ୍କା।

୪. ଗୁରୁଗ୍ରାମରେ କିଲୋଗ୍ରାମ ପାଇଁ ୭୨.୪୫ ଟଙ୍କା।

୫. ରେୱାଡୀରେ କିଲୋଗ୍ରାମ ପାଇଁ ୭୪.୫୮ ଟଙ୍କା।

6. କାନପୁର, ହମିରପୁର ଓ ଫତେହପୁରରେ କିଲୋଗ୍ରାମ ପାଇଁ ୭୫.୯୦ ଟଙ୍କା।

୭. କରନାଲ ଓ କୌଥଲରେ କିଲୋଗ୍ରାମ ପାଇଁ ୭୨.୭୮ ଟଙ୍କା।

୮. ଅଜମେର, ପାଲି ଓ ରାଜସମାନନ୍ଦରେ କିଲୋଗ୍ରାମ ପାଇଁ ୭୪.୩୯ ଟଙ୍କା।

୪ ଦିନରେ ଦ୍ୱିତୀୟ ଥର ପାଇଁ CNG ମୂଲ୍ୟ ବୃଦ୍ଧି ପାଇଲା

୪ ଦିନ ମଧ୍ୟରେ ଦ୍ୱିତୀୟ ଥର ପାଇଁ CNGର ମୂଲ୍ୟ ବୃଦ୍ଧି କରାଯାଇଛି, ଏହା ପୂର୍ବରୁ ଶୁକ୍ରବାର ଦିନ ଦିଲ୍ଲୀରେ CNGର ମୂଲ୍ୟ ୮୦ ପଇସା ବୃଦ୍ଧି କରାଯାଇଥିଲା। ପ୍ରାକୃତିକ ଗ୍ୟାସ ମୂଲ୍ୟରେ ରେକର୍ଡ ବୃଦ୍ଧି ପରେ ଏହି ନିଷ୍ପତ୍ତି ନିଆଯାଇଥିବା କୁହାଯାଇଥିଲା। ଇନ୍ଦ୍ରପ୍ରଥା ଗ୍ୟାସ ଲିମିଟେଡ (ଆଇଜିଏଲ) ର ୱେବସାଇଟରେ ପୋଷ୍ଟ କରାଯାଇଥିବା ସୂଚନା ଅନୁଯାୟୀ, ଦିଲ୍ଲୀରେ ସିଏନଜି ମୂଲ୍ୟ ୬୪.୧୧ ଟଙ୍କା ହୋଇଛି। ଗତ ମାସରୁ ସପ୍ତମ ଥର ପାଇଁ CNG ମୂଲ୍ୟ ବୃଦ୍ଧି କରାଯାଇଛି। ମୋଟ ଉପରେ, CNG ମୂଲ୍ୟ ଏକ ମାସରେ କେଜି ପିଛା ୬.୫ ଟଙ୍କା ବୃଦ୍ଧି ପାଇଛି।
Published by:Lipina Das
First published: