Gas Leak: ଜାତୀୟ ରାଜପଥରେ CNG ଗ୍ୟାସ୍‌ ଲିକ୍‌; ଧୂଆଁମୟ ହେଲା ରାସ୍ତା

News 18 Odia Digital

ଓଡ଼ିଶା : ପୁରୀ ଭୁବନେଶ୍ୱର ଜାତୀୟ ରାଜପଥ (National Highway) ଉପରେ ସିଏନଜି ଗ୍ୟାସ୍‌ ଲିକ୍‌  । ମାଳତୀପାଟପୁର ଛକ ନିକଟରେ ସିଏନଜି୍‌ ଗ୍ୟାସ୍‌ ସିଲିଣ୍ଡର (Gas Cylinder) ଟାଙ୍କି ଭୋଜେଇ ଟ୍ରକ୍‌ରୁ ଗ୍ୟାସ ଲିକ୍‌ ହୋଇଥିବା ସୂଚନା ମିଳିଛି । ତୁରନ୍ତ ଗେଲ୍‌ ଇଣ୍ଡିଆ ପକ୍ଷରୁ କୁଇକ୍‌ ରେସପନ୍ସ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଛି । କେମିକାଲ୍‌ ଦ୍ବାରା ବିଷାକ୍ତ ଧୂଆଁକୁ ମଧ୍ୟ ଆୟତ୍ତ କରିଛି ।

ସେପଟେ ଅଗ୍ନିଶମ ବିଭାଗର ଏକ ଗାଡି ପହଞ୍ଚି ପାଣି ସ୍ପ୍ରେ କରି ନିଆଁକୁ ମଧ୍ୟ ଆୟତ୍ତ କରିଛି । ତେବେ ଗେଲ୍‌ ( gail) ଇଣ୍ଡିଆ ପକ୍ଷରୁ ପ୍ରାୟ ୮୦ଟି ସିଏନଜି୍‌ ଗ୍ୟାସ ସିଲିଣ୍ଡର ଭୋଜେଇ ଏକ ଟ୍ରକ ପୁରୀ ଆସୁଥିବାବେଳେ ଏଭଳି ଅଘଟଣ ଦେଖିବାକୁ ମିଳିଛି ।

ପଢନ୍ତୁ ଏହି ଖବର :  Saving Schemes:ଡାକଘରର ମାଷ୍ଟରବ୍ଲାଷ୍ଟର ସ୍କିମ୍ ! ୩୦ ଟଙ୍କା ଜମା କଲେ ମିଳିବ ୫ ଲକ୍ଷ...

କମ୍ପାନୀ ନିଜର ଏକ ସ୍ୱତନ୍ତ୍ର ସିଏନଜି ଷ୍ଟେସନ ପୁରୀଠାରେ ନିର୍ମାଣ କରିବାର ମଧ୍ୟ ଯୋଜନା ରଖିଛି । ପ୍ରତିଦିନ ପରି ଆଜି ସିଏନଜି ଷ୍ଟେସନରେ ଫିଲିଂ ପାଇଁ ଗାଡ଼ି ଆସୁଥିବାବେଳେ ହଠାତ୍‌ ମାଳତୀପାଟପୁରରେ ଲିକ୍‌ ହୋଇଥିଲା । ୩ଟି ସିଲିଣ୍ଡର ଲିକ୍‌ ହୋଇଥିବା ପ୍ରାଥମିକ ସୂଚନା ମିଳିଛି । ଖବର ପାଇ ତୁରନ୍ତ ଅଗ୍ନିଶମ ବିଭାଗର ଦମକଳ ଗାଡ଼ି ଘଟଣାସ୍ଥଳରେ ପହଂଚି ପାଣି ସ୍ପ୍ରେ କରିଥିଲେ ।