ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କ ଭଉଣୀ ଗିରଫ; ଜାଣନ୍ତୁ ପୂରା ମାମଲା

ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୟାଇ ଏସ ଜଗନ ମୋହନ ରେଡ୍ଡୀଙ୍କ ଭଉଣୀ ୟେଦୁଗୁରୀ ଶର୍ମିଲା ରେଡ୍ଡୀଙ୍କୁ ସୋମବାର ଗିରଫ କରାଯାଇଛି। ଜାଣନ୍ତୁ ପୂରା ମାମଲା ।

ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କ ଭଉଣୀ ଗିରଫ

ମୁଖ୍ୟମନ୍ତ୍ରୀ ଜଗନ ରେଡ୍ଡୀଙ୍କ ଭଉଣୀ ଗିରଫ

  • News18 Odia
  • Last Updated :
  • Other, India
  • Share this:
News18 Odia Digital

ହାଇଦ୍ରାବାଦ: ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୟାଇ ଏସ ଜଗନ ମୋହନ ରେଡ୍ଡୀଙ୍କ ଭଉଣୀ ୟେଦୁଗୁରୀ ସନ୍ଦିପ୍ତି ଶର୍ମିଲା ରେଡ୍ଡୀଙ୍କୁ ସୋମବାର ଗିରଫ କରାଯାଇଛି। ଟିଆରଏସ ଦଳର କର୍ମୀଙ୍କ ସହ ସଂଘର୍ଷ ପରେ ତାଙ୍କୁ ପୋଲିସ ଅଟକ ରଖିଛି।। ପ୍ରକାଶ ଯେ, କିଛି ଲୋକ ତେଲେଙ୍ଗାନା ପାର୍ଟି (YSRTP) ନେତା ଶର୍ମିଲା ରେଡ୍ଡୀଙ୍କ କନଭେନରେ ଏକ ଅଭିଯାନ ବସ୍‌ରେ ନିଆଁ ଲଗାଇବାକୁ ଚେଷ୍ଟା କରିଥିଲେ। ପରେ ବସ୍ ଜାଳିବାକୁ ଚେଷ୍ଟା କରୁଥିବା ଲୋକମାନେ ଘଟଣାସ୍ଥଳରୁ ପଳାଇ ଯାଇଥିଲେ।

ଏହି ଘଟଣା ଘଟିବାବେଳେ ଶର୍ମିଲା ତାଙ୍କ ସମର୍ଥକଙ୍କ ସହ ଏକ ପଦ ଯାତ୍ରାରେ ଥିଲେ। ଯେତେବେଳେ ତାଙ୍କ ସମର୍ଥକଙ୍କ ସହ ପୋଲିସ ଶର୍ମିଲାଙ୍କୁ ନେଇଯାଉଥିଲା, ସେତେବେଳେ ସେ ପାଟି କରି କହିଥିଲେ ଯେ 'ତୁମେ ମୋତେ କାହିଁକି ଗିରଫ କରୁଛ?  ମୁଁ ପୀଡିତା, ଅଭିଯୁକ୍ତ ନୁହେଁ। 'ଏହି ଘଟଣା ପରେ ଶର୍ମିଲା କହିଛନ୍ତି ଯେ ଟିଆରଏସ ସରକାରଙ୍କ ଷଡଯନ୍ତ୍ର କରି ପଦ ଯାତ୍ରା ସମୟରେ ବସ୍‌ରେ ନିଆଁ ଲାଗିଯାଇଥିଲା। ମୁଁ ସମସ୍ତ ଅନୁମତି ସହିତ ପଦ ଯାତ୍ରା କରୁଛି… ସେମାନେ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି କରିବାକୁ ଚେଷ୍ଟା କରୁଛନ୍ତି ଓ ମୋତେ ଗିରଫ କରି ପଦ ଯାତ୍ରାକୁ ବନ୍ଦ କରୁଛନ୍ତି। ପୋଲିସକୁ ମୋହରା କରି ଆକ୍ରମଣ କରାଯାଉଛି।

ଶର୍ମିଲା ତେଲେଙ୍ଗାନା ପାର୍ଟି (YSRTP) ଆରମ୍ଭ କରିଥିଲେ ଓ ଗତ ବର୍ଷ ଅକ୍ଟୋବରରୁ ସେ ପଦ ଯାତ୍ରାରେ ଅଛନ୍ତି।  ସେ ଏପର୍ଯ୍ୟନ୍ତ ୩୫୦୦ କିଲୋମିଟର ଦୂରତା ଅତିକ୍ରମ କରିଛନ୍ତି।।ସେ ଗତକାଲି ନରସମ୍ପେଟରେ ଥିଲେ ଯେଉଁଠାରେ ସେ ସ୍ଥାନୀୟ ଟିଆରଏସ ବିଧାୟକ ପେଡି ସୁଦର୍ଶନ ରେଡ୍ଡୀଙ୍କୁ ସମାଲୋଚନା କରିଥିଲେ। ଏହି କାରଣରୁ ମୁଖ୍ୟମନ୍ତ୍ରୀ କେ ଚନ୍ଦ୍ରଶେଖର ରାଓ (କେସିଆର) ର ଦଳର କର୍ମୀମାନେ ରାଗି ଯାଇଥିଲେ। ଶର୍ମିଲା ଯେଉଁବାଟେ ପଦ ଯାତ୍ରାରେ ଯାଉଥିଲେ ସେହି ଗାଡି ଉପରେ ସେମାନେ ଆକ୍ରମଣ କରିଥିଲେ ଓ ନିଆଁ ଲଗାଇ ଦେଇଥିଲେ।  ଏହା ପରେ ତାଙ୍କ ସମର୍ଥକମାନେ କ୍ରୋଧିତ ହେଲେ ଏବଂ ତାଙ୍କ ଓ ଟିଆରଏସ ଦଳର କର୍ମୀଙ୍କ ମଧ୍ୟରେ ଝଗଡା ଆରମ୍ଭ ହୋଇଥିଲା।
Published by:Soumya Das
First published: