ଏବର୍ଷ ୧୫ ବର୍ଷରୁ କମ ବୟସର ଛୁଆ ଓ ଟିକା ନେଇନଥିବା ବ୍ୟକ୍ତି ପାରେଡ଼ରେ ହେବେନି ସାମିଲ

ଆଗାମୀ ସାଧାରଣତନ୍ତ୍ର ଦିବସକୁ ନିରାପଦ ଢ଼ଙ୍ଗରେ ପାଳନ କରିବା ପାଇଁ ଏକ ନୂତନ ନିର୍ଦ୍ଦେଶନାମା ଜାରି ହୋଇଛି। ୧୫ ବର୍ଷରୁ କମ୍ ବୟସର ପିଲା ଓ COVID-19 ସମ୍ପୂର୍ଣ୍ଣ ଟୀକାକରଣ ନେଇନଥିବା ଲୋକଙ୍କୁ ପାରେଡ କାର୍ଯ୍ୟକ୍ରମରେ ଯୋଗଦେବାକୁ ଅନୁମତି ଦିଆଯିବ ନାହିଁ ।

କରୋନା ଟିକା ନେଇନଥିବା ବ୍ୟକ୍ତି ପାରେଡ଼ରେ ସାମିଲ ହୋଇପାରିବେ ନାହିଁ (ପ୍ରତୀକାତ୍ମକ ଛବି)

କରୋନା ଟିକା ନେଇନଥିବା ବ୍ୟକ୍ତି ପାରେଡ଼ରେ ସାମିଲ ହୋଇପାରିବେ ନାହିଁ (ପ୍ରତୀକାତ୍ମକ ଛବି)

  • Share this:
News18 Odia Digital

ନୂଆ ଦିଲ୍ଲୀ: COVID-19 ମହାମାରୀର ତୃତୀୟ ଲହର ମଧ୍ୟରେ ଦିଲ୍ଲୀ ପୋଲିସର ଆଗାମୀ ସାଧାରଣତନ୍ତ୍ର ଦିବସକୁ ନିରାପଦ ଢ଼ଙ୍ଗରେ ପାଳନ କରିବା ପାଇଁ ଏକ ନୂତନ ନିର୍ଦ୍ଦେଶନାମା ଜାରି ହୋଇଛି। ୧୫ ବର୍ଷରୁ କମ୍ ବୟସର ପିଲା ଓ COVID-19 ସମ୍ପୂର୍ଣ୍ଣ ଟୀକାକରଣ ନେଇନଥିବା ଲୋକଙ୍କୁ ଚଳିତ ବର୍ଷ ଗଣତନ୍ତ୍ର ଦିବସ ପରେଡ କାର୍ଯ୍ୟକ୍ରମରେ ଯୋଗଦେବାକୁ ଅନୁମତି ଦିଆଯିବ ନାହିଁ ବୋଲି ନିର୍ଦ୍ଦେଶାବଳୀରେ କୁହାଯାଇଛି। ଲୋକମାନେ ସେମାନଙ୍କର COVID-19 ଟିକା ପ୍ରମାଣପତ୍ର ମଧ୍ୟ ଆଣିବାକୁ ବାଧ୍ୟ ହେବେ।

“ଆଣ୍ଟି-କରୋନା ଭାଇରସ୍ ଟିକା ଉଭୟ ଡୋଜ ରହିବା ଆବଶ୍ୟକ।  ପରିଦର୍ଶକମାନଙ୍କୁ ସେମାନଙ୍କର ଟୀକାକରଣ ପ୍ରମାଣପତ୍ର ଆଣିବାକୁ ଅନୁରୋଧ କରାଯାଇଛି ବୋଲି ଦିଲ୍ଲୀ ପୋଲିସ ଟ୍ୱିଟ କରି ଜଣାଇଛି।"



ଦିଲ୍ଲୀ ପୋଲିସ ଆହୁରି ମଧ୍ୟ କହିଛି ଯେ ଜାନୁୟାରୀ ୨୬ରେ ରାଜପଥରେ ହେବାକୁ ଥିବା କାର୍ଯ୍ୟକ୍ରମରେ ଲୋକଙ୍କୁ ମୁହଁ ମାସ୍କ ପିନ୍ଧିବା ଓ ସାମାଜିକ ଦୂରତା ବଜାୟ ରଖିବା ଭଳି ସମସ୍ତ COVID- ପ୍ରୋଟୋକଲ ମାନିବାକୁ ପଡ଼ିବ।

ଜାତୀୟ COVID ଟୀକାକରଣ କାର୍ଯ୍ୟକ୍ରମ, ଯାହା ଗତ ବର୍ଷ ଜାନୁଆରୀ ୧୬ରେ ସ୍ୱାସ୍ଥ୍ୟ ଚିକିତ୍ସା ଓ ଫ୍ରଣ୍ଟଲାଇନ କର୍ମଚାରୀଙ୍କ ସହିତ ଆରମ୍ଭ ହୋଇଥିଲା, ୧୮ ବର୍ଷରୁ ଅଧିକ ବୟସ୍କଙ୍କ ପାଇଁ ଧୀରେ ଧୀରେ ବୃଦ୍ଧି କରାଯାଇଥିଲା।

ଏହି ମାସରୁ, ୧୫-୧୮ ବର୍ଷ ବୟସର ପିଲାମାନେ ଟୀକାକରଣ ଆରମ୍ଭ ହୋଇଛି। ଓମିକ୍ରନ୍ ଭାରିଆଣ୍ଟ କାରଣରୁ ସ୍ୱାସ୍ଥ୍ୟସେବା ଏବଂ ଫ୍ରଣ୍ଟଲାଇନ କର୍ମଚାରୀ ଏବଂ ୬୦ ବର୍ଷରୁ ଅଧିକ ବୟସର ବ୍ୟକ୍ତିଙ୍କୁ ବୁଷ୍ଟର ଡୋଜ ଦିଆଯାଉଛି।
Published by:Soumya Das
First published: