ମହୀଶୁରରେ କାର ଦୁର୍ଘଟଣା; ଡ୍ରାଇଭର ଭାରସ୍ୟାମ ହରାଇଥିବା ସୂଚନା

News 18 Odia Digital

ନୂଆଦିଲ୍ଲୀ; କର୍ଣ୍ଣାଟକ ମହୀଶୁର ନିକଟରେ ଏକ କାର ଦୁର୍ଘଟଣା ଘଟିଛି । କାରରେ ପ୍ରହଲାଦ ମୋଦି ଓ ତାଙ୍କର ପରିବାର ସଦସ୍ୟ ଥିଲେ । ଆଜି ମଧ୍ୟାହ୍ନ ସମୟରେ କାରରେ ଯାତ୍ରା କରୁଥିବା ସମୟରେ ଡ୍ରାଇଭର ଭାରସ୍ୟାମ ହରାଇଥିବାରୁ ଦୁର୍ଘଟଣା ଘଟିଥିବା ସୂଚନା ମିଳିଛି । କାରରେ ଥିବା ସମସ୍ତ ସଦସ୍ୟ ଆହତ ଅବସ୍ଥାରେ ହସ୍ପିଟାଲରେ ଭର୍ତ୍ତି ହୋଇଛନ୍ତି । କାରଟିର କିଛି ଅଂଶ ଭାଙ୍ଗିଯାଇଥିବା ଦେଖିବାକୁ ମିଳିଛି । କାରଟି ବାନ୍ଦିପୁରା ଯାଉଥିବା କୁହାଯାଉଛି ।

ଦୁର୍ଘଟଣା ପରେ ଘଟଣାସ୍ଥଳରେ ପୋଲିସ ପହଞ୍ଚିଛି । କିପରି ଓ କେଉଁ ପରିସ୍ଥିତିରେ ଦୁର୍ଘଟଣା ଘଟିଲା ତାହା ପୋଲିସ ତଦନ୍ତ କରୁଛି । ତେବେ ଦୁର୍ଘଟଣାରେ କୌଣସି ବିଶେଷ କ୍ଷୟକ୍ଷତି ହୋଇନଥିବା ସୂଚନା ମିଳିଛି ।