ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ସାଙ୍ଗର ଥଟ୍ଟାମଜ୍ଜା ଏହି ଯୁବକଙ୍କୁ ଧନୀ କରିଦେଲା; ଏବେ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା

ସାଙ୍ଗର ଥଟ୍ଟାମଜ୍ଜା ଏହି ଯୁବକଙ୍କୁ ଧନୀ କରିଦେଲା; ଏବେ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା

ସ୍କୁଲ ସମୟକୁ ଯେତେବେଳେ ପିଲାମାନେ ଉପଭୋଗ କରୁଥିଲେ, ଡ୍ୟାନ ତାକୁ ଭୟ କରୁଥିଲେ। ପରେ ତାଙ୍କ ସହ ହେଉଥିବା ଏହି ବ୍ୟବହାରକୁ ସେ ନିଜର ଶକ୍ତି କରିନେଲେ ଓ ଧନୀ ପାଲଟିଗଲେ।

ସାଙ୍ଗର ଥଟ୍ଟାମଜ୍ଜା ଏହି ଯୁବକଙ୍କୁ ଧନୀ କରିଦେଲା; ଏବେ ରୋଜଗାର କରୁଛନ୍ତି ଲକ୍ଷାଧିକ ଟଙ୍କା
ସ୍କୁଲରେ ସାଙ୍ଗସାଥୀ ଡ୍ୟାନଙ୍କୁ ଚିଡାଉଥିଲେ (ପ୍ରତୀକାତ୍ମକ ଛବି)
  • News18 Odia
  • Last Updated: October 11, 2021, 12:09 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଅନେକ କ୍ଷେତ୍ରରେ ନୂଆ ନୂଆ ସ୍କୁଲ କିମ୍ବା କଲେଜ ଯାଉଥିବା ପିଲାଙ୍କ ପକ୍ଷରେ ଅନ୍ୟମାନଙ୍କ ସହ ମିଶିବା କଷ୍ଟକର ହୋଇପଡ଼େ। ଅନେକ ସମୟରେ ଏମିତି ମଧ୍ୟ ହୋଇଥାଏ ପିଲାର ଚେହେରାକୁ ଦେଖି ସାଙ୍ଗସାଥୀ ଥଟ୍ଟା କରନ୍ତି। ଏମିତି କିଛି ମଧ୍ୟ ହୋଇଥିଲା ଇଂଲଣ୍ଡର ଲିଙ୍କନଶିୟରରେ ରହୁଥିବା ଡ୍ୟାନ ଜେମ୍ସ କ୍ଲାର୍କଙ୍କ ସହିତ। ସ୍କୁଲ ସମୟକୁ ଯେତେବେଳେ ପିଲାମାନେ ଉପଭୋଗ କରୁଥିଲେ, ଡ୍ୟାନ ତାକୁ ଭୟ କରୁଥିଲେ। ତେବେ ପରେ ତାଙ୍କ ସହ ହେଉଥିବା ଏହି ବ୍ୟବହାରକୁ ସେ ନିଜର ଶକ୍ତି କରିନେଲେ ଓ ଧନୀ ପାଲଟିଗଲେ।

ଡ୍ୟାନ କେବଳ ତାଙ୍କ ମା’ଙ୍କ ସହିତ ରୁହନ୍ତି। ତାଙ୍କ ମା’ ସବୁବେଳେ ଚାହୁଁଥିଲେ ଯେ ତାଙ୍କ ପୁଅ ସ୍କୁଲରେ ସମସ୍ତଙ୍କ ସହିତ ମିଶୁ। କିନ୍ତୁ ଡ୍ୟାନ ଯେତେବେଳେ ସେକେଣ୍ଡାରୀ ସ୍କୁଲକୁ ଗଲେ ତାଙ୍କର ନୂଆ ସାଙ୍ଗ ହେବା ବଦଳରେ ଅନେକ ତାଙ୍କୁ ଚିଡ଼ାଉଥିଲେ। ଏହି କାରଣରୁ ଦୁଇ ତିନୋଟି ସ୍କୁଲ ବଦଳ କରିବା ପରେ ବି ଯେତେବେଳେ ତାଙ୍କ ପରିସ୍ଥିତିରେ ସୁଧାର ନ ଆସିନଥିଲା । ଡ୍ୟାନ ବାଧ୍ଯ ହୋଇ ସ୍କୁଲ ଛାଡ଼ିଦେଇଥିଲେ। ଏହା ପରେ ସେ ଭର୍ଚୁଆଲ୍ ୱାର୍ଲ୍ଡରେ ସାଙ୍ଗ କରିବାରେ ଲାଗି ପଡ଼ିଲେ। ତାଙ୍କର ଏହି ଅଭ୍ୟାସ ତାଙ୍କୁ ବର୍ତ୍ତମାନ ମାନସିକ ଶାନ୍ତି ଦେବା ସହ ଆର୍ଥିକ କ୍ଷେତ୍ରରେ ବି ବହୁତ ସଫଳତା ଦେଇଛି।

ଡ୍ୟାନ ଯେତେବେଳେ ପ୍ରାଇମେରୀ ସ୍କୁଲରେ ଥିଲେ ସବୁକିଛି ଠିକଠାକ ଥିଲା। ସେକେଣ୍ଡାରୀରେ ଯେତେବେଳେ ସ୍କୁଲ ବଦଳ କଲେ ନୂଆ ସ୍କୁଲରେ ତାଙ୍କୁ ଖାପ ଖୁଆଇସାରେ ସମସ୍ୟା ହୋଇଥିଲା। ପିଲାମାନେ ତାଙ୍କର ଥଟ୍ଟା ମଜ୍ଜା କରିବା ସହିତ ତାଙ୍କୁ ଏକୁଟିଆ କରିଦେଉଥିଲେ। ଏନେଇ ତାଙ୍କ ମା’ କ୍ରିଷ୍ଟିନ୍ ସ୍କୁଲ ପରିବର୍ତ୍ତନ କରିଥିଲେ। ସେ ଭାବିଥିଲେ ତାଙ୍କୁ ଭଲ ସାଙ୍ଗ ମିଳିଯିବେ। ତାଙ୍କ ଚେହେରାଙ୍କୁ ନେଇ ଥଟ୍ଟା କରାଯିବା ଓ ବିଭିନ୍ନ ପ୍ରକାର ମାନସିକ ନିର୍ଯାତନା ଦିଆଯିବା ବଢ଼ିଚାଲିଲା। ଫଳରେ ତାଙ୍କୁ ସ୍କୁଲ ଯିବା ବନ୍ଦ କରିଦିଆଗଲା। ଫଳରେ ତାଙ୍କ ପଢ଼ାପଢ଼ିରେ ଅସୁବିଧା ଦେଖାଦେଲା। କିନ୍ତୁ ତାଙ୍କ ଜୀବନରେ ସେତେବେଳେ ପରିବର୍ତ୍ତନ ଆସିଲା ଯେତେବେଳେ ତାଙ୍କ ମାଆ ତାଙ୍କୁ ଆଇଫୋନ ଦେଇଥିଲେ।

ପାଖରେ ଫୋନ ପାଇ ସେ ଇନ୍‌ଷ୍ଟାଗ୍ରମରେ ନିଜର ଆକାଉଣ୍ଟ ଖୋଲିଲେ ଓ ନିଜ ଭଳି ସାଙ୍ଗ ଖୋଜି ଚାଲିଲେ। ସେ ଏଭଳି ଆପ୍ସ ବ୍ୟବହାର କଲେ ଯେଉଁଥିରେ ତାଙ୍କୁ ଟଙ୍କା ମିଳିବ, କାରଣ ଏଭଳି ଆକାଉଣ୍ଟରେ ଫଲୋର୍ସ ସଂଖ୍ୟା ଖୁବ୍ ଶୀଘ୍ର ବଢ଼ିଥାଏ। ତାଙ୍କର ମଧ୍ୟ ଫଲୋର୍ସ ସଂଖ୍ୟା ବଢ଼ିଚାଲିଲା। ତାଙ୍କୁ ଏକ ଚଶମାର ପ୍ରମୋଶନ ନେଇ ବିଜ୍ଞାପନ ମଧ୍ୟ ମିଳିଲା। ତାଙ୍କୁ ବର୍ତ୍ତମାନ ବିଭିନ୍ନ ପ୍ରକାରର ବିଜ୍ଞାପନ ମିଳୁଛି। ଫଳରେ ସେ ସୋସିଆଲ ମିଡ଼ିଆ ଦ୍ୱାରା ଲକ୍ଷାଧିକ ଟଙ୍କା ରୋଜଗାର କରିପାରୁଛନ୍ତି। ସେ କୁହନ୍ତି ଯେ ଯଦି ତାଙ୍କ ସହିତ ଏଭଳି ମଜ୍ଜା ହୋଇ ନ ଥାନ୍ତା ସେ ଏଭଳି ଆଗକୁ ଯାଇପାରି ନ ଥାନ୍ତେ।
Published by: Soumya Das
First published: October 11, 2021, 12:09 PM IST