ବରମାଳା ସମୟରେ ଷ୍ଟେଜରେ ବେହୋସ ହୋଇଗଲେ କନ୍ଯା..ତାପରେ ଯାହା ହେଲା

News18 Odia Digital

ଲକ୍ଷ୍ନୋ: ବିବାହ ଉତ୍ସବରେ ସମସ୍ତେ ଖାଉଥିଲେ  ପିଉଥିଲେ, ଖୁସି ଥିଲେ। ବର ଓ କନ୍ୟା ବରମାଳା ପାଇଁ ମଞ୍ଚ ଉପରେ ଠିଆ ହୋଇଥିଲେ ଓ ହଠାତ୍ କନ୍ୟା ଜଣଙ୍କ ବେହୋସ ହୋଇଗଲେ। କେହି କିଛି ବୁଝିବା ଆଗରୁ ସବୁ କିଛି ଶେଷ ହୋଇଗଲା। ଲୋକମାନେ ତାଙ୍କୁ ଡାକ୍ତରଖାନା ନେଇଯାଇଥିଲେ ଯେଉଁଠାରେ ସେ ମୃତ୍ୟୁ ବରଣ କରିଥିଲେ। ଯଦିଓ ସମ୍ପର୍କୀୟଙ୍କ ପାଖରେ କିଛି ଆଶା ଥିଲା, କିନ୍ତୁ ଡାକ୍ତରଖାନା ନିଆଯିବା ପରେ ଡାକ୍ତରମାନେ କନ୍ୟାକୁ ମୃତ ଘୋଷଣା କରିଥିଲେ। ଶନିବାର ସନ୍ଧ୍ୟାରେ ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୋର ମାଲିହାବାଦରେ ଘଟିଛି ଏଭଳି ଏହି ଘଟଣା। ଏହି ଘଟଣା ପରେ ସମଗ୍ର ବିବାହ ଉତ୍ସବ ଶୋକରେ ପରିଣତ ହୋଇଥିଲା।

ସୂଚନାନୁସାରେ, ଶନିବାର ରାତିରେ ଭଦୱାନା ଗାଁର ବାସିନ୍ଦା ରାଜପାଲ ଶର୍ମାଙ୍କ ଝିଅ ଶିମାଗି ଶର୍ମାଙ୍କ ବିବାହ ଅନୁଷ୍ଠିତ ହୋଇଥିଲା। ୨୧ ବର୍ଷର ଶିମାଗି ବୁଦ୍ଧେଶ୍ୱରର ଜଣେ ଯୁବକଙ୍କୁ ବିବାହ କରୁଥିଲେ। ଉଭୟ ପରିବାରରେ ବହୁତ ଖୁସି ଥିଲେ। ବିବାହ ସମାରୋହରେ ସମସ୍ତ ରୀତିନୀତି ସମ୍ପନ୍ନ ହେଉଥିଲା। ଏହି କ୍ରମରେ ବର ଓ କନ୍ୟା ବରମାଳା ପାଇଁ ମଞ୍ଚକୁ ଅଣାଯାଇଥିଲା। କିନ୍ତୁ ହଠାତ୍ ଶିମାଗି ତାଙ୍କ ଛାତିରେ ଯନ୍ତ୍ରଣା ଅନୁଭବ କଲେ ଏବଂ ସେ ତଳେ ପଡ଼ି ଯନ୍ତ୍ରଣା ଭୋଗିବାକୁ ଲାଗିଲେ। ସେ ଚେତାଶୂନ୍ୟ ହୋଇଯାଇଛନ୍ତି ବୋଲି ପରିବାର ଲୋକ ଚିନ୍ତା କରିଥିଲେ। ତରବରିଆ ଭାବେ ତାଙ୍କୁ କସମାଣ୍ଡିର ଏକ ଘରୋଇ ଡାକ୍ତରଖାନାକୁ ନିଆଯାଇଥିଲା, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ।

ତାଙ୍କ ମୃତ୍ୟୁ ଖବର ହେତୁ ଶିମାଗୀ ଓ ତାଙ୍କ ଶାଶୁଙ୍କ ପରିବାରରେ ଶୋକର ବାତାବରଣ ରହିଛି। ଶିମାଗିଙ୍କ ମା କମଲେଶ କୁମାରୀ, ସାନ ଭଉଣୀ ସୋନମ, ଭାଇ ଅମିତ, କୋମଲ ଏବଂ ପରିବାରର ଅନ୍ୟ ସଦସ୍ୟମାନେ ଖରାପ ଅବସ୍ଥାରେ ଅଛନ୍ତି। ସମସ୍ତେ ଦୁଃଖୀ ପରିବାରକୁ ସାନ୍ତ୍ୱନା ଦେବାକୁ ଚେଷ୍ଟା କରୁଥିଲେ। ବିଶେଷ କରି ବରର ଆଖି ଲୁହ ବନ୍ଦ ହେବାର ନାମ ନେଉନଥିଲା।