ମୁମ୍ବାଇ-ଅହମ୍ମଦାବାଦ ବୁଲେଟ୍ ଟ୍ରେନ୍ ପାଇଁ ୨୦ ହଜାର ଗଛ କଟିବାକୁ ଅନୁମତି ଦେଲେ ବମ୍ବେ ହାଇକୋର୍ଟ

ମହାରାଷ୍ଟ୍ରରେ, ଯେତେବେଳେ କୌଣସି କର୍ତ୍ତୃପକ୍ଷ ସର୍ବସାଧାରଣ ପ୍ରକଳ୍ପ ପାଇଁ ଗଛ କାଟିବା ଆବଶ୍ୟକ ବୋଲି ଭାବନ୍ତି ତେବେ ସେତେବେଳେ କୋର୍ଟଙ୍କ ଅନୁମତି ନେବାକୁ ପଡ଼େ।

ମୁମ୍ବାଇ-ଅହମ୍ମଦାବାଦ ବୁଲେଟ୍ ଟ୍ରେନ୍ ପାଇଁ ୨୦ ହଜାର ଗଛ କଟିବାକୁ ଅନୁମତି ଦେଲେ ବମ୍ବେ ହାଇକୋର୍ଟ

ମୁମ୍ବାଇ-ଅହମ୍ମଦାବାଦ ବୁଲେଟ୍ ଟ୍ରେନ୍ ପାଇଁ ୨୦ ହଜାର ଗଛ କଟିବାକୁ ଅନୁମତି ଦେଲେ ବମ୍ବେ ହାଇକୋର୍ଟ

  • News18 Odia
  • Last Updated :
  • Cuttack, India
  • Share this:
News18 Odia Digital

ମୁମ୍ବାଇ: ମୁମ୍ବାଇ-ଅହମ୍ମଦାବାଦ ବୁଲେଟ୍ ଟ୍ରେନ୍ ପ୍ରକଳ୍ପ ପାଇଁ ବମ୍ବେ ହାଇକୋର୍ଟ ଶୁକ୍ରବାର ଦିନ ଜାତୀୟ ହାଇ ସ୍ପିଡ୍ ରେଳ ନିଗମ (NHSRCL) କୁ ମୁମ୍ବାଇ, ପାଲଘର ଏବଂ ଥାଣେରେ ପ୍ରାୟ ୨୦ ହଜାର ମାଙ୍ଗ୍ରୋଭ ଗଛ କାଟିବାକୁ ଅନୁମତି ଦେଇଛନ୍ତି। ପ୍ରଧାନ ବିଚାରପତି ଦୀପାଙ୍କର ଦତ୍ତା ଏବଂ ଜଷ୍ଟିସ ଅଭୟ ଅହୁଜାଙ୍କ ଏକ ବେଞ୍ଚ NHSRCLର ମାଙ୍ଗ୍ରୋଭ ଗଛ କାଟିବା ପାଇଁ ନିବେଦନକୁ ଅନୁମତି ଦେଇଛି। ୨୦୧୮ରେ ହାଇକୋର୍ଟଙ୍କ ଆଦେଶ ଅନୁଯାୟୀ, ସାରା ରାଜ୍ୟରେ ମାଙ୍ଗ୍ରୋଭ ଗଛ କାଟିବା ଉପରେ ସମ୍ପୂର୍ଣ୍ଣ ନିଷେଧାଦେଶ ଲାଗିଥିଲା।

NHSRCL ପ୍ରତିଜ୍ଞା, ୫ ଗୁଣ ଗଛ ଲଗାଇବ

ଯେତେବେଳେ ମହାରାଷ୍ଟ୍ରର କୌଣସି କର୍ତ୍ତୃପକ୍ଷ କୌଣସି ସାର୍ବଜନୀନ ପ୍ରକଳ୍ପ ପାଇଁ ମାଙ୍ଗ୍ରୋଭ ଗଛ କାଟିବା ଆବଶ୍ୟକ ବୋଲି ବିବେଚନା କରନ୍ତି, ସେତେବେଳେ ପ୍ରତ୍ୟେକ ଥର ହାଇକୋର୍ଟଙ୍କ ଅନୁମତି ନେବାକୁ ପଡ଼େ। ଅଦାଲତଙ୍କ ନିର୍ଦ୍ଦେଶ ଅନୁଯାୟୀ, ଯେଉଁଠାରେ ମାଙ୍ଗ୍ରୋଭ ଗଛ ଅଛି, ସେହି ଅଞ୍ଚଳରେ ୫୦ ମିଟରର ଏକ ବଫର ଜୋନ୍ ସୃଷ୍ଟି କରାଯିବା ଉଚିତ୍, ଯେଉଁଥିରେ କୌଣସି ନିର୍ମାଣ କାର୍ଯ୍ୟ କିମ୍ବା ବର୍ଜ୍ୟବସ୍ତୁକୁ ଖସିଯିବାକୁ ଅନୁମତି ଦିଆଯାଉ ନାହିଁ। NHSRCL, ୨୦୨୦ରେ ଦାଖଲ ହୋଇଥିବା ଏକ ପିଟିସନରେ କୋର୍ଟଙ୍କୁ ଆଶ୍ୱାସନା ଦେଇଛି ଯେ ଏହା ପୂର୍ବରୁ କାଟିବାକୁ ଯୋଜନା କରିଥିବା ମାଙ୍ଗ୍ରୋଭ ଗଛ ପାଞ୍ଚ ଗୁଣ ଲଗାଇବ।

ଏନଜିଓ ଏହି ଆବେଦନକୁ ବିରୋଧ କରିଛି

NHSRCLର ନିଶ୍ଚିତତା ସତ୍ତ୍ବେ ବମ୍ବେ ଏନଭରମେଣ୍ଟାଲ ଏକ୍ସନ ନାମକ ଏକ ଏନଜିଓ ତାଙ୍କ ନିବେଦନକୁ ବିରୋଧ କରି କହିଛି ଯେ ନୂଆ ଚାରା ରୋପଣର ବଞ୍ଚିବାର ହାର ବିଷୟରେ କୌଣସି ଅଧ୍ୟୟନ କରାଯାଇ ନାହିଁ ଏବଂ ପରିବେଶରେ ଗଛ କାଟିବାର ପ୍ରଭାବ କ’ଣ ହେବ ତାହା ମଧ୍ୟ ଜଣା ପଡ଼ିନାହିଁ।। ଏନଏଚଏସଆରସିଏଲ୍ ଏନଜିଓ ଦ୍ବାରା ଉଠାଯାଇଥିବା ଆପତ୍ତି ପ୍ରତ୍ୟାଖ୍ୟାନ କରି କହିଛି ଯେ ଏହି ପ୍ରକଳ୍ପ ପାଇଁ ଗଛ କାଟିବା ପାଇଁ ଆବଶ୍ୟକ ଅନୁମୋଦନ ମିଳିଛି ଏବଂ ଚାରା ରୋପଣ ଦ୍ୱାରା ଏହାର କ୍ଷତି ହେବ।

ବୁଲେଟ୍ ଟ୍ରେନ୍ ଯାତ୍ରା ସମୟ ହ୍ରାସ କରିବ

ପ୍ରକାଶ ଥାଉକି ଅହମ୍ମଦାବାଦ ଏବଂ ମୁମ୍ବାଇ ମଧ୍ୟରେ ପ୍ରସ୍ତାବିତ ୫୦୮ କିଲୋମିଟର ଉଚ୍ଚ ଗତିର ରେଳ କରିଡର ଦୁଇ ସହର ମଧ୍ୟରେ ଯାତ୍ରା ସମୟକୁ ୬.୫ ଘଣ୍ଟାରୁ କମାଇ ୨.୫ ଘଣ୍ଟା ହ୍ରାସ କରିବ ବୋଲି ଆଶା କରାଯାଉଛି।
Published by:Lipina Das
First published: