ପଙ୍ଗା ଫିଲ୍ମ ରିଭ୍ୟୁ: ପୁଣି ଏକ ଜବରଦସ୍ତ ଫିଲ୍ମ ସହ ହୃଦୟ ଜିତିଲେ କଙ୍ଗନା ରାଣାଓ୍ବତ, ଟୁଇଟ୍ କରି ପ୍ରଶଂସା କଲେ ଦର୍ଶକ

ବଲିଉଡ଼ ଅଭିନେତ୍ରୀ କଙ୍ଗନା ରାଣାଓ୍ବତଙ୍କ ନୂଆ ଫିଲ୍ମ ପଙ୍ଗା ରିଲିଜ ହୋଇଥିବାବେଳେ ଏହାକୁ ଦର୍ଶକ ପସନ୍ଦ କରିବା ସହ ଟୁଇଟରରେ ଭଲ ରେସପନ୍ସ ଦେଇଛନ୍ତି ।

ପଙ୍ଗା ଫିଲ୍ମ ରିଭ୍ୟୁ: ପୁଣି ଏକ ଜବରଦସ୍ତ ଫିଲ୍ମ ସହ ହୃଦୟ ଜିତିଲେ କଙ୍ଗନା ରାଣାଓ୍ବତ, ଟୁଇଟ୍ କରି ପ୍ରଶଂସା କଲେ ଦର୍ଶକ
ପଙ୍ଗା ଫିଲ୍ମର ପୋଷ୍ଟର
  • News18 Odia
  • Last Updated: January 24, 2020, 3:41 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ବଲିଉଡ଼ ଅଭିନେତ୍ରୀ କଙ୍ଗନା ରାଣାଓ୍ବତ ବିଗତ କିଛିଦିନ ଧରି ନିଜ ଫିଲ୍ମ ପଙ୍ଗାର ପ୍ରମୋସନ କରୁଥିବାବେଳେ ୨୪ ତାରିଖରେ ଏହି ଫିଲ୍ମ ରିଲିଜି ହୋଇ କଙ୍ଗନାଙ୍କ ଖୁସି କରିଥିବା ଜଣାପଡ଼ୁଛି । ପ୍ରଥମ ଦିନରେ ଫିଲ୍ମ ଦେଖିଥିବା ଲୋକମାନେ ପଙ୍ଗାର ରିଭ୍ୟୁ ଏବଂ ନିଜର ଅନୁଭୁତିକୁ ଟୁଇଟରରେ ସେୟାର କରିଛନ୍ତି । ଏହି ରିଭ୍ୟୁ ଅନୁସାରେ କଙ୍ଗନା ପୁଣିଥରେ ଦର୍ଶକଙ୍କ ହୃଦୟ ଜିତିବାରେ ସଫଳ ହୋଇଥିବା ଦେଖିବାକୁ ମିଳିଛି । ଲୋକମାନେ ଫିଲ୍ମ ସମ୍ପର୍କରେ ଟୁଇଟରରେ ପଜେଟିଭ୍ କମେଣ୍ଟ କରିଛନ୍ତି ।

କଙ୍ଗନାଙ୍କ ଗତ ଫିଲ୍ମ ଗୁଡ଼ିକୁ ଏତେଟା ଭଲ ରିଭ୍ୟୁ ମିଳିନଥିବାବେଳେ ଏହି ଫିଲ୍ମକୁ ଭଳ ରେସପନ୍ସ ମିଳିବା କଙ୍ଗନାଙ୍କ ପାଇଁ ଖୁସି ଆଣିଛି । ଫିଲ୍ମ ଦେଖିବାପରେ ଜଣେ ଦର୍ଶକ ଟୁଇଟରରେ କମେଣ୍ଟ କରି ଲେଖିଛନ୍ତି ଯେ, ‘ଆମର କୁଇନ କଙ୍ଗନା ପୁଣିଥରେ କମାଲ କରିଦେଇଛନ୍ତି । ଫିଲ୍ମକୁ କ୍ରିଟିକ୍ସମାନେ ବି ଏହି ଫିଲ୍ମରେ କଙ୍ଗନାଙ୍କର ଚମତ୍କାର ଅଭିନୟରେ ମୋହିତ ହୋଇସାରିଲେଣି । ପଙ୍ଗାକୁ ରିଭ୍ୟୁରେ ୫ରୁ ୪ଷ୍ଟାର ମିଳୁଥିବା ଦେଖାଯାଉଛି ।

ସେହିପରି କଙ୍ଗନାଙ୍କ ଫିଲ୍ମ ଦେଖି ଆଉଜଣେ ୟୁଜର ଲେଖିଛନ୍ତି ‘‘ ଫିଲ୍ମ ଜବରଦସ୍ତ ହୋଇଛି ଏବଂ ଏହା ବହୁତ ସହଜରେ ୧୦୦କୋଟି ଟଙ୍କା ପାର କରିବ । ଏହି ଫିଲ୍ମରେ ସମସ୍ତ ମହିଳା କଙ୍ଗନାଙ୍କ ଭିତରେ ନିଜକୁ ଦେଖିପାରିବେ । ଏତେ ସୁନ୍ଦର ଭାବେ କେବଳ କଙ୍ଗନା ହିଁ ଏହାକୁ କରିପାରିଥାନ୍ତେ । ଯାଆନ୍ତୁ ଏବଂ ଫିଲ୍ମ ପଙ୍ଗାକୁ ଦେଖନ୍ତୁ‘‘ । ଆଉଜଣେ ଦର୍ଶକ ଫିଲ୍ମ ଉପରେ କମେଣ୍ଟ କରି ଲେଖିଛନ୍ତ ଯେ, ‘‘କଙ୍ଗନା ରାଣାଓ୍ବତ ଜୟାଙ୍କ ଭଳି ବଞ୍ଚିଛନ୍ତି । ଫିଲ୍ମରେ ନିଜର ପିଲାମାନଙ୍କ ପାଇଁ ନିରନ୍ତର ଚିନ୍ତା କରିବା ସତ ଭଳି ଲାଗୁଛି ଏବଂ ନିଜ ପସନ୍ଦର ଖେଳ ଖେଳିବାବେଳେ ସେ ପ୍ରକୃତରେ ଖୁସିଥିବା ଦେଖିବାକୁ ମିଳୁଛି । ଏହି ଫିଲ୍ମରେ ସେ କୌଣସି ମେକଅପ୍ କରିନାହାନ୍ତି । ଫିଲ୍ମପାଇଁ ତାଙ୍କର ଶାରୀରିକ ପରିବର୍ତ୍ତନ ପ୍ରକୃତରେ ଅବିଶ୍ବସନୀୟ କରିଦେବାଭଳି‘‘ । ମୋଟାମୋଟି ଭାବେ ଫିଲ୍ମରେ କଙ୍ଗନାଙ୍କ ଆକ୍ଟିଂ ଏବଂ କାହାଣୀକୁ ଦିର୍ଶକ ପସନ୍ଦ କରିଛନ୍ତି ।

ଫିଲ୍ମରେ କଙ୍ଗନା ଏକ ଏଭଳି ବାଳିକାର ଭୂମିକା ନିର୍ବାହ କରିଛନ୍ତି ଯିଏ ଅନ୍ୟ ସାଧାରଣ ମହିଳାଙ୍କ ଭଳି କିନ୍ତୁ ଏଥିରେ ନିଜର ସ୍ବପ୍ନ ପୁରଣ କରିବା ପାଇଁ ମଧ୍ୟ କାମ କରୁଛନ୍ତି । ଫିଲ୍ମରେ କଙ୍ଗନାଙ୍କ ଛଡ଼ା ଅଭିନେତ୍ରୀ ନିନା ଗୁପ୍ତା ଏବଂ ପଞ୍ଜାବୀ ଗାୟକ ଏବଂ ଅଭିନେତା ଜସ୍ସି ଗିଲ୍ ଅଛନ୍ତି ।
First published: January 24, 2020, 3:41 PM IST