ସ୍ତ୍ରୀ ମାନ୍ୟତାଙ୍କ ଜନ୍ମ ଦିନରେ ରୋମାଣ୍ଟିକ୍ ଭିଡିଓ ପୋଷ୍ଟ କରି ଶୁଭେଚ୍ଛା ଜଣାଇଲେ ସଞ୍ଜୟ ଦତ୍ତ

ସଞ୍ଜୟ ଦତ୍ତ (Sanjay Dutt) ପତ୍ନୀ ମାନ୍ୟତାଙ୍କ ପାଇଁ ଲେଖିଛନ୍ତି, ‘‘ତୁମେ ଆମ ପରିବାରର ମେରୁଦଣ୍ଡ ଓ ମୋ’ ଜୀବନର ଆଲୋକ । ତୁମେ ମୋ ପାଇଁ କ’ଣ ତାହା ମୁଁ ଶବ୍ଦରେ ପ୍ରକାଶ କରିପାରିବି ନାହିଁ । ହେଲେ ତୁମେ ମୋ’ ମନ କଥା ଜାଣିଛ।’’

ସ୍ତ୍ରୀ ମାନ୍ୟତାଙ୍କ ଜନ୍ମ ଦିନରେ ରୋମାଣ୍ଟିକ୍ ଭିଡିଓ ପୋଷ୍ଟ କରି ଶୁଭେଚ୍ଛା ଜଣାଇଲେ ସଞ୍ଜୟ ଦତ୍ତ
ପତ୍ନୀ ମାନ୍ୟତାଙ୍କୁ ସ୍ପେଶାଲ ଅନ୍ଦାଜରେ ବର୍ଥ ୱିଶ୍ କଲେ ସଞ୍ଜୟ ଦତ୍ତ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ବଲିଉଡର ସଞ୍ଜୁ ବାବା ତଥା ସଞ୍ଜୟ ଦତ୍ତ (Sanjay Dutt)ଙ୍କ ପତ୍ନୀ ମାନ୍ୟତା ଦତ୍ତ (Maanayata Dutt)ଙ୍କ ଆଜି ହେଉଛି ୪୩ତମ ଜନ୍ମ ଦିନ । ସୋସିଆଲ ମିଡ଼ିଆରେ ତାଙ୍କ ପାଇଁ ଛୁଟୁଛି ଫ୍ୟାନ୍ସଙ୍କ ଶୁଭେଚ୍ଛାର ସୁଅ  । ହେଲେ ପତ୍ନୀଙ୍କ ବର୍ଥଡେ ସ୍ପେଶାଲ କରିବା ପାଇଁ ସୋସିଆଲ ମିଡ଼ିଆରେ ସ୍ପେଶାଲ ପୋଷ୍ଟ ଶେୟାର କରି ଚର୍ଚ୍ଚାରେ ସଞ୍ଜୟ ।

ସେ ନିଜ ଇନଷ୍ଟାଗ୍ରାମରେ ପତ୍ନୀଙ୍କ ସହ ଏକ ରୋମାଣ୍ଟିକ୍ ଭିଡିଓ ଶୋୟାର କରି ଲେଖିଛନ୍ତି, ‘‘ତୁମେ ଆମ ପରିବାରର ମେରୁଦଣ୍ଡ ଓ ମୋ ଜୀବନର ଆଲୋକ  । ତୁମେ ମୋ ପାଇଁ କ’ଣ ତାହା ମୁଁ ଶବ୍ଦରେ ପ୍ରକାଶ କରିପାରିବି ନାହିଁ । ହେଲେ ତୁମେ ମୋ’ ମନ କଥା ଜାଣିଛ । ମତେ ସବୁବେଳେ ସମର୍ଥନ କରିଥିବାରୁ ଓ ମୋ’ ସାଥିରେ ଠିଆ ହୋଇଥିବାରୁ ଧନ୍ୟବାଦ । ଜନ୍ମ ଦିନର ଅଭିନନ୍ଦନ ।’’

ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ୍ ହେଉଥିବା ସଞ୍ଜୟଙ୍କ ଏହି ଭିଡିଓର ବ୍ୟାକଗ୍ରାଉଣ୍ଡରେ ତାଙ୍କ ଅଭିନୀତ ଫିଲ୍ମ ‘ବାସ୍ତବ’ (Vastav)ର ଗୀତ ‘ମେରି ଦୁନିଆ ହେଁ ତୁଝମେ କହିଁ’ ଶୁଣିବାକୁ ମିଳୁଛି  ।








View this post on Instagram






A post shared by Sanjay Dutt (@duttsanjay)






ସଞ୍ଜୟ ସବୁ ବର୍ଷ ମାନ୍ୟତାଙ୍କୁ ସୋସିଆଲ ମିଡ଼ିଆରେ ଜନ୍ମ ଦିନର ଶୁଭେଚ୍ଛା ଜଣାଆନ୍ତି  । ସଞ୍ଜୟଙ୍କୁ ବିବାହ କରିବା ପୂର୍ବରୁ ମାନ୍ୟତା ବଲିଉଡରେ ଆଉଟମ୍ ଗୀତରେ ଡ୍ୟାନ୍ସ କରୁଥିଲେ  । ବଲିଉଡରେ ସେ କ୍ୟାରିୟର ଆରମ୍ଭ କରିବା ସମୟରେ ସାରା ଖାନଙ୍କ ନାମରେ ଚର୍ଚ୍ଚିତ ଥିଲେ । ରିପୋର୍ଟ ଅନୁଯାୟୀ ସଞ୍ଜୟ ଓ ମାନ୍ୟତାଙ୍କୁ ଏକାଠି ସାକ୍ଷାତ କରାଇଥିଲେ ଫିଲ୍ମ ନିର୍ମାତା ନିତିନ ମନମୋହନ (Nitin Manmohan), ଯାହା ପରଠୁ ଦୁହେଁ ପରସ୍ପରକୁ ଭଲ ପାଇ ବସିଥିଲେ  ।

ସଞ୍ଜୟଙ୍କୁ ଭେଟିବା ପରେ ମାନ୍ୟତା ତାଙ୍କ ପାଇଁ ସବୁ ଦିନ ହାତ ରନ୍ଧା ଖାଦ୍ୟ ସେଟକୁ ଆଣୁଥିଲେ । ୨୦୦୮ ଫେବୃଆରୀରେ ଦୁହେଁ ହିନ୍ଦୁ ବିଧିବିଧାନ ଅନୁଯାୟୀ ବିବାହ ବନ୍ଧନରେ ଆବଦ୍ଧ ହୋଇଥିଲେ । ହେଲେ ସଞ୍ଜୟଙ୍କ ପରିବାର ସଦସ୍ୟ ଏହି ବିବାହ ଉତ୍ସବରେ ଯୋଗ ଦେଇନଥିଲେ  ।

ମାନ୍ୟତାଙ୍କ ପୂର୍ବରୁ ସଞ୍ଜୟ, ରିଚା ଶର୍ମାଙ୍କୁ ବିବାହ କରିଥିଲେ, ଯିଏ ବିବାହର ୨ ବର୍ଷ ପରେ ମସ୍ତିଷ୍କ ଟ୍ୟୁମରରେ ମତ୍ୟୁ ବରଣ କରିଥିଲେ । ସଞ୍ଜୟ ଓ ରିଚାଙ୍କ ଝିଅ ତ୍ରିଶଳା ଦତ୍ତ ନ୍ୟୁୟର୍କରେ ରୁହନ୍ତି ।
Published by: Lipina Das
First published: July 22, 2021, 2:55 PM IST