‘ସୁରମା ଭୋପାଳୀ’ ଜଗଦୀପ ଆଉ ନାହାନ୍ତି; ୮୧ ବର୍ଷ ବୟସରେ ଦୁନିଆ ଛାଡ଼ିଲେ ହାସ୍ୟ ଅଭିନେତା

News18 Odia Digital

ମୁମ୍ବାଇ: ବଲିଉଡର ପ୍ରସିଦ୍ଧ ଅଭିନେତା ଜଗଦୀପ (Jagdeep) ଦୁନିଆକୁ ବିଦାୟ ଦେଇଛନ୍ତି । ସେ ୮୧ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କର ପୂରା ନାଁ ଥିଲା ସୟଦ ଇଶ୍ତିଆକ୍ ଅହମ୍ମଦ ଜାଫ୍ରି (Syed Ishtiaq Ahmed Jafri)। ତାଙ୍କର ଦୁଇ ପୁଅ ଅଛନ୍ତି – ଜାଭେଦ୍ ଜାଫ୍ରି ଓ ନାଭେଦ୍ । ଫିଲ୍ମ ଶୋଲେରେ (Sholay) ଜଗଦୀପଙ୍କ ‘ସୁରମା ଭୋପାଳୀ’ ଚରିତ୍ରକୁ କେହି ଭୁଲି ପାରିବେ ନାହିଁ । ୪୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିବା ଜଗଦୀପଙ୍କ ମୃତ୍ୟୁ ଖବରରେ ବଲିଉଡରେ ଶୋକର ଲହରୀ ଖେଳିଯାଇଛି ।

ଗତ କିଛି ଦିନ ଧରି ବଲିଉଡ ପାଇଁ ଗୋଟିଏ ପରେ ଗୋଟିଏ ଦୁଃଖଦ ସମ୍ବାଦ ଆସିଛି । ଗତ କିଛି ମାସ ମଧ୍ୟରେ ବଲିଉଡ ଇରଫାନ ଖାନ, ଋଷି କପୁର, ସରୋଜ ଖାନ ଓ ସୁଶାନ୍ତ ସିଂ ରାଜପୁତଙ୍କ ଭଳି ତାରକା ହରାଇଛି ।

ପ୍ରସିଦ୍ଧ କମେଡି ଅଭିନେତା ଜଗଦୀପଙ୍କ ଦେହାନ୍ତରେ ଦୁଃଖ ପ୍ରକାଶ କରି ଅଭିନେତା ଅଜୟ ଦେବଗନ (Ajay Devgan) ଟ୍ୱିଟ କରି କହିଛନ୍ତି: ‘‘ତାଙ୍କୁ ପରଦାରେ ଦେଖି ସବୁ ବେଳେ ମଜା ଲାଗୁଥିଲା। ସେ ଦର୍ଶକଙ୍କ ପାଇଁ ଖୁସି ଆଣିଥିଲେ । ଜାଭେଦ୍ ଓ ତାଙ୍କ ପରିବାର ପ୍ରତି ମୋର ଗଭୀର ସମବେଦନା । ଜଗଦୀପ ସାହେବଙ୍କ ଆତ୍ମା ​​ପାଇଁ ପ୍ରାର୍ଥନା ।’’

Heard the sad news of Jagdeep Saab’s demise. Always enjoyed watching him on screen. He brought so much joy to the audience. My deepest condolences to Jaaved and all members of the family. Prayers for Jagdeep Saab’s soul🙏

— Ajay Devgn (@ajaydevgn) July 8, 2020

ଫିଲ୍ମ ନିର୍ଦ୍ଦେଶକ ମଧୁର ଭଣ୍ଡାରକର ଟୁଇଟ୍ କରି କହିଛନ୍ତି, ‘‘ସାତ ଦଶନ୍ଧି ଧରି ଆମ ସମସ୍ତଙ୍କର ମନୋରଞ୍ଜନ କରିବା ପରେ ଜଗଦୀପ ସାହେବଙ୍କର ଦେହାନ୍ତ ହୋଇଛି । ଏହା ଅତ୍ୟନ୍ତ ଦୁଃଖଦାୟକ । ଜାଭେଦ୍, ନାଭେଦ୍ ଓ ସମଗ୍ର ଜାଫ୍ରି ପରିବାର ସହ ମୋ’ର ସମବେଦନା ରହିଛି।’’

ଚଳଚ୍ଚିତ୍ର ଅଭିନେତା ଅନୁପମ ଖେର ଓ ମଧ୍ୟ ପ୍ରଦେଶ ମୁଖ୍ୟ ମନ୍ତ୍ରୀ ଶିବରାଜ ସିଂ ଚୌହାନ ବି ଜଗଦୀପଙ୍କୁ ମନେ ପକାଇଛନ୍ତି ।

एक और सितारा ज़मीन से आसमान में जा पहुँचा।#Jagdeep साब हिंदी फ़िल्म जगत के एक बहुत ही बेहतरीन कलाकार थे। एक हास्य अभिनेता के नाते उनका कोई सानी नहीं था।एक पार्टी में बहुत साल पहले उन्होंने मुझसे कहा था,”बरखुरदार ! हँसना आसान है, हँसाना बहुत मुश्किल है!” आपकी कमी बहुत खलेगी।🙏 pic.twitter.com/48yF0gu9uv

— Anupam Kher (@AnupamPKher) July 8, 2020

फिल्म ‘अफ़साना’ में बाल कलाकार के रूप में अपने फ़िल्मी कैरियर की शुरुआत कर ‘शोले’, ‘अन्दाज अपना अपना’ समेत 400 से अधिक फ़िल्मों में हमारा दिल जीतने वाले सय्यद इश्तियाक अहमद जाफरी उर्फ जगदीप जी आज हमारे बीच नहीं रहे। बस एक बात कहना चाहूँगा ‘आपका नाम सूरमा भोपाली एसे ही नहीं था’। pic.twitter.com/B1Nux7r9jY

— Shivraj Singh Chouhan (@ChouhanShivraj) July 8, 2020

ଜଗଦୀପଙ୍କ ଚଳଚ୍ଚିତ୍ର ଯାତ୍ରା

ଜଗଦୀପ ୧୯୫୧ ମସିହାରେ ବି.ଆର ଚୋପ୍ରାଙ୍କ ଫିଲ୍ମ ‘ଅଫସାନା’ରୁ ନିଜ ଚଳଚ୍ଚିତ୍ର କରିୟର ଆରମ୍ଭ କରିଥିଲେ । ସେ ୪୦୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଛନ୍ତି । ଜଣାଶୁଣା ହାସ୍ୟ ଅଭିନେତା ଜଗଦୀପଙ୍କୁ ଶେଷ ଥର ପାଇଁ ୨୦୧୨ର ଚଳଚ୍ଚିତ୍ର ‘ଗଲି ଗଲି ଚୋର ହୈ’ରେ ଦେଖିବାକୁ ମିଳିଥିଲା । ‘ଶୋଲେ’ ଫିଲ୍ମ ବ୍ୟତୀତ ସେ ‘ଖୁନି ପଞ୍ଜା’, ‘ହମ୍ ପଞ୍ଛୀ ଏକ ଡାଲ୍ କେ’, ‘ଅନ୍ଦାଜ୍ ଅପନା ଅପନା’, ‘ଦୋ ବୀଘା ଜମିନ୍’, ‘ଆର୍‌ ପାର୍’, ‘ଫୁଲ ଔର କାଣ୍ଟେ’, ‘କୁର୍ବାନୀ’, ‘ପୁରାନା ମନ୍ଦିର’ ଓ ‘କାଲୀ ଘଟା’ ଭଳି ଚଳଚ୍ଚିତ୍ରରେ ମଧ୍ୟ କାମ କରିଥିଲେ ।

ଏହା ବି ପଢ଼ନ୍ତୁ: ଜୁଲାଇ ୩୧ ସୁଦ୍ଧା ଝିଅ ନାଁରେ ଖାତା ଖୋଲନ୍ତୁ; ସେ ୨୧ ବର୍ଷର ହେଲେ ୬୪ ଲକ୍ଷ ଟଙ୍କା ଆକାଉଣ୍ଟରେ ଥିବ