ମହିଳାଙ୍କୁ ଦୁର୍ବ୍ୟବହାର କରୁଛନ୍ତି ବିଜେପି ନେତା ଶ୍ରୀକାନ୍ତ ତ୍ୟାଗୀ; ଭିଡ଼ିଓ ହେଲା ଭାଇରାଲ

News18 Odia Digital

ନଏଡାର ଗ୍ରାଣ୍ଡ omex ସୋସାଇଟିରେ ବିଜେପି ନେତା ଶ୍ରୀକାନ୍ତ ତ୍ୟାଗୀଙ୍କ ଏକ ଭିଡ଼ିଓ ଭାଇରାଲ ହେବାରେ ଲାଗିଛି ଯେଉଁଥିରେ ସେ ମହିଳାଙ୍କୁ ଅସଦାଚରଣ କରୁଥିବା ଦେଖିବାକୁ ମିଳିଛି। ବିଜେପି ନେତା ମହିଳାଙ୍କ ସହ ଝଗଡ଼ା କରିବାକୁ ଚେଷ୍ଟା କରିଥିଲେ। ମହିଳାଙ୍କୁ ଦୁର୍ବ୍ୟବହାର ଓ ନିର୍ଯାତନା ଅଭିଯୋଗରେ ବିଜେପି ନେତା ଶ୍ରୀକାନ୍ତ ତ୍ୟାଗୀଙ୍କ ବିରୋଧରେ ଧାରା ୩୫୪ ଏକ ମାମଲା ରୁଜୁ ହୋଇଛି।

ଏହି ଘଟଣା ନଏଡା ସେକ୍ଟର ୯୩ ରେ  ଥିବା ଓମେକ୍ସ ସୋସାଇଟିର। କୁହାଯାଉଛି ଯେ ଗଛ ଲଗାଇବାକୁ ନେଇ ମହିଳା ଓ ବିଜେପି ନେତାଙ୍କ ମଧ୍ୟରେ ବିବାଦ ଲାଗି ରହିଥିଲା। ଭିଡ଼ିଓରେ ଏଥିରୁ ସ୍ପଷ୍ଟ ଜଣାପଡୁଛି ଯେ ଶ୍ରୀକାନ୍ତ ତ୍ୟାଗୀ କେବଳ ମହିଳାଙ୍କ ସହ ଅସଦାଚରଣ କରୁ ନାହାଁନ୍ତି ବରଂ ସେ ତାଙ୍କୁ ଗାଳିଗୁଲଜ କରିବାକୁ ମଧ୍ୟ ଚେଷ୍ଟା କରିଥିଲେ।

ଜଣେ ମହିଳାଙ୍କ ଝଗଡ଼ା ଓ ନିର୍ଯାତନା ଦେଉଥିବା ଏହି ଭିଡ଼ିଓ ଭାଇରାଲ ହୋଇଛି। ଏହି ଭିଡ଼ିଓରେ ଶ୍ରୀକାନ୍ତ ତ୍ୟାଗୀ ଜଣେ ମହିଳାଙ୍କୁ ଖୋଲାଖୋଲି ଭାବେ ଅସଦାଚରଣ କରୁଥିବା ଦେଖିବାକୁ ମିଳିଛି। ସେ ମଧ୍ୟ ମହିଳାଙ୍କୁ ଠେଲିବାକୁ ଚେଷ୍ଟା କରିଥିଲେ।

ପୋଲିସ କମିଶନର ଆଲୋକ ସିଂଙ୍କ ଅନୁଯାୟୀ ମହିଳାଙ୍କ ସହ ଅସଦାଚରଣର ଏକ ଭିଡ଼ିଓ ସାମ୍ନାକୁ ଆସିଛି। ଏହି ପ୍ରସଙ୍ଗରେ ତୁରନ୍ତ ରିପୋର୍ଟ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଛି। ଶ୍ରୀକାନ୍ତ ତ୍ୟାଗୀଙ୍କୁ ଗିରଫ କରିବା ପାଇଁ ଏକ ପୋଲିସ ଟିମ୍ ଗଠନ କରାଯାଇଛି।