'BJP-RSS ଯୋଗୁଁ ମୁଁ ଶକ୍ତିଶାଳୀ ହୋଇପାରିଛି'; ବିରୋଧୀ ଦଳକୁ ରାହୁଲ ଗାନ୍ଧିଙ୍କ ପ୍ରଶଂସା

News18 Odia Digital

ନୂଆ ଦିଲ୍ଲୀ: କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧି ଏକ ସାମ୍ବାଦିକ ସମ୍ମିଳନୀରେ ତାଙ୍କ ବିରୋଧୀଙ୍କୁ ପ୍ରଶଂସା କରି କହିଛନ୍ତି। ବିଜେପି ଓ ଆରଏସଏସ ମୋତେ ବିରୋଧ କରୁଛନ୍ତି,କିନ୍ତୁ ମୋର ଆପତ୍ତି ନାହିଁ। ସେ ମୋର ଗୁରୁ ପରି।  ଯେତେବେଳେ ସେମାନେ ମୋତେ ଟାର୍ଗେଟ କରନ୍ତି, ମୁଁ ଅଧିକ ଶକ୍ତିଶାଳୀ ହୁଏ। ସେମାନେ ଭଲ ତାଲିମ ଦେଉଛନ୍ତି। ବିଜେପିର ଟାର୍ଗେଟରୁ ମୁଁ ଉପକୃତ ହୋଇଛି।

ରାହୁଲ ଗାନ୍ଧି କହିଛନ୍ତି, 'ମୁଁ ବିଶେଷ ଭାବରେ ଆରଏସଏସ ଏବଂ ବିଜେପିର ଲୋକଙ୍କୁ ଧନ୍ୟବାଦ ଦେଉଛି କାରଣ ସେମାନେ ଯେତେ ଟାର୍ଗେଟ କରିବେ, ଆମକୁ ସଂସ୍କାର କରିବାର ସୁଯୋଗ ମିଳିବ। ମୁଁ ଚାହୁଁଛି ସେମାନେ ଅଧିକ ଜୋର ଟାର୍ଗେଟ କରନ୍ତୁ ଯାହା ଦ୍ୱାରା କଂଗ୍ରେସ ଦଳ ସେମାନଙ୍କ ଆଦର୍ଶ ଭଲ ଭାବରେ ବୁଝିବେ।

मैं खासतौर से RSS और BJP के लोगों को धन्यवाद करता हूं क्योंकि जितना वे आक्रमण करते हैं उतना हमें सुधार करने का मौका मिलता है। मैं चाहता हूं कि वे और ज़ोर से करें जिससे कांग्रेस पार्टी को अपनी विचारधारा अच्छे से समझ आए: कांग्रेस सांसद राहुल गांधी (1/2) pic.twitter.com/grAjhrsCNB

— ANI_HindiNews (@AHindinews) December 31, 2022

ଘୃଣା ଏବଂ ହିଂସା ବିରୋଧରେ ଭାରତ ଯୋଡ ଯାତ୍ରା ଆରମ୍ଭ ହୋଇଛି।  ଆମକୁ ଭାରତ ଯୋଡ ଯାତ୍ରାରୁ ବହୁତ କିଛି ଶିଖିବାକୁ ମିଳିଛି। ଏଥି ସହ ବିରୋଧୀ ଦଳର ଜଣେ ନେତାଙ୍କ ସହ ଜଡିତ ଏକ ପ୍ରଶ୍ନର ଉତ୍ତରରେ ରାହୁଲ ଗାନ୍ଧି କହିଛନ୍ତି -ବିରୋଧୀ ଦଳର ନେତାମାନେ ଆମ ସହ ଛିଡା ହୋଇଛନ୍ତି ଓ ଆମେ ଏହା ଜାଣୁ।  ଯେଉଁମାନେ ଭାରତକୁ ସଂଯୋଗ କରିବାକୁ ଚାହୁଁଛନ୍ତି ସେମାନଙ୍କ ପାଇଁ ଭରତ ଯୋଡ ଦ୍ୱାର ଖୋଲା ଅଛି। ଆମେ କାହାକୁ ଆସିବାକୁ ଅଟକାଇବୁ ନାହିଁ।  ମାୟାବତୀ ଜି ଏବଂ ଅଖିଲେଶ ଜି ମଧ୍ୟ ଭାରତରେ ପ୍ରେମ ଚାହାଁନ୍ତି, ଘୃଣା ନୁହେଁ।

मैं उनको अपना गुरु मानता हूं कि वह मुझे रास्ता दिखा रहे हैं कि क्या करना चाहिए और क्या नहीं और अच्छी ट्रेनिंग दे रहे हैं: कांग्रेस सांसद राहुल गांधी (2/2) pic.twitter.com/kOf9cWxTZ7

— ANI_HindiNews (@AHindinews) December 31, 2022

ଏକ ପ୍ରଶ୍ନର ଉତ୍ତରରେ ରାହୁଲ ଗାନ୍ଧି କହିଛନ୍ତି ଯେ ବିଜେପି ସହ ଆମର ବିଚାରଧାରାର ପୁରୁଣା ଲଢେଇ ଅଛି। ଆମେ ଏହି ଯୁଦ୍ଧରେ ଜିତିବା। ସେ ଆହୁରି ମଧ୍ୟ କହିଛନ୍ତି ଯେ ବିଜେପି ଲୋକଙ୍କ ପାଖରେ ଟଙ୍କା ଏବଂ ପାଣ୍ଠିର ଅଭାବ ନାହିଁ। ସେମାନେ ଅଭିଯାନ ଚଳାନ୍ତି। କୌଣସି ଅଭିଯାନ ସତ୍ୟକୁ ଲୁଚାଇ ପାରିବ ନାହିଁ। ମୋ ପ୍ରତିଛବିକୁ ଖରାପ କରିବା ପାଇଁ ସେମାନେ ନିଶ୍ଚିତ ଭାବରେ ୫-୬ କୋଟି ଖର୍ଚ୍ଚ କରିଥିବେ, ସେମାନେ ହୁଏତ ଟିକେ ଅଧିକ ଖର୍ଚ୍ଚ କରିପାରିବେ, କିନ୍ତୁ ଏହାର କୌଣସି ପ୍ରଭାବ ନାହିଁ।