ବଡ ଖବର: ଦୁଇ ଜଣ ଦକ୍ଷିଣ ଆଫ୍ରିକାର ଖେଳାଳି କରୋନା ଭୂତାଣୁରେ ସଂକ୍ରମିତ ହେଲେ

ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡ ସୁକୁକଜାରେ ଚାଲିଥିବା କ୍ରିକେଟ ଦଳର ଶିବିର ପୂର୍ବରୁ ସମସ୍ତ ଖେଳାଳିଙ୍କ କରୋନା ପରୀକ୍ଷା କରିଥିଲା । ଅଗଷ୍ଟ ୧୮ ତାରିଖ ଠାରୁ ସୁକୁକଜାରେ ଆରମ୍ଭ ହୋଇଥିବା ଏହି ଶିବିର ଯାହା ୨୨ ଅଗଷ୍ଟ ପର୍ଯ୍ୟନ୍ତ ଚାଲିବ ।

ଦକ୍ଷିଣ ଆଫ୍ରିକାର ଦୁଇ ଖେଳାଳି କରୋନା ପଜିଟିଭ

ଦକ୍ଷିଣ ଆଫ୍ରିକାର ଦୁଇ ଖେଳାଳି କରୋନା ପଜିଟିଭ

  • Share this:
News18 Odia Digital
ନୂଆଦିଲ୍ଲୀ: ଆନ୍ତର୍ଜାତୀୟ କ୍ରିକେଟ୍ ବର୍ତ୍ତମାନ ଧୀରେ ଧୀରେ ଖୋଲିବାରେ ଲାଗିଛି । କାରିବିଆନ୍ ପ୍ରିମିୟର ଲିଗ୍ (CPL) ଟୁର୍ଣ୍ଣାମେଣ୍ଟ ଆରମ୍ଭ ହୋଇଥିବା ବେଳେ ଖୁବ୍ ଶୀଘ୍ର ଆଇପିଏଲ୍(IPL) ର ବିଗୁଲ ମଧ୍ୟ ବାଜିବାକୁ ଯାଉଛି । ଅନ୍ୟପକ୍ଷରେ କ୍ରିକେଟ୍ ଖେଳାଳିମାନେଏହି ସମୟରେ କରୋନା ଭୂତାଣୁ ଦ୍ୱାରା ଆକ୍ରାନ୍ତ ହେଉଛନ୍ତି । ଦକ୍ଷିଣ ଆଫ୍ରିକା ଦଳର ଏକ କ୍ୟାମ୍ପରୁ ବଡ଼ ଖବର ଆସିଛି । ଯାହାର ଦୁଇ ଖେଳାଳି କରୋନା ଭୂତାଣୁରେ ଆକ୍ରାନ୍ତ ହୋଇଛନ୍ତି । ଗୁରୁବାର ଦିନ  ଦକ୍ଷିଣ ଆଫ୍ରିକା  କ୍ରିକେଟ୍ ଏହି ସୂଚନା ଗଣମାଧ୍ୟମ ସହ ସେୟାର କରିଛି । ତେବେ ବୋର୍ଡ କରୋନା ଭୂତାଣୁରେ ଆକ୍ରାନ୍ତ ହୋଇଥିବା ଖେଳାଳିଙ୍କ ନାମ ପ୍ରକାଶ କରିନାହିଁ । କ୍ରିକେଟ୍ ଦକ୍ଷିଣ ଆଫ୍ରିକା ଖେଳାଳି ଓ ସପୋର୍ଟ ଷ୍ଟାଫଙ୍କୁ ମିଶାଇ ୫୦ ଜଣଙ୍କ କରୋନା ପରୀକ୍ଷା କରିଥିଲା । ସେଥିମଧ୍ୟରୁ ଦୁଇଜଣ ଖେଳାଳି କରୋନା ପଜିଟିଭ ବୋଲି ଜଣାପଡିଛି ।

ଦକ୍ଷିଣ ଆଫ୍ରିକାର ତାଲିମ ଶିବିର ପୂର୍ବରୁ ହୋଇଥିଲା କରୋନା ପରୀକ୍ଷା
ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡ ସୁକୁକଜାରେ ଚାଲିଥିବା କ୍ରିକେଟ ଦଳର ଶିବିର ପୂର୍ବରୁ ସମସ୍ତଙ୍କ କରୋନା ପରୀକ୍ଷା କରିଥିଲା । ଯେଉଁଥିରେ ଦୁଇଜଣ ଖେଳାଳି ସକରାତ୍ମକ ହୋଇଥିଲେ । ଅଗଷ୍ଟ ୧୮ ତାରିଖ ଠାରୁ ସୁକୁକଜାରେ ଆରମ୍ଭ ହୋଇଥିବା ଏହି ଶିବିର ଯାହା ୨୨ ଅଗଷ୍ଟ ପର୍ଯ୍ୟନ୍ତ ଚାଲିବ । କରୋନା ପଜିଟିଭ୍ ଥିବା ଦୁଇ ଖେଳାଳିଙ୍କୁ ଅଲଗା ରଖାଯାଇଛି ।

ଦକ୍ଷିଣ ଆଫ୍ରିକା କ୍ରିକେଟ୍ ବୋର୍ଡ ଖେଳ ସମୟରେ ନିଆଯିବାକୁ ଥିବା ସତର୍କତାକୁ ଦୃଷ୍ଟିରେ ରଖି ଖେଳାଳିଙ୍କଠାରୁ କରୋନା ଭୂତାଣୁକୁ ଦୂରରେ ରଖିବା ପାଇଁ ଏହି ଶିବିର କରିଛି । ଯେଉଁ ଖେଳାଳିମାନେ ଏହି ଶିବିରରେ ଯୋଗ ଦେଇପାରିନଥିଲେ ସେମାନଙ୍କୁ ଭର୍ଚୁଆଲ୍ ମିଡିଆ ମାଧ୍ୟମରେ ଏହା ବିଷୟରେ କୁହାଯିବ । ଖବର ଅନୁଯାୟୀ, ପୂର୍ବତନ ଅଧିନାୟକ ଫାଫ୍ ଡୁପ୍ଲେସି ଓ ଥିଉନିସ୍ ଡ଼ି ବ୍ରୟୁନ ଏହି ଶିବିରରେ ଯୋଗ ଦେଇନଥିଲେ । ଡୁପ୍ଲେସି ଦ୍ୱିତୀୟ ଥର ପାଇଁ ପିତା ହୋଇଥିଲେ ଓ ପାରିବାରିକ କାରଣରୁ ଡ଼ି ବ୍ରୟୁନ ଏଥିରେ ଅଂଶଗ୍ରହଣ କରିପାରିନଥିଲେ ।

ଏହି ଖେଳାଳିମାନେ ଶିବିରରେ ଅଛନ୍ତି
ଆଡେନ ମାର୍କ୍ରାମ, ଆଣ୍ଡେଲ ଫେହୁଲୁକବାୟୋ, ଏନରିଚ୍ ନୋର୍ତଜେ, ବୁରେନ୍ ହେଣ୍ଡ୍ରିଗୁସ୍, ଫୋର୍ଟୁଇନ୍, ଡ଼ାରେନ୍ ଡୁପାଭିଲନ୍, ଡ଼େଭିଡ ମିଲର, ଡ଼ିନ ଏଲଗାର, ଡ଼ୱେନ ପ୍ରିଟୋରିଆ, ଜର୍ଜ ଲିଣ୍ଡେ, ଗ୍ଲେଣ୍ଟନ ଷ୍ଟୁରମାନ, ହେନ୍ରିଚ କ୍ଲାସେ, ଡେନ ମାଲାନ, ଜେ-ଜେ ସ୍ମୁଟ୍ସ, ଜୁନିୟରଡାଲା, କାଗିସୋ ରାବାଡା, କିଗାନ ପିଟରସନ, କେଶବ ମହାରାଜ, କାୟାଲ ଭିରେନ, ଲୁଙ୍ଗି ଏଙ୍ଗିଡି, ଲୁଥୋ ସିମ୍ପାଲା, ପିଟର ମାଲାନ, ପିଟ ଭାନ ବିଲଜନ, କ୍ୱିଣ୍ଟନ ଡି କକ, ରସି ଭାନ ଡେର ଡୁସାନ, ରେଜା ହେଣ୍ଡ୍ରିକ୍ସ, ରୁଡି ଦ୍ୱିତୀୟ, ସେନୁରାନ ମୁଥୁସାମି, ସିସଣ୍ଡା ମାଗାଲା, ଟାବ୍ରେଜ ଶାମସି, ଟେନବା ହାମୁମା, ଜୁବାନା ।

ମହିଳା ଖେଳାଳିଙ୍କ ଠାରେ ମଧ୍ୟ କରୋନା ପଜିଟିଭ୍ ମିଳିଥିଲା ​​
କ୍ରିକେଟ୍ ଦକ୍ଷିଣ ଆଫ୍ରିକା ମହିଳା କ୍ରିକେଟ୍ ଦଳ କ୍ୟାମ୍ପ ପୂର୍ବରୁ ସମାନ କରୋନା ପରୀକ୍ଷା କରିଥିଲା । ଯେଉଁଥିରେ ୩ ଜଣ ମହିଳା ଖେଳାଳିଙ୍କ ଠାରେ କରୋନା ପଜିଟିଭ୍ ଥିବା ଦେଖିବାକୁ ମିଳିଥିଲା ​​। ଜୁଲାଇରେ ଏହି ଶିବିର ଆୟୋଜିତ ହୋଇଥିଲା ।
Published by:Jagdish Barik
First published: