ଦୌଡ଼ି ଦୌଡ଼ି ନୂଆ ୱାର୍ଲ୍ଡ ରେକର୍ଡ କଲେ ଅଷ୍ଟ୍ରେଲିଆର ଏହି ମହିଳା; ଜାଣନ୍ତୁ ପୂରା କାହାଣୀ

ଅଷ୍ଟ୍ରେଲିଆର ବାସିନ୍ଦା ଏର୍ଚାନା ମୁରେ କେବଳ ଏକ ମାରାଥନରେ ଅଂଶଗ୍ରହଣ କରିନାହାଁନ୍ତି, ସେ ୧୦୭ ଦିନ ଧରି କ୍ରମାଗତ ଭାବରେ ମାରାଥନରେ ଅଂଶଗ୍ରହଣ କରିଆସୁଛନ୍ତି ଏବଂ ରେସକୁ ପୂରଣ ମଧ୍ୟ କରିଛନ୍ତି।

ଦୌଡ଼ି ଦୌଡ଼ି ନୂଆ ୱାର୍ଲ୍ଡ ରେକର୍ଡ କଲେ ଅଷ୍ଟ୍ରେଲିଆର ଏହି ମହିଳା

ଦୌଡ଼ି ଦୌଡ଼ି ନୂଆ ୱାର୍ଲ୍ଡ ରେକର୍ଡ କଲେ ଅଷ୍ଟ୍ରେଲିଆର ଏହି ମହିଳା

  • News18 Odia
  • Last Updated :
  • Cuttack, India
  • Share this:
News18 Odia Digital

ଅଷ୍ଟ୍ରେଲିଆ: ଦୁନିଆରେ ବିଭିନ୍ନ ପ୍ରକାରର ବିଶ୍ବ ରେକର୍ଡ ଅଛି, ଯାହା ବିଷୟରେ ଜାଣି ସାଧାରଣ ଲୋକ ଆଶ୍ଚର୍ଯ୍ୟ ହୁଅନ୍ତି। ବେଳେବେଳେ କେହି ଦୁନିଆର ସବୁଠାରୁ ବଡ଼ ବର୍ଗର ଖାଇ ବିଶ୍ୱ ରେକର୍ଡ ସୃଷ୍ଟି କରୁଥିବାବେଳେ କେହି ହ୍ୟାଙ୍ଗରରେ ପୋଷାକ ଟାଙ୍ଗି ଗିନିଜ ୱାର୍ଲ୍ଡ ରେକର୍ଡରେ ତାଙ୍କ ନାମ ସାମିଲ କରିବାରେ ସଫଳ ହେଉଛନ୍ତି।

ହେଲେ ଆପଣ କଦାପି ଭାବି ନଥିବେ ଯେ କିଛି ଖାଇବା କିମ୍ବା ହ୍ୟାଙ୍ଗରରେ ପୋଷାକ ଟାଙ୍ଗିବା ଦ୍ୱାରା ମଧ୍ୟ ଏକ ରେକର୍ଡ ତିଆରି କରାଯାଇପାରିବ, କିନ୍ତୁ ଯେଉଁମାନଙ୍କର ସ୍ୱତନ୍ତ୍ର ଚିନ୍ତାଧାରା ଅଛି, ସେମାନେ ଭାବନ୍ତି ଏବଂ କେବଳ ଭାବନ୍ତି ନାହିଁ ବରଂ ଏହା କରି ମଧ୍ୟ ଦେଖାନ୍ତି। ତାଙ୍କର ଏପରି ଅନନ୍ୟ ଚିନ୍ତାଧାରା ସହିତ ଜଣେ ମହିଳା ଏକ ମାରାଥନରେ ଦୌଡ଼ିବା ସହିତ ଏକ ସ୍ୱତନ୍ତ୍ର ବିଶ୍ୱ ରେକର୍ଡ ସୃଷ୍ଟି କରିଛନ୍ତି।

ଆଜ୍ଞା ହଁ, ଆପଣ ନିଶ୍ଚୟ ମାରାଥନ୍ ବିଷୟରେ ଶୁଣିଥିବେ। ଏହି ଦୌଡ଼ରେ ଅଂଶଗ୍ରହଣ କରିବା ଏକ ବଡ଼ କଥା ନୁହେଁ, କିନ୍ତୁ ଏହାକୁ ସମ୍ପୂର୍ଣ୍ଣ କରିବା ସମସ୍ତଙ୍କ ସାମର୍ଥ୍ୟର ବିଷୟ ନୁହେଁ, କାରଣ ମାରାଥନରେ ଲୋକଙ୍କୁ ଅନେକ କିଲୋମିଟର ଦୌଡ଼ିବାକୁ ପଡ଼େ। ତେବେ ଅଷ୍ଟ୍ରେଲିଆର ବାସିନ୍ଦା ଏର୍ଚାନା ମୁରେ ଆଦୌ ଭୟଭୀତ ହୋଇନଥିଲେ ଏବଂ ସେ କେବଳ ଏକ ମାରାଥନରେ ଅଂଶଗ୍ରହଣ କରିନଥିଲେ, ବରଂ ସେ ୧୦୭ ଦିନ ଧରି କ୍ରମାଗତ ଭାବରେ ମାରାଥନରେ ଅଂଶଗ୍ରହଣ କରିଥିଲେ ଏବଂ ରେସକୁ ପୂରଣ ମଧ୍ୟ କରିଥିଲେ। ଏହି ଅନନ୍ୟ କାର୍ଯ୍ୟ କରି ସେ ତାଙ୍କ ନାମ ଗିନିଜ ୱାର୍ଲ୍ଡ ରେକର୍ଡରେ ପଞ୍ଜିକୃତ କରିଛନ୍ତି।




ଖବର ଅନୁଯାୟୀ, ପୂର୍ବ ବିଶ୍ୱ ରେକର୍ଡ ବ୍ରିଟିଶ୍ ରନର୍ କେଟ୍ ଜେଡେନ ନାମରେ ନାମିତ ଥିଲା, ଯିଏ ୧୦୬ ମାରାଥନରେ ଦୌଡିଥିଲେ।

ଏର୍ଚାନା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ମଧ୍ୟ ସେୟାର କରିଛନ୍ତି ଯେଉଁଥିରେ ଦେଖିବାକୁ ମିଳୁଛି ଯେ ଲୋକ ତାଙ୍କ ଆଗମନକୁ ଅପେକ୍ଷା କରି ଫାଇନ୍ ଲାଇନରେ ଠିଆ ହୋଇଛନ୍ତି। ତା’ପରେ ସେ ଆସିବା ମାତ୍ରେ ଲୋକ କରତାଳି ଦେବା ଆରମ୍ଭ କରନ୍ତି, ଯାହା ପରେ ଏର୍ଚାନା ମଧ୍ୟ ସମସ୍ତଙ୍କ ସହ ହାତ ମିଳାଇ ଆଗକୁ ବଢୁଛନ୍ତି।

୧୫୦ ମାରାଥନ୍ ହେଉଛି ଟାର୍ଗେଟ୍

ପ୍ରକାଶ ଥାଉକି ମହିଳାଙ୍କ ମାରାଥନ୍ ଦୌଡ଼ ପ୍ରାୟ ୪୨ କିଲୋମିଟର ରହିଥାଏ। ଗଣମାଧ୍ୟମ ରିପୋର୍ଟ ଅନୁଯାୟୀ, ୩୨ ବର୍ଷୀୟ ଏର୍ଚାନା ମୁରେ ଚଳିତ ବର୍ଷ ଅଗଷ୍ଟରେ ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡର କେପ ୟର୍କରୁ ନିଜର ମାରାଥନ ଆରମ୍ଭ କରିଥିଲେ। ୧୦୭୪ ଦିନ ଧରି କ୍ରମାଗତ ଭାବରେ ମାରାଥନରେ ଦୌଡ଼ିଥିଲେ। ଏହା ପରେ କହିଛନ୍ତି ଯେ ଏହା ତାଙ୍କର ଯାତ୍ରା ଶେଷ ନୁହେଁ, ବରଂ ୧୫୦ ମାରାଥନରେ ଦୌଡ଼ିବା ତାଙ୍କର ଲକ୍ଷ୍ୟ।
Published by:Lipina Das
First published: