ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»ASIA CUP 2021 ରେ ଖେଳିବେ ନାହିଁ ବିରାଟ, ରୋହିତ, ପନ୍ତ, ବୁମ୍ରା? BCCI ନେବାକୁ ଯାଉଛି ବଡ଼ ନିଷ୍ପତ୍ତି

ASIA CUP 2021 ରେ ଖେଳିବେ ନାହିଁ ବିରାଟ, ରୋହିତ, ପନ୍ତ, ବୁମ୍ରା? BCCI ନେବାକୁ ଯାଉଛି ବଡ଼ ନିଷ୍ପତ୍ତି

ଏସିଆ କପ୍ ଆସନ୍ତା ଜୁନ୍ ମାସ ଶ୍ରୀଲଙ୍କାରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି ଓ ରିପୋର୍ଟ ଅନୁଯାୟୀ ବିସିସିଆଇ ଏହି ଟୁର୍ନାମେଣ୍ଟରେ ଭାରତର ଦ୍ୱିତୀୟ ଶ୍ରେଣୀ ଦଳକୁ ପଠାଇବ ।

ASIA CUP 2021 ରେ ଖେଳିବେ ନାହିଁ ବିରାଟ, ରୋହିତ, ପନ୍ତ, ବୁମ୍ରା? BCCI ନେବାକୁ ଯାଉଛି ବଡ଼ ନିଷ୍ପତ୍ତି
ASIA CUP 2021 ରେ ଖେଳିବ ଭାରତ ଦ୍ୱିତୀୟ ଶ୍ରେଣୀ ଟିମ୍!
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଭାରତୀୟ କ୍ରିକେଟ୍ ଦଳ ଇଂଲଣ୍ଡକୁ ପରାସ୍ତ କରି ୧୮ ଜୁନରେ ଇଂଲଣ୍ଡରେ ଅନୁଷ୍ଠିତ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲରେ ପ୍ରବେଶ କରିଛି । ତେବେ ଏହି ସମୟ ମଧ୍ୟରେ ଶ୍ରୀଲଙ୍କାରେ ମଧ୍ୟ ଏସିଆ କପ୍ ଅନୁଷ୍ଠିତ ହେବାକୁ ଯାଇଛି । ଏଭଳି ପରିସ୍ଥିତିରେ ଟିମ୍ ଇଣ୍ଡିଆ ଏହି ଦୁଇଟି ପ୍ରତିଯୋଗିତାରେ କିପରି ଏକା ସାଥିରେ ଅଂଶଗ୍ରହଣ କରିବ ବୋଲି ପ୍ରଶ୍ନ ଉଠିଛି । କିନ୍ତୁ ଏବେ ବିସିସିଆଇ ଏହାର ସମାଧାନ ଖୋଜି ପାଇଛି । ଖବର ଅନୁଯାୟୀ ଶ୍ରୀଲଙ୍କାରେ ଆୟୋଜିତ ହେବାକୁ ଥିବା ଏସିଆ କପ୍‌କୁ ଖେଳିବା ପାଇଁ ବିସିସିଆଇ ଦ୍ୱିତୀୟ ଶ୍ରେଣୀ ଦଳକୁ ପଠାଇବ ।

ଟାଇମ୍ସ ଅଫ୍ ଇଣ୍ଡିଆରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, 'ବିସିସିଆଇ ଦ୍ୱିତୀୟ ଶ୍ରେଣୀ ଦଳକୁ ଏସିଆ କପରେ ଭାଗ ନେବାକୁ ପଠାଇବ । ଦଳର କାର୍ଯ୍ୟସୂଚୀ ବହୁତ ବ୍ୟସ୍ତବହୁଳ ଥିବା ବେଳେ ଦଳକୁ ଇଂଲଣ୍ଡରେ ପାଞ୍ଚଟି ଟେଷ୍ଟ ମ୍ୟାଚ୍ ଖେଳିବାକୁ ପଡିବ । ଇଂଲଣ୍ଡରେ ହେବାକୁ ଥିବା ବିଶ୍ୱ ଟେଷ୍ଟ ଚାମ୍ପିଅନସିପ୍ ପରେ ଭାରତୀୟ ଦଳ ସେଠାରେ ରହିବେ ଓ ଏହି ସମୟ ମଧ୍ୟରେ ଦ୍ୱିତୀୟ ଶ୍ରେଣୀ ଦଳ ଶ୍ରୀଲଙ୍କାରେ ହେବାକୁ ଥିବା ଏସିଆ କପରେ ଅଂଶଗ୍ରହଣ କରିବେ ।

ବିସିସିଆଇ ପାଖରେ ଅନ୍ୟ କୌଣସି ବିକଳ୍ପ ନାହିଁ
ରିପୋର୍ଟ ଅନୁଯାୟୀ ଇଂଲଣ୍ଡ ସିରିଜ ପ୍ରସ୍ତୁତି ପାଇଁ ବୋର୍ଡ କୌଣସି ବିପଦ ନେବାକୁ ଚାହୁଁ ନ ଥିବାରୁ ଦ୍ୱିତୀୟ ଶ୍ରେଣୀ ଦଳ ପଠାଇବା ବ୍ୟତୀତ ବିସିସିଆଇ ପାଖରେ କୌଣସି ବିକଳ୍ପ ନାହିଁ । ବିସିସିଆଇ ଚାହେଁ ନାହିଁ ଯେ କ୍ରିକେଟର ଦୁଇଥର କ୍ଵାରାଣ୍ଟିନରେ ରୁହନ୍ତୁ । ଯଦି ଏସିଆ କପ୍ ଆୟୋଜିତ ହୁଏ ତେବେ ବିସିସିଆଇ କେବଳ ଦ୍ୱିତୀୟ ଶ୍ରେଣୀ ଦଳ ପଠାଇବ ।

ଦ୍ୱିତୀୟ ଶ୍ରେଣୀ ଦଳ ଖେଳିବାର ଅର୍ଥ ହେଉଛି ଏସିଆ କପରେ ଖେଳୁଥିବା ଦଳରେ ବିରାଟ କୋହଲି, ରୋହିତ ଶର୍ମା, ଋଷଭ ପନ୍ତ, ଜସପ୍ରୀତ ବୁମ୍ରା, ମହମ୍ମଦ ଶାମିଙ୍କ ଭଳି ଖେଳାଳି ଖେଳିବେ ନାହିଁ । ତେବେ ଭାରତୀୟ ଦଳର ବେଞ୍ଚ ଷ୍ଟ୍ରେନ୍ଥ ବହୁତ ଶକ୍ତିଶାଳୀ ଓ ଏଥିରେ ଖେଳାଳିଙ୍କ ଭରପୂର ରହିଛି । ଯେଉଁମାନେ ଏସିଆ କପରେ ଭଲ ପ୍ରଦର୍ଶନ କରିପାରିବେ । ଭାରତ ଗତ ଦୁଇଟି ଏସିଆ କପ୍ ନିଜ ନାମରେ କରିଛି । ୨୦୧୬ ଓ ୨୦୧୮ ବର୍ଷରେ ଟିମ୍ ଇଣ୍ଡିଆ ଏସିଆ କପ୍ ଜିତିଥିଲା ​​। ଏଥର ମଧ୍ୟ ଏସିଆ କପ୍ ଜିତି ହ୍ୟାଟ୍ରିକ୍ କରିବାର ସୁଯୋଗ ରହିଛି । ଭାରତ ସର୍ବାଧିକ ଥର ଏସିଆ କପ୍ ଜିତିଛି ।
Published by: Jagdish Barik
First published: March 8, 2021, 4:44 PM IST