ବିଜେପି ମାତା ସୀତାଙ୍କୁ ରାମଙ୍କଠୁ ଅଲଗା କରିଛନ୍ତି: ରାଜସ୍ଥାନ CM

News18 Odia Digital

ନୂଆ ଦିଲ୍ଲୀ: ରାହୁଲ ଗାନ୍ଧିଙ୍କ ନେତୃତ୍ୱରେ 'ଭାରତ ଯୋଡ ଯାତ୍ରା' ସମୟରେ ଉଠାଯାଇଥିବା 'ଜୟ ସିଆରାମ' ସ୍ଲୋଗାନକୁ ନେଇ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ପୁଣି ଥରେ ବିଜେପି ଓ ଆରଏସଏସକୁ ଟାର୍ଗେଟ କରିଛନ୍ତି।

ଗେହଲଟ୍ କହିଛନ୍ତି, “ସେମାନେ (ବିଜେପି-ଆରଏସଏସ) ସୀତାଙ୍କୁ ରାମଙ୍କଠାରୁ ଅଲଗା କରିଛନ୍ତି।  ସେଥିପାଇଁ ଆମେ କହୁଛୁ 'ଜୟ ସିୟା ରାମ ବୋଲୋ'। ଯେତେବେଳେ ଆମେ 'ଜୟ ସିଆରାମ' କହୁଛୁ, ସେତେବେଳେ ଆମେ ଲୋକଙ୍କଠାରୁ ଏକ ଜବରଦସ୍ତ ପ୍ରତିକ୍ରିୟା ପାଉଛୁ। "

ଗେହଲଟ୍ କହିଛନ୍ତି ଯେ ଲୋକମାନେ ଏବେ ବିଜେପିର ବିଭାଜନ ନୀତି ବୁଝିଛନ୍ତି। ବିଜେପି 'ଜୟ ଶ୍ରୀ ରାମ'ର ସ୍ଲୋଗାନ ଦେଇ କ୍ରୋଧ ଓ ଭୟ ସୃଷ୍ଟି କରିବାକୁ ଚେଷ୍ଟା କରୁଛି। ରାହୁଲ ଗାନ୍ଧି ଗାନ୍ଧିଙ୍କ ଆଦର୍ଶ ଅନୁସରଣ କରନ୍ତି।  ସେ ପ୍ରେମ ସହିତ ଭୟକୁ ଜୟ କରନ୍ତି।

ରବିବାର ଦିନ ଜୟପୁରରେ ୧୬୭ ନୂତନ ମୌଳିକ ଜୀବନ ସହାୟତା ଆମ୍ବୁଲାନ୍ସ ସେବା ୧୦୮ ର ଶୁଭାରମ୍ଭ ଅବସରରେ ଅଶୋକ ଗେହଲଟ୍ ଗଣମାଧ୍ୟମ ସହ କଥା ହୋଇଥିଲେ। ଗେହଲଟ୍ କହିଛନ୍ତି ଯେ ରାହୁଲ ଗାନ୍ଧି ତାଙ୍କ ଯାତ୍ରା ମାଧ୍ୟମରେ ପ୍ରେମ, ସୌହାର୍ଦ୍ଦ୍ୟ ଏବଂ ଭାଇଚାରା ବାର୍ତ୍ତା ବିସ୍ତାର କରିବାକୁ ଚେଷ୍ଟା କରୁଛନ୍ତି।