ଜେଲରେ ସିସୋଦିଆ-ସତ୍ଯେନ୍ଦ୍ର; ହୋଲି ନ ଖେଳି ଧ୍ଯାନରେ ବସିଲେ କେଜ୍ରିୱାଲ

News18 Odia Digital

ନୂଆ ଦିଲ୍ଲୀ: ଦେଶରେ ହୋଲି(Holi) ଉତ୍ସବ ଜୋରସୋରରେ ଚାଲିଛି, କିନ୍ତୁ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ(Delhi Cm Arvind Kejriwal) ଆଜି ଧ୍ୟାନରେ। ପ୍ରଥମେ ସତ୍ୟେନ୍ଦ୍ର ଜେନୈ(Satyandra Jain) ଓ ପରେ ଡେପୁଟି ସିଏମ ମନୀଷ ସିସୋଦିଆଙ୍କ ଗିରଫ ହେତୁ ଅରବିନ୍ଦ କେଜ୍ରିୱାଲ ଏକା ହୋଇଯାଇଛନ୍ତି ବୋଲି ସାଧାରଣରେ ଆଲୋଚନା ହେଉଛି। ସେ ଆଜି ସକାଳ ୧୧ ଟାରୁ ୫ ଟା ପର୍ଯ୍ୟନ୍ତ ଧ୍ୟାନ ବସିବେ ମନସ୍ଥ କରିଛନ୍ତି। ଧ୍ୟାନ ପୂର୍ବରୁ ରାଜଘାଟକୁ ଯାଇଥିଲେ।

ଧ୍ୟାନ କରିବା ପୂର୍ବରୁ କେଜ୍ରିୱାଲ କହିଛନ୍ତି ଯେ ମୋଦି ସରକାର କେନ୍ଦ୍ରୀୟ ଅନୁସନ୍ଧାନକାରୀ ଏଜେନ୍ସି ବ୍ୟବହାର କରି ଦେଶର ବିରୋଧୀଦଳର ନେତାମାନଙ୍କୁ ଜେଲରେ ରଖିଥିବାରୁ ଦେଶରେ ଗଣତନ୍ତ୍ର ପ୍ରତି ବିପଦ ରହିଛି। ମଙ୍ଗଳବାର ଦିନ ଅରବିନ୍ଦ କେଜ୍ରିୱାଲ କେନ୍ଦ୍ରରେ ମୋଦି ସରକାରଙ୍କୁ ଟାର୍ଗେଟ କରି କହିଛନ୍ତି ଯେ ଭଲ କାମ କରୁଥିବା ଲୋକଙ୍କୁ ଗିରଫ କରାଯାଉଥିବାବେଳେ ଦେଶ ଲୁଟ କରୁଥିବା ଲୋକମାନେ ଦୂରେଇ ଯାଉଛନ୍ତି। ସେ ଦେଶର ଏଭଳି ଅବସ୍ଥାକୁ ନେଇ ଗଭୀର ଚିନ୍ତିତ। ଯେଉଁମାନେ ଭାରତ ପାଇଁ ଭଲ କାମ କରିଛନ୍ତି ସେମାନଙ୍କୁ ପ୍ରଧାନମନ୍ତ୍ରୀ ମୋଦି ଜେଲରେ ରଖିଥିବାବେଳେ ଯେଉଁମାନେ ଦେଶ ଲୁଟ କରିଛନ୍ତି ସେମାନଙ୍କୁ ଆଲିଙ୍ଗନ କରାଯାଉଛି।

ଆମ୍ ଆଦମୀ ପାର୍ଟିର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରୁ ଏକ ଟୁଇଟ୍ ହୋଇଛି କି, "ଆଜି କେଜ୍ରିୱାଲ ଜି ଦେଶ ପାଇଁ ପ୍ରାର୍ଥନା କରିବେ। ସକାଳ ୧୦ ଟାରୁ ୫ ଟା ପର୍ଯ୍ୟନ୍ତ ଲଗାତାର ୭ ଘଣ୍ଟା ଧ୍ୟାନ କରିବେ।

ଏପ୍ରିଲରୁ ବଦଳିଯିବ ସୁନା କିଣିବା ନିୟମ; ସରକାର ଜାରି କଲେ ନୂଆ ନିର୍ଦ୍ଦେଶ

ଦୁର୍ନୀତିର ଆରୋପରେ ଦିଲ୍ଲୀର ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜେନା ଗତ ୭ ମାସ ଜେଲରେ ଅଛନ୍ତି। ଏଥି ସହିତ ନିକଟରେ ଡେପୁଟି ସିଏମ ମନୀଷ ସିସୋଦିଆଙ୍କୁ ମଧ୍ୟ ସିବିଆଇ ଗିରଫ କରିଛି, ଏହା ପରେ ଅରବିନ୍ଦ କେଜ୍ରିୱାଲ ଦଳରେ ଏକାକୀ ପଡ଼ିଯାଇଛନ୍ତି। ଯଦିଓ ଏହି କଷ୍ଟ ସମୟରେ ସେ ନିଶ୍ଚିତ ଭାବରେ କିଛି ବିରୋଧୀ ଦଳର ସମର୍ଥନ ପାଇଛନ୍ତି।