ଅମିତ ଶାହାଙ୍କ ୨ ଦିନିଆ ଗୁଜୁରାଟ ଗସ୍ତ; 'E- FIR' ସେବା ସମେତ ଅନ୍ୟାନ୍ୟ ପ୍ରକଳ୍ପର ଶୁଭ ଉଦଘାଟନ

କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର ଠାରୁ ଦୁଇ ଦିନିଆ ଗୁଜୁରାଟ ଗସ୍ତରେ ଆସିଛନ୍ତି, ଗାନ୍ଧୀନଗର ର “ଇ-ଏଫଆଇଆର” ସେବା ଏବଂ ପୋଲିସ ପାଇଁ ଏକ ସିସିଟିଭି ଆଧାରିତ କମାଣ୍ଡ ଏବଂ କଣ୍ଟ୍ରୋଲ ରୁମ ସମେତ ଅନେକ ପ୍ରକଳ୍ପର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି ।

ଅମିତ ଶାହା ଙ୍କ ୨ ଦିନିଆ ଗୁଜୁରାଟ ଗସ୍ତ

ଅମିତ ଶାହା ଙ୍କ ୨ ଦିନିଆ ଗୁଜୁରାଟ ଗସ୍ତ

  • Share this:
News 18 Odia Digital

ନୂଆଦିଲ୍ଲୀ; କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଶନିବାର ଠାରୁ ଦୁଇ ଦିନିଆ ଗୁଜୁରାଟ ଗସ୍ତରେ ଅଛନ୍ତି, ଗାନ୍ଧୀନଗରରେ “ଇ-ଏଫଆଇଆର” ସେବା ଏବଂ ପୋଲିସ ପାଇଁ ଏକ ସିସିଟିଭି ଆଧାରିତ କମାଣ୍ଡ ଏବଂ କଣ୍ଟ୍ରୋଲ ରୁମ ସମେତ ଅନେକ ପ୍ରକଳ୍ପର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି । ଶନିବାର ସକାଳେ ଗାନ୍ଧିନଗରର ନ୍ୟାସନାଲ ଫରେନସିକ୍ ସାଇନ୍ସ ୟୁନିଭରସିଟି କ୍ୟାମ୍ପସରେ ଆୟୋଜିତ ହେବାକୁ ଥିବା ଏକ କାର୍ଯ୍ୟକ୍ରମରେ ଶାହା ଏହି ରାଜ୍ୟ ସ୍ତରୀୟ ନିୟନ୍ତ୍ରଣ କକ୍ଷକୁ ଉଦ୍ଘାଟନ କରିବେ ବୋଲି କହିଛନ୍ତି।

ଲୋକମାନେ ବିଭାଗର ୱେବସାଇଟ୍ କିମ୍ବା ମୋବାଇଲ୍ ଆପ୍ଲିକେସନରେ ଚୋରି ସମ୍ପର୍କରେ ଅଭିଯୋଗ କରିପାରିବେ ବୋଲି ଏକ ସରକାରୀ ବିଜ୍ଞପ୍ତିରେ କୁହାଯାଇଛି । ଗୃହମନ୍ତ୍ରୀଙ୍କ କହିବା ଅନୁଯାୟୀ, ଇ-ଏଫ୍ଆଇଆର ପଞ୍ଜୀକରଣ କରିବାର ୪୮ ଘଣ୍ଟା ମଧ୍ୟରେ ପୋଲିସ ଅଭିଯୋଗକାରୀଙ୍କ ସହିତ ସିଧାସଳଖ ଯୋଗାଯୋଗ କରିବ ଏବଂ ଗାଡି ଚୋରି / ମୋବାଇଲ୍ ଫୋନ୍ ଚୋରି ଘଟଣାକୁ ନେଇ ମାମଲା ରୁଜୁ କରିବା ସହିତ ୨୧ ଦିନ ମଧ୍ୟରେ ଯାଞ୍ଚ ପ୍ରକ୍ରିୟା ଶେଷ କରିବ।

ଏହି ଅନଲାଇନ୍ ଅଭିଯୋଗର ପଞ୍ଜୀକରଣ ଏବଂ ଇମେଲ୍ / ଏସ୍ଏମ୍ଏସ୍ ମାଧ୍ୟମରେ ଅନୁସନ୍ଧାନରେ ଅଗ୍ରଗତି ବିଷୟରେ ଅଭିଯୋଗକାରୀଙ୍କୁ ମଧ୍ୟ ଅବଗତ କରାଯିବ । ଏଥି ସହିତ, ବୀମା କମ୍ପାନୀକୁ ଇମେଲ / ଏସଏମଏସ ମାଧ୍ୟମରେ ପୋଲିସ ମଧ୍ୟ ସୂଚନା ଦେବ। ଅଧିକାରୀମାନଙ୍କ କହିବା ଅନୁଯାୟୀ, ଶାହ ଗାନ୍ଧିନଗର ଜିଲ୍ଲାର ମାନସା ସହର ପରିଦର୍ଶନ କରି ଏକ ନୂତନ ଲାଇବ୍ରେରୀ  ଓ ଅଙ୍ଗନୱାଡି ରୋଷେଇ ଘର ଉଦ୍ଘାଟନ କରିବେ।

୧. ସକାଳ ୧୧. ୩୦ ରେ ଗୁଜୁରାଟ ପୋଲିସର ' ତ୍ରିନେତ୍ର ' ଏବଂ ଅନ୍ୟାନ୍ୟ ଆଧୁନିକ ସେବା ଗାନ୍ଧିନଗରର NFSU ହଲ୍ ଅନ୍ତର୍ଗତ VISHWAS ପ୍ରକଳ୍ପ ଅନ୍ତର୍ଗତ ରାଜ୍ୟ ସ୍ତରୀୟ କମାଣ୍ଡ ଏବଂ କଣ୍ଟ୍ରୋଲ୍ ସେଣ୍ଟରର ଉଦ୍ଘାଟନ।

୨. ଅପରାହ୍ନ ୩ ଟାରେ ମାନସା ଅକ୍ଷୟ ପାତ୍ର ଫାଉଣ୍ଡେସନରେ ଅକ୍ଷୟ ପାତ୍ରଙ୍କ ଦ୍ୱାରା ନୂତନ ଭାବରେ ନିର୍ମିତ ମଧ୍ୟାହ୍ନ ଭୋଜନ ରୋଷେଇର ଉଦଘାଟନ।

୩ . ସନ୍ଧ୍ୟା ୩.୨୫ ରେ ମେନ୍ ବଜାର ଠାରେ ମହାତ୍ମା ଗାନ୍ଧୀ ଲାଇବ୍ରେରୀର ଏକ ନୂତନ ବିଲ୍ଡିଂର ଉଦଘାଟନ।

୪. ନୂତନ ଭାବେ ନିର୍ମିତ ସର୍ଦ୍ଦାର ପଟେଲ ସାଂସ୍କୃତିକ ଭବନର ଉଦଘାଟନ।

୫. ଅପରାହ୍ନ ୩.୪୫ ରେ ସିଭିଲ ହସ୍ପିଟାଲ ର ପରିଦର୍ଶନ।
Published by:Soumyashree Mishra
First published: