NASA ର କାର୍ଯ୍ୟନିର୍ବାହୀ ମୁଖ୍ୟ ହେଲେ ଭାରତୀୟ ମୂଳବାସୀ ଭବ୍ୟା ଲାଲ; ଜାଣନ୍ତୁ ତାଙ୍କ ବିଷୟରେ..

Bhavya Lal NASA News Updates: ଆମେରିକାର ମୂଳ ଭାରତୀୟ ଭବ୍ୟା ଲାଲଙ୍କୁ ସ୍ପେସ୍ ଏଜେନ୍ସି ନାସାର କାର୍ଯ୍ୟନିର୍ବାହୀ ମୁଖ୍ୟ କରାଯାଇଛି । ଭବ୍ୟା ଆମେରିକାରେ ଅନେକ ଗୁରୁତ୍ୱପୂର୍ଣ୍ଣ ପଦବୀରେ ରହିଆସିଛନ୍ତି ।

NASA ର କାର୍ଯ୍ୟନିର୍ବାହୀ ମୁଖ୍ୟ ହେଲେ ଭାରତୀୟ ମୂଳବାସୀ ଭବ୍ୟା ଲାଲ; ଜାଣନ୍ତୁ ତାଙ୍କ ବିଷୟରେ..
ଭେଟନ୍ତୁ NASA ର ନୂତନ କାର୍ଯ୍ୟନିର୍ବାହୀ ମୁଖ୍ୟ ହୋଇଥିବା ଭାରତୀୟ ମୂଳବାସୀ ଭବ୍ୟାଙ୍କୁ
  • News18 Odia
  • Last Updated: February 2, 2021, 10:49 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ୱାଶିଂଟନ୍: ଭାରତୀୟ-ଆମେରିକୀୟ ଭବ୍ୟା ଲାଲଙ୍କୁ (Bhavya Lal) ସୋମବାର ନାସା ଦ୍ୱାରା ଆମେରିକାର ସ୍ପେସ୍ ଏଜେନ୍ସିର କାର୍ଯ୍ୟନିର୍ବାହୀ ମୁଖ୍ୟ ଭାବେ ନିଯୁକ୍ତି ଦିଆଯାଇଛି । ଲାଲ ଆମେରିକାର ନବନିର୍ବାଚିତ ରାଷ୍ଟ୍ରପତି ଜୋ ବିଡେନଙ୍କ (President Joe Biden) ଦ୍ୱାରା ନାସାର ପରିବର୍ତ୍ତନ ଉପରେ ସମୀକ୍ଷା ଦଳର ଜଣେ ସଦସ୍ୟ ଓ ବିଡେନ ପ୍ରଶାସନ ଅଧୀନରେ ଥିବା ଏଜେନ୍ସିର ପରିବର୍ତ୍ତନକୁ ତଦାରଖ କରୁଛନ୍ତି ।

ବିଡେନ ପ୍ରଶାସନର ଗୁରୁତ୍ୱପୂର୍ଣ୍ଣ ପଦବୀରେ ଅନ୍ୟ ଜଣେ ମୂଳ ଭାରତୀୟଙ୍କ ନିଯୁକ୍ତି
ଆମେରିକାର ସ୍ପେସ୍ ଏଜେନ୍ସି ନାସା ଏକ ବିବୃତ୍ତିରେ କହିଛି ଯେ ଲାଲଙ୍କର ଇଞ୍ଜିନିୟରିଂ ଏବଂ ସ୍ପେସ୍ ଟେକ୍ନୋଲୋଜିରେ ବିପୁଳ ଅଭିଜ୍ଞତା ରହିଛି । ଲାଲ ମଧ୍ୟ ସ୍ପେସ୍ ଟେକ୍ନୋଲୋଜି ଓ ନୀତି ସମ୍ପ୍ରଦାୟର ଏକ ସକ୍ରିୟ ସଦସ୍ୟ ଅଟନ୍ତି । ନାସା ଏକ ବିବୃତ୍ତି ଜାରି କରି କହିଛି ଯେ ଲାଲଙ୍କ ଇଞ୍ଜିନିୟରିଂ ଓ ସ୍ପେସ୍ ଟେକ୍ନୋଲୋଜିରେ ବିପୁଳ ଅଭିଜ୍ଞତା ରହିଛି । ସେ ୨୦୦୫ ରୁ ୨୦୨୦ ପର୍ଯ୍ୟନ୍ତ ଇନଷ୍ଟିଚ୍ୟୁଟ୍ ଫର ଡିଫେନ୍ସ ଆନାଲିସିସ୍ ସାଇନ୍ସ ଆଣ୍ଡ ଟେକ୍ନୋଲୋଜି ପଲିସି ଇନଷ୍ଟିଚ୍ୟୁଟରେ ଏକ ରିସର୍ଚ୍ଚ ଷ୍ଟାଫ୍ ଭାବରେ କାର୍ଯ୍ୟ କରିଛନ୍ତି ।

ଅନେକ ବଡ ପଦବୀରେ କାମ କରି ସାରିଛନ୍ତି
ଭବ୍ୟା ସ୍ପେସ୍ ଟେକ୍ନୋଲୋଜି ଓ ନୀତି ସମ୍ପ୍ରଦାୟର ଏକ ସକ୍ରିୟ ସଦସ୍ୟ ଅଟନ୍ତି । ସେ ନ୍ୟାସନାଲ୍ ଏକାଡେମୀ ଅଫ୍ ସାଇନ୍ସ ପ୍ୟାନେଲ୍ର ଚେୟାରମ୍ୟାନ୍ କିମ୍ବା ସହ-ଚେୟାରମ୍ୟାନ୍ ଭାବରେ କାର୍ଯ୍ୟ କରିଛନ୍ତି । ଭବ୍ୟା ଏହାପୂର୍ବରୁ ବିଜ୍ଞାନ ଓ ବୈଷୟିକ ଯାଞ୍ଚ ଓ ପରାମର୍ଶଦାତା ସଂସ୍ଥା C-STPS LLC ର ସଭାପତି ମଧ୍ୟ ରହି ସାରିଛନ୍ତି ।

ସ୍ପେସ୍ ସେକ୍ଟରରେ ବହୁତ ଅବଦାନ ଅଛି
ମହାକାଶ କ୍ଷେତ୍ରରେ ଭବ୍ୟା ବହୁତ ଅବଦାନ ଦେଇଛନ୍ତି । ସେ ଆନ୍ତର୍ଜାତୀୟ ମହାକାଶଚାରୀ ଏକାଡେମୀର ସଦସ୍ୟ ରହିସାରିଛନ୍ତି । ଭବ୍ୟା ସମ୍ମାନଜନକ ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିରୁ ବିଜ୍ଞାନ ଓ ପ୍ରଯୁକ୍ତିବିଦ୍ୟାରେ ମାଷ୍ଟର ଡିଗ୍ରୀ ହାସଲ କରିଛନ୍ତି । ସେ ୱାଶିଂଟନ୍ ବିଶ୍ୱବିଦ୍ୟାଳୟରୁ ପବ୍ଲିକ୍ ପଲିସିରେ ପିଏଚଡି କରିଛନ୍ତି ।
Published by: Jagdish Barik
First published: February 2, 2021, 10:49 AM IST