ହଟିଲା ଆମାଜନର ୱାର୍କ ଫର୍ମ ହୋମ୍ କଲଚର! ସପ୍ତାହରେ ଏତିକି ଦିନ ଅଫିସ ଯିବେ କର୍ମଚାରୀ

News18 Odia Digital

Amazon: ୱାର୍କ ଫର୍ମ ହୋମ୍ ପ୍ରଥା ଶେଷ। ଏଥର ଯିବାକୁ ପଡ଼ିବ ଅଫିସ (Work From Office)। ଫେମସ ଇ-କମର୍ସ କମ୍ପାନୀ ଆମାଜନ (Amazon) ଏହାର କର୍ପୋରେଟ କର୍ମଚାରୀମାନଙ୍କୁ ସପ୍ତାହରେ ଅତି କମରେ ତିନି ଦିନ ଅଫିସ ଆସି କାମ କରିବାକୁ କହିଛି।

ମେ ୧ରୁ ଏହି ନୂଆ ବ୍ୟବସ୍ଥା କାର୍ଯ୍ୟକାରୀ ହେବ। ଆମାଜନ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସିଇଓ ଆଣ୍ଡି ଜେସି (Andy Jassy) ତାଙ୍କ କର୍ମଚାରୀଙ୍କ ନିକଟକୁ ପଠାଯାଇଥିବା ଏକ ମେମୋରେ ଏହି ନିଷ୍ପତ୍ତି ବିଷୟରେ ସୂଚନା ଦେଇଛନ୍ତି।

ସେ କହିଛନ୍ତି ଯେ ଅଫିସରେ କାମ କରିବା ଦ୍ବାରା ଟିମର ଲିଡର ଏବଂ କର୍ମଚାରୀଙ୍କ ମଧ୍ୟରେ ଅଧିକ ପ୍ରଭାବଶାଳୀ ସମ୍ପର୍କ ସ୍ଥାପନ ହେବ।

କୋଭିଡ କାଳରେ ଆରମ୍ଭ ହୋଇଥିଲା ୱାର୍କ ଫର୍ମ ହୋମ୍ କଲଚର

କୋଭିଡ ମହାମାରୀ ସମୟରେ ୱାର୍କ ଫର୍ମ ହୋମ୍ (Work From Home) ପ୍ରଣାଳୀ କାର୍ଯ୍ୟକାରୀ କରାଯାଇଥିଲା। କିନ୍ତୁ ବର୍ତ୍ତମାନ ମହାମାରୀ ହେବାର ଆଶଙ୍କା କମ୍ ଥିବାରୁ କର୍ମଚାରୀମାନଙ୍କୁ ଅଫିସକୁ ଫେରାଇ ଆଣିବା ପାଇଁ ପଦକ୍ଷେପ ଆରମ୍ଭ ହୋଇଛି।

ଏହି ପଦକ୍ଷେପ ଅନୁଯାୟୀ, ଆମାଜନ କର୍ମଚାରୀମାନେ ସପ୍ତାହରେ ଅତି କମରେ ତିନି ଦିନ ଅଫିସକୁ ଆସିବାକୁ ବାଧ୍ୟ ହେବେ। ନିକଟରେ, ଅନେକ କମ୍ପାନୀ ନିଜ କର୍ମଚାରୀଙ୍କୁ ଅଫିସକୁ ଡାକିବା ଆରମ୍ଭ କରିଥିଲେ।

ପଢ଼ନ୍ତୁ ପୂରା ଖବର:  Terrorist Attack: କରାଚିରେ ଭୟଙ୍କର ଆତଙ୍କବାଦୀ ଆକ୍ରମଣ; ୪ ପୋଲିସ କର୍ମୀଙ୍କ ମୃତ୍ୟୁ

ଏହି କମ୍ପାନୀଗୁଡିକ ମଧ୍ୟ ଅଫିସରୁ କାମ ଆରମ୍ଭ କରିଥିଲେ

କର୍ମଚାରୀମାନେ ଅଫିସକୁ ଆସିବାକୁ କହିଥିବା କମ୍ପାନୀଗୁଡିକରେ ଷ୍ଟାରବକ୍ସ, ଡିଜନି ଏବଂ ୱାଲମାର୍ଟ ଅନ୍ତର୍ଭୁକ୍ତ। ଯଦିଓ ଆମାଜନର ସିଇଓ କହିଛନ୍ତି ଯେ ଏହି ନୀତିର ବିବରଣୀ ଏପର୍ଯ୍ୟନ୍ତ ଚୂଡାନ୍ତ ହୋଇନାହିଁ। ଏହା ସହିତ ସେ କହିଛନ୍ତି ଯେ କେତେକ ପଦବୀରେ ପୋଷ୍ଟ କରାଯାଇଥିବା କର୍ମଚାରୀମାନଙ୍କୁ ନୂଆ ସିଷ୍ଟମରୁ ମୁକ୍ତ କରାଯିବ। ହଜାର ହଜାର କର୍ମଚାରୀଙ୍କୁ ସାରା ବିଶ୍ୱରେ ଆମାଜନଙ୍କ କାର୍ଯ୍ୟାଳୟକୁ ଫେରାଇ ଆଣିବା ସହଜ ନୁହେଁ ବୋଲି କହିଛନ୍ତି ଜେସି।

ସେ ଏକ ଯୋଜନା ପ୍ରସ୍ତୁତ କରିବାକୁ ଟିମମାନଙ୍କୁ କିଛି ସମୟ ଦେବାକୁ ଯାଉଛନ୍ତି, ଯାହା ସେହି କାର୍ଯ୍ୟ କରିବା ଆବଶ୍ୟକ ବୋଲି ସେ କର୍ମଚାରୀମାନଙ୍କୁ ଏକ ଇମେଲରେ କହିଛନ୍ତି।