Video: USA ସେନା ଛାଡ଼ି ଯାଇଥିବା ପ୍ଲେନରେ ଉତ୍ସାହ ସହ ଦୋଳି ଖେଳୁଛନ୍ତି ତାଲିବାନୀ ଆତଙ୍କବାଦୀ

News18 Odia Digital

କାବୁଲ: ଆମେରିକାର ସୈନ୍ୟ ପ୍ରତ୍ୟାହାର ପରେ ତାଲିବାନ ବନ୍ଧୁକ ମୁନରେ ଆଫଗାନିସ୍ତାନ ଦଖଲ କରିଥିଲା । ବର୍ତ୍ତମାନ ସରକାର ମଧ୍ୟ ଗଠନ କରାଯାଇଛି । ନିଜ ଦେଶକୁ ଫେରୁଥିବାବେଳେ ଆମେରିକା ସେନା ଅନେକ ଅସ୍ତ୍ରଶସ୍ତ୍ର ଓ ସାମରିକ ବିମାନକୁ ଅକ୍ଷମ କରିଦେଇଛି । ଯାହା ବର୍ତ୍ତମାନ ତାଲିବାନ ଦ୍ୱାରା ସେମାନଙ୍କ ମନୋରଞ୍ଜନ ପାଇଁ ବ୍ୟବହୃତ ହେଉଛି । ସୋସିଆଲ ମିଡ଼ିଆରେ ଏଭଳି ଏକ ଭିଡିଓ ଭାଇରାଲ ହେଉଛି । ଭିଡିଓରେ ତାଲିବାନ ଆତଙ୍କବାଦୀମାନେ ଆମେରିକାର ଯୁଦ୍ଧ ବିମାନର ଡେଣାରେ ଏକ ଦଉଡି ଟାଙ୍ଗି ଦୋଳି ଖେଳୁଥିବାର ନଜର ଆସୁଛନ୍ତି

ଏହି ଭିଡିଓକୁ ପାକିସ୍ତାନୀ ସାମ୍ବାଦିକ ଜେ ବାଗୱାନ୍ ଶେୟାର କରିଛନ୍ତି । ଅକ୍ଷମତା ହେତୁ ଏହି ବିମାନଗୁଡ଼ିକ ଉଡ଼ାଣ ଅବସ୍ଥାରେ ନାହିଁ । ଏଭଳି ପରିସ୍ଥିତିରେ ତାଲିବାନ ଯୁଦ୍ଧବିମାନ ସେମାନଙ୍କୁ ବହୁତ ଉପଭୋଗ କରୁଛନ୍ତି । ଭିଡିଓରେ ଆପଣ ଦେଖିପାରିବେ ଯେ ଭୂମିରେ ଠିଆ ହୋଇଥିବା ଏକ ଯୁଦ୍ଧ ବିମାନର ଡେଣା ଉପରେ ତାଲିବାନ ଆତଙ୍କବାଦୀମାନେ କିପରି ଦଉଡ଼ି ବାନ୍ଧି ଦୋଳି ଖେଳୁଛନ୍ତି । ଭିଡିଓରେ ଅନେକ ତାଲିବାନୀ ନଜର ଆସିଛନ୍ତି, ଯେଉଁଥିରେ ଜଣେ ଦୋଳିରେ ବସିଥିବା ବେଳେ ଦୁଇ ଜଣ ଏହାକୁ ଧକ୍କା ଦେଉଥିବାର ନଜର ଆସୁଛନ୍ତି ।

ଅନେକ ସୋସିଆଲ ମିଡ଼ିଆ ଆକାଉଣ୍ଟରେ ଏହି ଭିଡିଓ ସେୟାର କରି ନିରାଶା ପ୍ରକାଶ କରାଯାଇଛି ଯେ ୨୦ ବର୍ଷ ମଧ୍ୟରେ ବଦଳିଥିବା ଆଫଗାନିସ୍ତାନର କମାଣ୍ଡ ବର୍ତ୍ତମାନ କେଉଁ ଭଳି ଲୋକଙ୍କ ହାତରେ ଆସିଯାଇଛି ।

جانانہ راشہ چہ او زانگو ٹالونہ pic.twitter.com/gi53A5gnzJ

— JB (@JBaghwan) September 9, 2021

ଏଥି ସହିତ ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଲିଝିଆନ୍ ଝାଓ ଭିଡିଓ ସେୟାର କରି ଆମେରିକାର ମଜାକ ଉଡ଼ାଇଛନ୍ତି । ଝାଓ ଲେଖିଛନ୍ତି, ‘‘ସାମ୍ରାଜ୍ୟର ଶ୍ମଶାନ ଓ ସେମାନଙ୍କର ଯୁଦ୍ଧ ମେସିନ । ତାଲିବାନ ସେମାନଙ୍କ ବିମାନକୁ ଦୋଳି ଖେଳନାରେ ପରିଣତ କରିଛି ।’’

ଏହା ପୂର୍ବରୁ ତାଲିବାନ ଆତଙ୍କବାଦୀଙ୍କ ଏଭଳି ଅନେକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେମାନେ କୌଣସି ସ୍ଥାନରେ ନାଚୁଥିବାର ନଜର ଆସିଛନ୍ତି ଓ ପିଲାମାନଙ୍କ ମନୋରଞ୍ଜନ ପାର୍କରେ ମଧ୍ୟ ମଜାମସ୍ତି କରୁଥିବାର ଦେଖାଯାଇଥିଲେ ।

ଏଥି ସହ କାବୁଲକୁ କାବୁ କରିବା ପରେ ତାଲିବାନ ନେତାମାନେ ରାଷ୍ଟ୍ରିୟ ଭବନରେ ରହିଛନ୍ତି । ଏକ ଭିଡିଓରେ ସେ ସେଠାରେ ଖାଇବା ପିଇବା, ଉତ୍ସବ ପାଳନ କରିବା ଓ ବିଶ୍ରାମ ନେଉଥିବାର ନଜର ଆସିଥିଲେ । କିଛି ତାଲିବାନ ରାଷ୍ଟ୍ରିୟ ଭବନର ଜିମରେ ପହଞ୍ଚି ବ୍ୟାୟାମ କରୁଥିବା ଦେଖାଯାଇଥିଲା ।