Poisonous Liquid: ବିହାରରେ ବିଷାକ୍ତ ମଦ ପିଇ ୫ ଜଣଙ୍କର ମୃତ୍ୟୁ

ବିହାରରେ ମଦ ନିଷେଧ ସ୍ଵତ୍ତେ ବିଷାକ୍ତ ମଦ ପିଇ  ୫ ଜଣଙ୍କର ମୃତ୍ୟୁ ହେଇଛି । ଗତ ସପ୍ତାହରେ ୧୩ ଜଣଙ୍କର ମୃତ୍ୟୁ ହୋଇଥିଲା।

ବିଷାକ୍ତ ମଦ ପିଇ ୫ ଜଣଙ୍କର ମୃତ୍ୟୁ

ବିଷାକ୍ତ ମଦ ପିଇ ୫ ଜଣଙ୍କର ମୃତ୍ୟୁ

  • Share this:
News 18 Odia Digital

ବିହାର : ବିହାରରେ ମଦ ବିକ୍ରି କରିବା ଓ ତିଆରି କରିବା ଉପରେ ନିଷୋଧ ସ୍ଵତ୍ତେ ବିଷାକ୍ତ ମଦ ପିଇ ମୃତ୍ୟୁ ଘଟଣା ପୁଣି ସାମ୍ନାକୁ ଆସିଛି । ଚୋରା ମଦ ଯୋଗୁଁ ମୃତ୍ୟୁ ଘଟଣା ବନ୍ଦ ହେବାର ନାମ ନେଉନାହିଁ । ଏବେ ପୁଣି ଥରେ ସାରଣ ଜିଲ୍ଲାରେ ବିଷାକ୍ତ ମଦ ପିଇବା କାରଣରୁ ମୃତ୍ୟୁ ଘଟିଛି । ଏହି ଘଟଣାରେ ବିଷାକ୍ତ ମଦ ପିଇବା କାରଣରୁ ଜିଲ୍ଲାର ମାରହରା ପୋଲିସ ଷ୍ଟେସନ ଅନ୍ତର୍ଗତ ଭୁଆଲପୁରରେ ୫ ଜଣଙ୍କ ମୃତ୍ୟୁ ଘଟିଛି । ପୋଲିସ ଉକ୍ତ ଗାଁରେ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଛି ।

ମୃତକମାନେ ହେଲେ ଆଲାଉଦ୍ଦିନ, କାମେଶ୍ୱର ମହଟୋ, ରାମଜୀବନ, ​​ରୋହିତ ସିଂ ଓ ପପୁ ସିଂ ବୋଲି ମାରହରା ଏସଡିପିଓ ଇନ୍ଦ୍ରଜିତ ବୈଠା ସୂଚନା ଦେଇଛନ୍ତି ।

ପୋଲିସ ମୃତଦେହକୁ ଚାପ୍ରାକୁ ପୋଷ୍ଟମର୍ଟମ ପାଇଁ ପଠାଇଛି ଏବଂ ଘଟଣାର ତଦନ୍ତ କରୁଛି । ଅଧିକ ଲୋକ ମଦ୍ୟପାନ କରିଥିବାରୁ ମୃତ୍ୟୁ ସଂଖ୍ୟା ବଢିବାର ସମ୍ଭାବନା ରହିଛି । କୁହାଯାଉଛି ଯେ ନିନ୍ଦା ଓ ଭୟ ହେତୁ ଅନେକ ଲୋକ ଗୁପ୍ତରେ ଚିକିତ୍ସା କରୁଛନ୍ତି । ଏହି ସମୟରେ ପୋଲିସ ଗ୍ରାମବାସୀଙ୍କୁ ନିବେଦନ କରିଛି ଯେ ଯଦି କେହି ମଦ୍ୟପାନ କରିଛନ୍ତି, ତେବେ ସୂଚନା ଦିଅନ୍ତୁ ଯାହା ଦ୍ୱାରା ଠିକ୍‌ ସମୟରେ ଚିକିତ୍ସା ଦ୍ୱାରା ସେମାନଙ୍କର ଜୀବନ ରକ୍ଷା କରାଯାଇ ପାରିବ ।

ଗତ ସପ୍ତାହରେ ୧୩ ଜଣଙ୍କର ମୃତ୍ୟୁ ହୋଇଥିଲା

ପ୍ରକାଶ ଥାଉକି ଗତ ସପ୍ତାହରେ ବିହାରର ସାରଣ ଜିଲ୍ଲାରେ ୧୩ ଜଣଙ୍କର ବିଷାକ୍ତ ମଦ୍ୟପାନ ହେତୁ ମୃତ୍ୟୁ ଘଟିଥିଲା। ପ୍ରାୟ ଅନେକ ଲୋକ ଦୃଷ୍ଟି ଶକ୍ତି ହରାଇଥିଲେ।
Published by:Sujit Swain
First published: