ହୋମ୍ » ଓଡ଼ିଶା ନ୍ୟୁଜ୍ » ଟ୍ରେଣ୍ଡିଙ୍ଗ»Taiwan Fire: ଭୋର୍ ଭୋର୍ ଲାଗିଲା ନିଆଁ; ୧୩ ମହଲା କୋଠାରେ ୪୬ ଜଣ ଲୋକ ଜଳି ମଲେ

Taiwan Fire: ଭୋର୍ ଭୋର୍ ଲାଗିଲା ନିଆଁ; ୧୩ ମହଲା କୋଠାରେ ୪୬ ଜଣ ଲୋକ ଜଳି ମଲେ

46 people killed in fire in Taiwan building | ଟେଲିଭିଜନରେ ପ୍ରସାରିତ ଭିଡିଓରେ ଦେଖାଯାଇଥିଲା ଯେ କମଳା ରଙ୍ଗର ନିଆଁର ଶିଖା ଓ ପ୍ରବଳ ଧୂଆଁ ବିଲ୍ଡିଂର ତଳ ମହଲାରୁ ବାହାରୁଛି । ଜଣେ ମହିଳା କହୁଥିଲେ ତାଙ୍କ ୬୦ରୁ ୭୦ ବର୍ଷର ପିତାମାତା ସେହି ବିଲ୍ଡିଂ ଭିତରେ ଅଛନ୍ତି ।

Taiwan Fire: ଭୋର୍ ଭୋର୍ ଲାଗିଲା ନିଆଁ; ୧୩ ମହଲା କୋଠାରେ ୪୬ ଜଣ ଲୋକ ଜଳି ମଲେ
ଅଗ୍ନିଶମ ବାହିନୀ ନିଆଁ ଲିଭାଇବାରେ ଲାଗିଛନ୍ତି । (ଏ.ପି. ଫଟୋ)
  • News18 Odia
  • Last Updated: October 14, 2021, 7:27 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ତାଇପେଇ (ତାଇୱାନ): ଦକ୍ଷିଣ ତାଇୱାନରେ ଏକ ୧୩-ମହଲା ଅଟ୍ଟାଳିକାରେ ଅଗ୍ନିକାଣ୍ଡରେ ମୃତ୍ୟୁ ସଂଖ୍ୟା ବଢ଼ି ୪୬ ହୋଇଛି ବୋଲି ଗୁରୁବାର ଦିନ ଅଧିକାରୀମାନେ କହିଛନ୍ତି । ଅତି କମରେ ୪୧ ଜଣ ଆହତ ହୋଇଛନ୍ତି (Taiwan fire) ।

୧୩ ମହଲା ବିଶିଷ୍ଟ କୋଠାରେ ଗୁରୁବାର ଭୋର୍‌ ୩ଟା ବେଳେ ନିଆଁ ଲାଗିଯାଇଥିଲା । ଅଗ୍ନିଶମ ବିଭାଗର ବିବୃତ୍ତିରେ କୁହାଯାଇଛି ଯେ ଏହି ଅଗ୍ନିକାଣ୍ଡ ଅତି ଭୟଙ୍କର ଥିଲା ଓ ଏଥିରେ ଅନେକ ମହଲା ନଷ୍ଟ ହୋଇଯାଇଛି (Taipei fire) । ଜଣେ ଅଧିକାରୀ କହିଛନ୍ତି ଯେ ନିଆଁ ଲାଗିଥିବା ସ୍ଥାନରୁ ୩୨ଟି ମୃତ ଦେହକୁ ସିଧା ମର୍ଗକୁ ପଠାଯାଇଛି। ଡାକ୍ତରଖାନାକୁ ନିଆଯାଇଥିବା ଅନ୍ୟ ୫୫ ଜଣଙ୍କ ମଧ୍ୟରୁ ୧୪ ଜଣଙ୍କ ଦେହରେ ଜୀବନର କୌଣସି ଲକ୍ଷଣ ନ ଥିଲା ବୋଲି ଜଣେ ଅଧିକାରୀ ସମ୍ବାଦ ସଂସ୍ଥା ଏ.ପି.କୁ କହିଛନ୍ତି । ତାଇୱାନରେ ମୃତ୍ୟୁର ସରକାରୀ ନିଶ୍ଚିତକରଣ କେବଳ ଡାକ୍ତରଖାନାରେ କରାଯାଏ ।

ଏହା ବି ପଢ଼ନ୍ତୁ | ସାମ୍ବାଦିକ ନବୀନ ଦାସଙ୍କ ପୁଅ ମନୀଷ ମୃତ୍ୟୁ ରହସ୍ୟ ଖୋଲିବ; ତାଙ୍କ ସାଙ୍ଗ ଏବେ ପୋଲିସ କବଜାରେ; କାର୍ମାଲିକ ଏବେ ବି ଫେରାର୍

ତାଇୱାନ ଟେଲିଭିଜନରେ ପ୍ରଦର୍ଶିତ ଭିଡିଓରେ ଦେଖାଯାଇଥିଲା ଯେ କମଳା ରଙ୍ଗର ନିଆଁର ଶିଖା ଓ ପ୍ରବଳ ଧୂଆଁ ବିଲ୍ଡିଂର ତଳ ମହଲାରୁ ବାହାରୁଛି ଓ ଅଗ୍ନିଶମ କର୍ମଚାରୀମାନେ ରାସ୍ତାରେ ଠିଆ ହୋଇ ପାଣି ସ୍ପ୍ରେ କରୁଛନ୍ତି (fire mishap) । ଜଣେ ମହିଳା, ଯାହାଙ୍କ ପରିଚୟ ମିଳିନାହିଁ, କହିଥିଲେ ଯେ ତାଙ୍କ ୬୦ରୁ ୭୦ ବର୍ଷର ପିତାମାତା ସେହି ବିଲ୍ଡିଂ ଭିତରେ ଥିଲେ ।

ଏହି ୧୩ ମହଲା ବିଲ୍ଡିଂରେ ନିଆଁ ଲାଗିଯାଇଥିଲା । (ଏ.ପି. ଫଟୋ)


ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ମୋବାଇଲ୍ଫୋନ୍ହେଲା କାଳ; ଗେମ୍ଖେଳିବାକୁ ଦେବାରୁ ଫ୍ୟାନରେ ଝୁଲି ଆତ୍ମହତ୍ୟା କଲା ଅଷ୍ଟମ ଶ୍ରେଣୀ ଛାତ୍ର

ସକାଳ ହେବା ପରେ ଦେଖାଯାଇଥିଲା ଯେ ଅଗ୍ନିଶମ କର୍ମଚାରୀମାନେ ଉଚ୍ଚ ପ୍ଲାଟଫର୍ମରେ ଠିଆହୋଇ ଧୂଆଁ ବାହାରୁଥିବା କୋଠାର ମଧ୍ୟ ଭାଗର ଫ୍ଲାଟଗୁଡ଼ିକ ଭିତରକୁ ପାଣି ସ୍ପ୍ରେ କରୁଥିଲେ । ଏହି ଅଗ୍ନିକାଣ୍ଡର କାରଣ ଏବେ ବି ଅସ୍ପଷ୍ଟ ଅଛି, କିନ୍ତୁ ଅଗ୍ନିଶମ ବିଭାଗ କର୍ମଚାରୀମାନେ କହିଥିଲେ ଯେ ଯେଉଁଠି ବହୁତ ଜିନିଷ ଗଦା ହୋଇ ରହିଥିଲା ସେଠାରେ ନିଆଁ ଖୁବ୍‌ ଜୋର୍‌ ଜଳୁଥିଲା ।

ଏହା ବି ପଢ଼ନ୍ତୁ | ଢେଙ୍କାନାଳ: ଟଙ୍କା ଭର୍ତ୍ତି ବ୍ୟାଙ୍କ୍ଗାଡି଼ ଲୁଟିଥିଲେ, ମାତ୍ର ଧରାପଡ଼ିଗଲେ; କୋଟି ଟଙ୍କା ଜବତ, ଗିରଫ

ପ୍ରତ୍ୟକ୍ଷଦର୍ଶୀମାନେ ତାଇୱାନ ଗଣମାଧ୍ୟମକୁ କହିଛନ୍ତି ଯେ ସେମାନେ ପ୍ରାୟ ୩ଟା ବେଳେ ଏକ ବିସ୍ଫୋରଣ ଶୁଣିଥିଲେ । ଏହି ବିଲ୍ଡିଂଟି ପ୍ରାୟ ୪୦ ବର୍ଷ ପୁରୁଣା । ଏହାର ତଳ ମହଲାରେ ଦୋକାନ ଥିଲା ଓ ଉପର ମହଲାରେ ଆପାର୍ଟମେଣ୍ଟଗୁଡ଼ିକ ଥିଲେ । ତଳ ମହଲା ସମ୍ପୂର୍ଣ୍ଣ କଳା ହୋଇଯାଇଛି । (ଏ.ପି.)
Published by: Anand S.T. Das
First published: October 14, 2021, 7:27 PM IST