ଉତ୍ତରପ୍ରଦେଶରେ କାନ୍ଥ ଭୁଷୁଡି ୧୨ ଜଣଙ୍କର ମୃତ୍ୟୁ; ଦୁଃଖ ପ୍ରକାଶ କଲେ CM ଯୋଗୀ

News 18 Odia Digital

ଉତ୍ତରପ୍ରଦେଶ : ଉତ୍ତରପ୍ରଦେଶରେ ପ୍ରବଳ ବର୍ଷା ହେତୁ ଶୁକ୍ରବାର ଲକ୍ଷ୍ନୌ ଓ ଉନ୍ନାଓରେ ଦୁଇଟି ସ୍ଥାନରେ ଭୟଙ୍କର ଦୁର୍ଘଟଣା ଘଟିଛି । ଉଭୟ ସ୍ଥାନରେ କାନ୍ଥ ଭୁଷୁଡିବା କାରଣରୁ ୧୨ ଜଣଙ୍କର ମୃତ୍ୟୁ ଘଟିଛି। ସୂଚନାନୁସାରେ, ଲକ୍ଷ୍ନୌରେ ୯ ଜଣ ଏବଂ ଉନ୍ନାଓରେ ୩ ଜଣ ପ୍ରାଣ ହରାଇଛନ୍ତି । ଏହି ଦୁର୍ଘଟଣାକୁ ନେଇ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଗଭୀର ଦୁଃଖ ପ୍ରକାଶ କରିଛନ୍ତି । ଏଥି ସହିତ ସିଏମ୍ ଯୋଗୀ କହିଛନ୍ତି ଯେ ଭୟଭୀତ ହୁଅନ୍ତୁ ନାହିଁ। ରାଜ୍ୟ ସରକାର ଆପଣଙ୍କ ସହ ଅଛନ୍ତି ।

प्रिय प्रदेश वासियो,

प्रदेश के विभिन्न जनपदों में पिछले 24 घंटों में भारी बारिश होने से जन-जीवन प्रभावित हुआ है, किंतु घबराएं नहीं।

आपकी सरकार हर परिस्थिति में आपके साथ है।

— Yogi Adityanath (@myogiadityanath) September 16, 2022

ଲକ୍ଷ୍ନୌରେ ମହିଳା ଏବଂ ଶିଶୁଙ୍କ ସମେତ ୯ ଜଣଙ୍କ ମୃତ

ଶୁକ୍ରବାର ଦିନ ଲକ୍ଷ୍ନୌର ଦିଲ୍କୁଶା ଅଞ୍ଚଳରେ ପ୍ରବଳ ବର୍ଷା ହେତୁ କାନ୍ଥ ଭୁଷୁଡିବା ପରେ ମହିଳା ଓ ଶିଶୁଙ୍କ ସମେତ ନଅ ଜଣଙ୍କର ମୃତ୍ୟୁ ଘଟିଛି । ଅନେକ ଲୋକ ଆହତ ମଧ୍ୟ ହୋଇଛନ୍ତି । ପୋଲିସ ସୂଚନା ପାଇ ସାଙ୍ଗେ ସାଙ୍ଗେ ଉଦ୍ଧାର କାର୍ଯ୍ୟ ଆରମ୍ଭ କରିଥିଲା । ଲକ୍ଷ୍ନୌର ଯୁଗ୍ମ ପୋଲିସ କମିଶନର କହିଛନ୍ତି ଦିଲ୍କୁଶା ଅଞ୍ଚଳରେ ଏକ ସେନା ଏନକ୍ଲେଭ ବାହାରେ କିଛି ଶ୍ରମିକ କାନ୍ଥ ନିକଟରେ ରହୁଥିଲେ। ରାତାରାତି ପ୍ରବଳ ବର୍ଷା ହେତୁ ଆର୍ମି ଏନକ୍ଲେଭ କାନ୍ଥ ଭୁଷୁଡି ପଡ଼ିବାରୁ ଏଭଳି ଘଟଣା ଘଟିଛି ।

Unnao, UP | Three including 2 minors were killed while one was injured after roof of a house collapsed due to rain late last night. Injured has been identified as the mother of three children aged 20 years, 4 years & 6 years all of whom died in incident. Senior officials on spot pic.twitter.com/Ve8g1kbXa4

— ANI UP/Uttarakhand (@ANINewsUP) September 16, 2022

ପ୍ରତ୍ୟେକ ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରାଯିବ


ଏଥି ସହ ରାଜ୍ୟ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି ଦୁର୍ଘଟଣା ବିଷୟରେ ଜାଣି ଦୁଃଖ ପ୍ରକାଶ କରିଛନ୍ତି। ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିବା ମାତ୍ରେ ରିଲିଫ ଏବଂ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ କୁହାଯାଇଛି । ମୁଖ୍ୟମନ୍ତ୍ରୀ ମୃତକଙ୍କ ପରିବାରକୁ ପ୍ରତ୍ୟେକଙ୍କୁ ୪ ଲକ୍ଷ ଟଙ୍କା ସହାୟତା ରାଶି ଘୋଷଣା କରିଛନ୍ତି। ଏହା ସହିତ ଆହତଙ୍କୁ ଉପଯୁକ୍ତ ଚିକିତ୍ସା ପାଇଁ ନିର୍ଦ୍ଦେଶ ମଧ୍ୟ ଦିଆଯାଇଛି। ମୁଖ୍ୟମନ୍ତ୍ରୀଙ୍କ ସହ ଲକ୍ଷ୍ନୌ ସାଂସଦ ତଥା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ମଧ୍ୟ ଏହି ଦୁର୍ଘଟଣାରେ ଗଭୀର ଦୁଃଖ ପ୍ରକାଶ କରିଛନ୍ତି।

#UPCM @myogiadityanath ने जनपद उन्नाव में दीवार गिरने के हादसे में हुई जनहानि पर गहरा दुःख व्यक्त किया है।

मुख्यमंत्री जी ने शोक संतप्त परिजनों के प्रति संवेदना व्यक्त की है।

— CM Office, GoUP (@CMOfficeUP) September 16, 2022

ବର୍ଷା ଗୋରଖପୁରରେ ୧୦ ବର୍ଷର ରେକର୍ଡ ଭାଙ୍ଗିଛି ।

ଗତ ୨୪ ଘଣ୍ଟା ମଧ୍ୟରେ ଗୋରଖପୁର ଜିଲ୍ଲାରେ ୧୫୮ ମିଲିମିଟର ବର୍ଷା ହୋଇଛି, ଦେଓରିଆ ଜିଲ୍ଲାର ୧୦୭.୫ ମିଲିମିଟର, ମହାରାଜଗଞ୍ଜରେ ୯୦, ବସ୍ତିରେ ୮୩.୮ , ସିଦ୍ଧାର୍ଥନଗର ଜିଲ୍ଲାର ୭୦.୨ ମିଲିମିଟର ବର୍ଷା ରେକର୍ଡ କରାଯାଇଛି । ପାଣିପାଗ ବିଭାଗର ସୂଚନାନୁସାରେ, ଗତ ୨୪ ଘଣ୍ଟା ମଧ୍ୟରେ ଗୋରଖପୁରରେ ବର୍ଷା ଗତ ୧୦ ବର୍ଷର ରେକର୍ଡ ଭାଙ୍ଗିଛି। ଏହି ସମୟ ମଧ୍ୟରେ ୧୫୮ ମିଲିମିଟର ବର୍ଷା ରେକର୍ଡ କରାଯାଇଛି।