ଏହି ୨ଟି ଆକାଉଣ୍ଟର ବ୍ଲୁ ଟିକ୍ ପାଇଁ ଦେବାକୁ ପଡ଼ିବ ଟଙ୍କା; ଜାଣନ୍ତୁ କେତେ ଭରିବେ?

News18 Odia Digital

Blue tick of instagram and facebook: ନିକଟରେ ମେଟା ଘୋଷଣା କରିଥିଲା ଯେ, ସେ ନିଜ ସୋସିଆଲ ମିଡ଼ିଆ (Social Media) ଆକାଉଣ୍ଟ ପାଇଁ ପେଡ ଭ୍ୟାରିଫିକ୍ସେନର ସୁବିଧା ଉପସ୍ଥାପନ କରିବ।

ବର୍ତ୍ତମାନ କମ୍ପାନୀ ଆମେରିକାରେ ଏହି ପ୍ଲାନର ଆରମ୍ଭ କରିବାର କଥା କହି, ମେଟା ପ୍ଲାଟଫର୍ମ ଶୁକ୍ରବାର ଦିନ ଆମେରିକାରେ ନିଜ ସବସ୍କ୍ରିପସନ ସେବା ଆରମ୍ଭ କରିଛି। ଯାହା ଫେସବୁକ୍ (Facebook) ଏବଂ ଇନଷ୍ଟାଗ୍ରାମ (Instagram) ୟୁଜର୍ସଙ୍କୁ ଭ୍ୟାରିଫିକ୍ସେନ ପାଇଁ ପେମେଣ୍ଟ କରିବାର ଅନୁମତି ଦେବ।

ମେଟା ଭ୍ୟାରିଫିକ୍ସେନ ସେବା ୟୁଜର୍ସଙ୍କୁ ଏକ ସରକାରୀ ଆଇଡିର ଉପଯୋଗ କରି ନିଜ ଆକାଉଣ୍ଟର ଭ୍ୟାରିଫିକ୍ସେନ କରିବା ପରେ ଏକ ବ୍ଲ୍ୟୁ ଟିକ୍ (Blue Tick) ଦେବ। ଯାହାପାଇଁ ଆପଣଙ୍କୁ ଟଙ୍କା ଖର୍ଚ୍ଚ କରିବାକୁ ପଡ଼ିବ।

ୱେବରେ ଏହାକୁ ପ୍ରତି ମାସରେ ବ୍ୟବହାର କରୁଥିବା ୟୁଜର୍ସଙ୍କୁ ଡଲାର ୧୧.୯୯ ଅର୍ଥାତ୍ ପ୍ରାୟ ୯୯୦ ଟଙ୍କା ଦେବାକୁ ପଡ଼ିବ। ଏଥି ସହିତ, ଆପଲର ଆଇଓଏସ୍ ସିଷ୍ଟମ ଏବଂ ଗୁଗଲକୁ ୧୪.୯୯ ଡଲାର ଅର୍ଥାତ୍ ମାସକୁ ପ୍ରାୟ ୧୨୪୦ ଟଙ୍କା ଖର୍ଚ୍ଚ କରିବାକୁ ହେବ।

ମେଟା ପୂର୍ବରୁ ସୂଚନା ଦେଇଛି ଯେ, ଏହା ଫେବୃଆରୀରେ ଏହି ସେବାକୁ ଟେଷ୍ଟ କରିଛି। ସର୍ବପ୍ରଥମେ, ଟ୍ୱିଟରରେ ବ୍ଲୁ ଟିକ୍ ଯାଞ୍ଚର ପରମ୍ପରା ଆରମ୍ଭ ହୋଇଥିଲା।

ଗତ ବର୍ଷ, ଏଲୋନ୍ ମସ୍କ ୪୪ ବିଲିୟନ ଡଲାର ଅର୍ଥାତ୍ ପ୍ରାୟ ୩,୬୩,୩୦୦ କୋଟି ଟଙ୍କାରେ ଟ୍ବିଟର କିଣିବା ପରେ ଟ୍ୱିଟର ଏହାର ବ୍ଲୁ ସବସ୍କ୍ରିପସନ୍ ସେବା ଆରମ୍ଭ କରିଥିଲା। ଏହା ଲୋକଙ୍କୁ ବ୍ଲୁ ଚେକ୍ ମାର୍କ ପାଇଁ ଦେୟ ଦେବାକୁ ଅନୁମତି ଦେଇଥାଏ, ଯାହା ପୂର୍ବରୁ କେବଳ ରାଜନେତା, ସାମ୍ବାଦିକ ଏବଂ ଅନ୍ୟାନ୍ୟ ଜନସାଧାରଣଙ୍କ ଆକାଉଣ୍ଟରେ ଉପଲବ୍ଧ ଥିଲା।

ପ୍ରକାଶ ଥାଉକି ଆମେରିକା ଏବଂ ଅନ୍ୟାନ୍ୟ ଦେଶରେ ବଜାରକୁ ଆସିବା ପୂର୍ବରୁ ମେଟା ଭ୍ୟାରିଫିକ୍ସେନ୍ ପ୍ରଥମେ ଅଷ୍ଟ୍ରେଲିଆ ଏବଂ ନ୍ୟୁଜିଲ୍ୟାଣ୍ଡରେ ଆରମ୍ଭ କରାଯାଇଥିଲା।

କମ୍ପାନୀର କହିବାନୁସାରେ, ଗ୍ରାହକମାନେ ଏକ ବ୍ୟାଜ୍ ପାଇବେ ଯାହା ସୂଚାଇ ଦିଏ ଯେ, ସେମାନଙ୍କ ଆକାଉଣ୍ଟକୁ ସରକାରୀ ଆଇଡି ସହିତ ଯାଞ୍ଚ କରାଯାଇଛି। ଏହି କାରଣରୁ, ନକଲି ଯାଞ୍ଚ ଆକାଉଣ୍ଟରେ କୌଣସି ଅସୁବିଧା ହେବ ନାହିଁ ଏବଂ ଏହା ସୁରକ୍ଷା ବଜାୟ ରଖିବ।

ପଢ଼ନ୍ତୁ ଏହି ଖବର: ସିନିୟର ସିଟିଜନ୍ସଙ୍କ ପାଇଁ ଆଶ୍ବସ୍ତି ଖବର; ପୁଣି ମିଳିବ ଟ୍ରେନ ଭଡ଼ାରେ ରିହାତି!

ସୋସିଆଲ ମିଡ଼ିଆର ଫେମସ କମ୍ପାନୀ କହିଛି ଯେ, ଏହି ସେବା ମୁଖ୍ୟତଃ କଣ୍ଟେଣ୍ଟ କ୍ରିଏଟରଙ୍କ ପାଇଁ ହେବ ଯେଉଁମାନେ ପ୍ଲାଟଫର୍ମରେ ସେମାନଙ୍କର ଉପସ୍ଥିତି ବଢ଼ାଇବାକୁ ଚାହୁଁଛନ୍ତି।