ଭାରତରେ ଦମଦାର ଏଣ୍ଟ୍ରି କଲା Vivo X90 Series; ପ୍ରି-ବୁକିଂରେ ମିଳୁଛି ରିହାତି

News18 Odia Digital

Vivo X90 Series Launch Price in India: ଭିଭୋର (Vivo) ନିଜସ୍ୱ ସାଇଟ୍ ଓ ଫିଲ୍ପକାର୍ଟ ସାଇଟ ମାଧ୍ୟମରେ ଏକ୍ସ ସିରିଜ ଭାରତୀୟ ବଜାରରେ ଦୁଇଟି ମଡେଲ୍ ଲଞ୍ଚ କରିଛି। ତେବେ ପ୍ରି-ବୁକିଂ ତାରିଖ, ବିକ୍ରୟ ତାରିଖ ଏବଂ ମୂଲ୍ୟ ସମ୍ପର୍କରେ ଆସନ୍ତୁ ଜାଣିବା...

ଭିଭୋ ଏକ୍ସ90 (Vivo X90) ଏବଂ ଭିଭୋ ଏକ୍ସ 90 ପ୍ରୋ (Vivo X90 Pro) ଲଞ୍ଚ ହେବା ସହ ପ୍ରି-ବୁକିଂର ଉପଲବ୍ଧି ରହିଛି। କମ୍ପାନୀର ନିଜସ୍ୱ ସାଇଟ ମାଧ୍ୟମରେ ପ୍ରି-ବୁକିଂ ହୋଇପାରିବ।

ପ୍ରି-ବୁକିଂ କରିବା ଦ୍ୱାରା ୧୬ ହଜାର ଟଙ୍କାର ରିହାତି ମିଳିବ। ICICI ଏବଂ HDFCର କ୍ରେଡିଟ କାର୍ଡ଼ କିମ୍ବା ଡେବିଟ କାର୍ଡ଼ ଦ୍ୱାରା ଆପଣ ପେମେଣ୍ଟ କରି ୮ ହଜାର ଟଙ୍କା ପର୍ଯ୍ୟନ୍ତ ରିହାତି ପାଇ ପାରିବେ। ଯେଉଁଠାରେ, ଏକ୍ସଚେଞ୍ଜ ବୋନସରୁ ୮ ହଜାର ଟଙ୍କା ରିହାତି ମିଳୁଛି।

ଭିଭୋ X90 ପ୍ରୋର ଏକକ ମଡେଲ ହେଉଛି 12 GB RAM + 256 GB ଷ୍ଟୋରେଜ୍। ଏହାର ମୂଲ୍ୟ ୮୪,୯୯୯ ଟଙ୍କା ହୋଇଥିବା ବେଳେ ଭିଭୋ X90 ଦୁଇଟି ପ୍ରକାରରେ ପରିଚିତ ହୋଇଛି।

ଏହାର 8GB RAM + 256GB ଷ୍ଟୋରେଜ୍ ମୂଲ୍ୟ ୫୯,୯୯୯ ଟଙ୍କା ହୋଇଥିବା ବେଳେ 12GB RAM + 256GB ଷ୍ଟୋରେଜ୍ ମୂଲ୍ୟ ୬୩,୯୯୯ ଟଙ୍କା ରହିଛି। ଏହି ଫୋନ୍ ମେ ୫ରେ ମଧ୍ୟାହ୍ନ ୧୨ଟାରେ ବିକ୍ରି ପାଇଁ ଉପଲବ୍ଧ ହେବ।

ଭିଭୋ X90 ର 6.78-ଇଞ୍ଚ AMOLED HDR10 + ଡିସପ୍ଲେ ସହିତ 120Hz ଫ୍ରେସ୍ ରେଟ୍ ରହିଛି। ଯେତେବେଳେ କି, ଭିଭୋ X90 ପ୍ରୋ 2K ରିଜୋଲ୍ୟୁସନ ଏବଂ ୨୦:୯ ଅନୁପାତ ସହିତ ୬.୭୮-ଇଞ୍ଚ ଡିସପ୍ଲେ ସହିତ ଆସୁଛି। ଏହା ବ୍ୟତୀତ, ପ୍ରୋ ମଡେଲର ସ୍କ୍ରିନ୍ 2160Hz PWM, 452 PPI, HDR10 +, 300Hz ଟଚ୍ ସ୍ପେଲିଙ୍ଗ ରେଟ ସହିତ ଆସୁଛି।

ପଢ଼ନ୍ତୁ ଏହି ଖବର:  ନୂଆ ଲିଭ୍ ପଲିସିକୁ ନେଇ ସରକାରଙ୍କ ବଡ଼ ଘୋଷଣା; ଏହି କର୍ମଚାରୀଙ୍କୁ ମିଳିବ ୪୨ ଦିନର ଛୁଟି

ଆଉଟ ଫ୍ରଣ୍ଟ ବକ୍ସରେ ଫୋନ ଆଣ୍ଡ୍ରୋଏଡ୍ ୧୩-ଆଧାରିତ ଫାଇନ୍ ଟଚ୍ ଆଇଏସ ୧୩ରେ କାର୍ଯ୍ୟ କରିବ। ଏହା ଛଡ଼ା ସେଠାରେ ମିଡ଼ିଆ ଟେକ୍ ଡାଇମେନସିଟି 9200 ପ୍ରୋସେସର ରହିଥିବା ବେଳେ 12GB LPDDR5 RAM ଏବଂ 256GB UFS 4.0 ଷ୍ଟୋରେଜ୍ ସହିତ ଯୋଡ଼ି ହୋଇ ରହିଛି।

କ୍ୟାମେରା ବିଷୟରେ କହିବାକୁ ଗଲେ, ଭିଭୋ X90 ପ୍ରୋରେ 50MP + 50MP + 12MP ର ଟ୍ରିପଲ୍ କ୍ୟାମେରା ସେଟଅପ୍ ରହିଛି। ଉଭୟ ଫୋନ୍ 32MP ସାମ୍ନା କ୍ୟାମେରା ସେନ୍ସର ସହିତ ଆସିଥାଏ।